यसैया 20:4 - Sunuwar Bible

⁴ मोपा अस्‍सुर ङा पिपमी इजीप्‍त रागी नु एथीयोपीया ङा मुर आन कली ग्‍याइश्‍शा लाइक्‍ब। ठिटा नु खूशो नेल्‍ल आन कली शिश्रा, जुत्ता मलिक्‍पाइक्‍‍थु नु देल्‍लो तपाइश्‍शा लाइश्‍शा, इजीप्‍त कली मुने तोक्‍ब।

यसैया 20:4 ပူးပေါင်းရင်းမြစ်များ

२ सामुएल 10:4

मोपतीके हानुनमी दाऊद आ सोइश्‍शो मुर आन कली ग्‍याइश्‍शा, आन गल शोक्रे उइक्‍थ उइक्‍थ ख्रोइश्‍शा नु आन फेक्‍शो वा क्रातो सम्‍म ख्रोइश्‍शा सोइक्‍तीमी बाक्‍त।

१ इतिहास 19:4

मिनु हानुनमी दाऊद आ सोइश्‍शो मुर आन कली ग्‍याइश्‍शा आन चां प्रेक्‍तमे बाक्‍त। आन वा इर रे आन देल्‍लो सम्‍म रिक्‍शा सोइक्‍तमे बाक्‍त।

यसैया 19:4

गो इजीप्‍त ङा मुर आन कली शिशी मपथु, सासन पाइब आ गुइमी जिम्‍मा गेनुङमी। मिनु हिंचा ङा पिपमी मेको आन कली सासन पाइब” दे परमप्रभु, मुर नेल्‍ल आन परमप्रभु यावेमी देंत।

यसैया 3:17

मोपतीके गो सियोन ङा तमी आन पिया श्‍येत्‍थ सेल्‍शा, आन ख्रुइश्‍शो कोंइशा मुने तोक्‍नुङमी” दे परमप्रभुम देंत।

यसैया 31:2

मो हना यो परमप्रभु तुइक्‍ब बाक्‍ब। मिनु श्‍येत दुम्‍पाइक्‍ब। आ मिम्‍शो पशा, मरिम्‍शो पाइब आन खिं नु मेको आन कली वारच पाइब नु लडाइ पाइब। आमोस ३:६; गन्‍ती २३:१९

यसैया 31:3

इजीप्‍त ङा मुर, मुर ला बाक्‍नीम। मेको परमप्रभु मनम। आन शारा बेक्‍ब बाक्‍नीम। सोक्‍त मनम। परमप्रभु यावेमी आ गुइ दिंदानु, वारच पाइब दाइल पांइसीनीम। मिनु वारच पपांइसीब नेल्‍ले कालेमी बेक्‍नीम।

यसैया 47:2

फस हिल्‍दो। इ कुल सुम्‍सीशो वा हाक्‍सो। इ गुने ग्‍येत्‍थ क्‍युक्‍सो फिला कोंइशा खोला शोक्‍सो।

यसैया 47:3

इ वा हुक्‍शा, इ शिश्रा रां कोंइचा माल्‍नेवे। इ मुने दोक्‍तीके तांइसीब। गो इ कली क्‍येक्‍क लेत्‍नुङ। गो सुइ कली मप्रोंइनुङमी। नहुम ३:५

येरमीया 13:22

“मिनु गे इ थुंम ‘आं कली मारदे ओदेंशो श्‍येत दुम्‍मे’ देंनेवे। गेमी शुश मरिम्‍शो पतीके इ गुने क्‍युक्‍साक्‍वे। मिनु इ रांमी मरिम्‍शो पाइक्‍चा पुंइसाक्‍वे। यसैया ४७:२-३; इजीकीएल १६:३७

