यसैया 20:3 - Sunuwar Bible

³ मिनु परमप्रभु यावेमी “आं गेय पाइब यसैया दोपा शिश्रा नु जुत्ता मलिक्‍थु बर्स सां सम्‍म इजीप्‍त नु एथीयोपीयाम चिन्‍ड कोंइचा कली गाक्‍मे,

यसैया 20:3 ပူးပေါင်းရင်းမြစ်များ

यसैया 19:4

गो इजीप्‍त ङा मुर आन कली शिशी मपथु, सासन पाइब आ गुइमी जिम्‍मा गेनुङमी। मिनु हिंचा ङा पिपमी मेको आन कली सासन पाइब” दे परमप्रभु, मुर नेल्‍ल आन परमप्रभु यावेमी देंत।

यसैया 37:9

अस्‍सुर ङा पिपमी एथीयोपीया ङा पिप तिरहाकाह “गे नु लडाइ पथ जाक्‍ना जाक्‍न बाक्‍ब” देंशो लोव़ नेना बाक्‍त। मिनु मेको लोव़ नेंशा, हिज्‍कीयाह आ बाक्‍तीकेमी आ मुर आन कली लोव़ कुरब पा सोइक्‍ताक्‍व।

यसैया 43:3

मारदे हना गो परमप्रभु यावे, इ परमप्रभु नङ। गो इस्राएली आन का ला बाक्‍शो परमप्रभु नङ। गो इ कली पाप रे प्रोंइब नङ। गो इजीप्‍त रागी इ पा ङा गेता। मिनु एथीयोपीया नु सेबा रागी इ कली प्रोंइचा कली गेता। यसैया ४१:१४

यसैया 8:18

मुर नेल्‍ल आन परमप्रभु यावे सियोन डांडाम बाक्‍ब। परमप्रभु यावेमी आं कली नु आं कली गेशो आलपुकी इस्राएली आन दातेमी चिन्‍ड नु कोंइतीक सेल्‍तीकी। यसैया ८:३; यसैया ७:३; हिब्रू २:१३

येरमीया 13:1

परमप्रभु यावेम आं कली “लशा सुती के धोती का ग्यापो। मिनु मेको पांइसो। तन्‍न मेको कली ब्‍वाक्‍कुम जित्‍चा मगेवो” दे माइक्‍ती।

इजीकीएल 12:6

मेकोपुकीम कोव़न कोव़ना गे इ कुम्‍लो इ बलाम कुरो। मिनु नां रिक्‍मेनु कुरशा गाक्‍को। रागी मतचा ङा पा इ कुल सुम्‍सो। मारदे हना गो इ कली इस्राएल आ खिं ङा मुर आन पर्बम चिन्‍ड का सेल्‍शो बाक्‍नुङ” देंत। इजीकीएल २४:२४,२७

इजीकीएल 30:4

इजीप्‍त रागी तार तरवार का जाक्‍ब। मिनु एथीयोपीया रागीम यो श्‍येत दुम्‍ब। इजीप्‍त रागीम साइक्‍चा पुंइसीशो मुरपुकी खपीम गोल्‍नीम। मिनु मेको रागी ङा शोंप लाइक्‍नीम। मिनु मेको आ जग प्रेत्‍नीम।

इजीकीएल 30:6

मिनु परमप्रभु यावेमी “मेको इजीप्‍त रागी कली वारच पतीके क्‍याम्‍चा पुंइ‍सीनीम। मेको आ ठेयब लेश्‍शो जाम्‍ब। मिग्‍दोल रे स्‍येने सम्‍म बाक्‍ब मुर नेल्‍ल तरवारम साइक्‍चा पुंइसीनीम। इजीकीएल २९:१०

इजीकीएल 4:1

मिनु परमप्रभु यावेमी “ए मुर, गे इंटा का चाक्‍शा इ ङोंइती वोतो। मिनु मेको तारी यरूसलेम सहर आ नकसा सेलो।

इजीकीएल 4:3

मिनु नोले फलाम के ग्‍योंब का चाक्‍शा, सहर नु इ दातेम फलाम के गारो खोदेंशो पा वोतो। मिनु गे सहर गे कोव़ङो। मिनु मेको सहर कली पुम्‍शो सेल्‍शा कोंइदो। शुश पुम्‍शो कोंइदो। मेको इस्राएली आन खिं ङा मुर आन कली चिन्‍ड का दुम्‍ब।

सेफन्‍याह 2:12

गे एथीयोपीया ङा मुर यो आं तरवारमी साइक्‍चा पुंइसीनीनी” दे परमप्रभु यावेमी देंत। इजीकीएल ३०:९

जकरिया 3:8

यहोसु, नेल्‍ल क्‍येङा ठेयब चढ़ेब नु इ नेक्‍था बाक्‍ब इ खोदेंशो गेय पाइबपुकी नोफा दाइश्‍शा नेनीन। गो नोले आं गेय पाइब, राशी माइश्‍शो चाक्‍नुङ, मेकोपुकी मेको आ पर्बम चिन्‍ड बाक्‍नीम। यसैया ८:१८; जकरिया ६:१२; येरमीया २३:५; येरमीया ३३:१५

गन्‍ती 14:34

गेपुकीमी मेको रागी क्‍यारी पचा कली ४० नाक्‍त सम्‍म माल्‍शो बाक्‍तीनी। मोपतीके नाक्‍त का ङा बर्स का पा ४० बर्स सम्‍म गेपुकीम इन मरिम्‍शो पशो आ पर्बम श्‍येत जचा माल्‍नीनी। मिनु गो इन पर्बम गाइक्‍ताक्‍ङ, दे तुइक्‍नीनी’ दे येरमीया २:१९; गन्‍ती ३२:१३