येरमीया 13:26

गो आंमा इ गुने इ शोव़ सम्‍मन क्‍युक्‍नुङ। मिनु मोपा इ मुने नेल्‍ल तांइसीब।

येरमीया 46:19

गे इजीप्‍त ङा दारशो तमी ग्‍याइश्‍शा लाइक्‍चा पुंइसीचा कली इ मार मार कुम्‍लो पावो। मारदे हना मेम्‍फीस श्‍येत्‍थ दुम्‍ब। मेको खिं नेल्‍ल ब्रेश्‍शा, मुर मबाक्‍तीके दुम्‍ब।

येरमीया 46:26

गो मेको आन कली साइक्‍चा माल्‍ब बेबीलोन ङा पिप नेबुकदरेसर नु आ लडाइ पाइब आन ठेयब मुर आन गुइमी गेनुङमी। मेको नोले इजीप्‍त रागी ङोंइती ङा खोदेंशो पा मुर बाक्‍तीक रागी दुम्‍ब” दे परमप्रभु यावेम देंत। इजीकीएल २९:१४

इजीकीएल 30:18

मेको नाक्‍त तेहाफ-नेहेस सहर छिङछिङ दुम्‍ब। गो मेकेर इजीप्‍त रागी आ जुवा जिक्‍नुङ। मिनु मेको आ ठेयब लेश्‍शो क्‍याम्‍नुङ। गोस्‍सुमी मेको सहर कली सुम्‍ब। मिनु मेको आ एर ओंथ ङा सहर ङा मुर ग्‍याइश्‍शा लाइक्‍चा पुंइसीनीम। येरमीया ४३:९

आमोस 9:7

मिनु परमप्रभु यावेमी इस्राएल ङा मुर आन कली “गे आं कली एथीयोपीया ङा मुर खोदेंशो बाक्‍नीनी। गो इस्राएली आन कली इजीप्‍त रागी रे, पलिस्‍ती आन कली काफ्‍तोर रागी रे नु अरामी आन कली कीर रागी रे ग्रुंइशा चाक्‍शो मनङमी ङा?” देंशो बाक्‍ब। ब्‍यवस्‍था ७:७; येरमीया ४७:४

मीका 1:11

शाफीर सहर ङा मुरपुकी, भेत्रे दुम्‍शा, मुने दोक्‍शा इन लां लने। सानान सहर ङा मुरपुकी लाङगा मग्रूनीम। बेथ-एचेलम ङा मुर रोंका पाइनीम। मुल रे इ कली वारच पाइब मबाक्‍नीम।

नहुम 3:10

मो हना यो मेको ग्‍याइश्‍शा ग्रुंइचा पुंइसाक्‍व। मेको आ आलपुकी लांम ताइश्‍‍शा साइक्‍चा पुंइसाक्‍म। आ ठेयब मुर आन कली बाजी आप्‍शा लाइक्‍तेक्‍म। मिनु मेको आन नेल्‍ल क्‍येङा ठेयब मुर नेल्‍ल साङलोमी फ्रेंचा पुंइसाक्‍म। योएल ४:३

सेफन्‍याह 2:12

गे एथीयोपीया ङा मुर यो आं तरवारमी साइक्‍चा पुंइसीनीनी” दे परमप्रभु यावेमी देंत। इजीकीएल ३०:९

प्रकाश 3:18

मोपतीके गो इन कली लोव़ का पाइनुङ, मार लोव़ पाइनुङ देंशा हना, गे शोंप पाइश्‍शो दुम्‍चा कली आं सुन ग्‍यापीन। मेको सुन याप्‍पाइश्‍शो बाक्‍ब। मेको ग्‍याप्‍तीनी हना, गे शोंप पाइश्‍शो दुम्‍नीनी। मिनु फेक्‍चा कली बुश वा ग्‍यापीन। मेको ग्‍याप्‍तीनी हना, मुने मदोक्‍नीनी। मिनु इन मिक्‍च, सापाइक्‍चा कली मिक्‍चीम ख्रेक्‍तीके ग्‍यापीन। ग्‍याप्‍शा ख्रेक्‍साक्‍नी हना, गे ताइनीनी।