Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




यसैया 2:8 - Sunuwar Bible

8 मेको आन रागी मूर्तिम ब्रीशो बाक्‍ब। मेकोपुकी आंमा सेल्‍शो मूर्ति आ ङोंइती बाप्‍नीम। आंमा गुइमी सेल्‍शो मूर्ति आ ङोंइती पोक्‍च थेक्‍नीम।

အခန်းကိုကြည့်ပါ။ ကော်ပီ




यसैया 2:8
28 ပူးပေါင်းရင်းမြစ်များ  

ङोंइती परमप्रभु यावेमी हानानी आ तौ, आ लोव़ पाइब येहू कली बाशा नु आ खिं ङा मुर आन पर्बम लोव़ पशो बाक्‍माक्‍त। मेकोमी परमप्रभु यावे आ ङोंइती मरिम्‍शो पा गाइक्‍पाइक्‍तीके, येरोबाम आ खिं ङा मुर खोदेंशो दुम्‍तीके नु येरोबाम नु आ खिं ङा मुर आन कली खतम पोक्‍तीके हानानी आ तौ, आ लोव़ पाइब येहू कली मोदेंशो लोव़ पशो बाक्‍माक्‍त।


मेकोपुकीम डांडा नेल्‍ल नु शुश गिग रवा आन पुंमी ख्रुक्‍शो फुल्‍लु नु मूर्ति पाइश्‍शो थामपुकी सेल्‍मे बाक्‍त। २राजा १६:४; १राजा १४:२३


मेकोपुकीम परमप्रभु यावे, आन परमप्रभु आ शेंशो मटिथु, आंम कली यपाइश्‍शा बाछा निक्‍शी नु मूर्ति पाइश्‍शो थाम का सेल्‍समा बाक्‍त। मेकोपुकी नां, तास्‍ला नु सोरुल आन ङोंइती बाम्‍मा बाक्‍त। मिनु बाल देवता कली पूजा पामे बाक्‍त। १राजा १२:२८; १राजा १६:३३


मेकोमी आ आफ उज्‍जीयाह खोदेंशो पा परमप्रभु यावे आ ङोंइती मार ठीक बाक्‍मे, मेको पवा बाक्‍त। तन्‍न मेको आ आफ खोदेंशो पा परमप्रभु यावे आ खिं मओव़माक्‍त। मो हना यो मुर आन मरिम्‍शो गेय पस ङा पस बाक्‍मा बाक्‍त। २इतिहास २६:२६


मेकोपुकीम आंम आन गुइमी सेल्‍शो देवी देवता आन कली चढ़ेचा ममिम्‍नीम। आंमा आन सेल्‍शो मूर्ति पाइश्‍शो थाम नु धूप चोतीके कली मकोव़नीम।


आंइ परमप्रभु यावे अरु ठेयब मुरुम आंइ कली हुकुम पाम्‍तेक्‍म। तन्‍न गे का ला आंइ कली अरेब बाक्‍नीनी।


मेको आन देवी देवता मीम हुम्‍ताक्‍म। मारदे हना मेकोपुकी मुर आन गुइमी सेल्‍शो, शी नु फुल्‍लु के बाक्‍नीम। मेकोपुकी इन खोदेंशो मनम। मोपतीके खतम सेल्‍चा पुंइसाक्‍म।


मूर्ति का? मूर्ति चेम्‍बमी मूर्ति कली यपाइक्‍ब। सुन चेम्‍बमी मेको सुनम ख्रुम्‍ब। मेको कली चांदी के साङली सेल्‍‍ब।


मेको नेल्‍ल फश बाक्‍नीम। आन गेय नेल्‍ल फश बाक्‍ब। मिनु देवी देवता आन मूर्ति फश बाक्‍नीम” देंत।


गे ठेयब रवा आन पुंमी तेल्‍लेम खोदेंशो पा, मूर्ति पूजा पाइनीनी। गे गिगी रवा नेल्‍ल आन पुंमी मोदेंशो पाइनीनी। गे इन आल आन कली खोल्‍सा नु सेरथे फुल्‍लुमी चढ़ेनीनी।


मेकोपुकीमी आं कली प्रोंइशा, आं अरेशो मटितीके, गो मेको आन पर्बम आं निसाफ नेंपाइक्‍नुङमी। मेकोपुकीमी अरु देवी देवता आन कली धूप चोम्‍तेक्‍म। मिनु आन गुइमी सेल्‍शो देवी देवता आन कली पूजा पाम्‍तेक्‍म।


यहूदा, इ के दोशो सहर बाक्‍मा, मोशो इ देवी देवता दुम्‍तेक्‍म। यरूसलेममी गिश लां बाक्‍मा, मीश मुने दोक्‍तीक बाल देवता कली चढ़ेतीक सेल्‍तेक्‍म।


तन्‍न आंम इन सेल्‍शो देवी देवता ते लाक्‍गमे? मेकोपुकीमी इन कली प्रोंइने चाप्‍तेक्‍म हना, इन श्‍येत जची ना मेको आन कली जाक्‍प‍तीन। मारदे हना यहूदा, गे इ के गिश सहर बाक्‍मा, मिश देवी देवता बाक्‍नीम। ब्‍यवस्‍था ३२:३७-३८; न्‍यायाधीस १०:१४; येरमीया ११:१३


गिलाद मरिम्‍शो पाइब बाक्‍ब। मेको आ मुरपुकी शोर गाक्‍शो बाक्‍नीम। मेकोपुकीमी गिल्‍गालमी ब्‍यफ चढ़ेम्‍तेक्‍म हना, आन फुल्‍लु के चढ़ेतीक ब्रेश्‍शा, फुल्‍लु देल्‍शो खोदेंशो दुम्‍ब। होसे ६:८; होसे ९:१५


मिनु मुल मेको क्‍येङा शुश पाप पाइनीम। मेकोपुकीमी आंम कली चांदी के मूर्ति सेल्‍नीम। मेको मूर्ति नेल्‍ल मुरुमी सेल्‍शो बाक्‍नीम। मिनु मुरुमी ‘मेको आन कली चढ़ेन। बाछा कली पुक्‍पु पने’ देंनीम। यसैया ४४:१०


अस्‍सुर ङा मुरपुकीमी आंइ कली प्रोंइने मचाप्‍नीम। गोपुकी लडाइ पथ शारा ङोइश्‍शा मगाक्‍नीकी। मिनु गो आंम सेल्‍शो थोव़क कली ‘इं परमप्रभु’ दे गेनायो मदेंनीकी। मारदे हना रोम रोइक्‍चपुकीमी इन शिशी ताइनीम” दे परमप्रभु कली देंनीन।


मेको बाछा इस्राएल रागी रे चाक्‍शो बाक्‍त। मूर्ति सेल्‍बम मेको कली सेल्‍तु। मेको परमप्रभु मबाक्‍ब। काबु नाक्‍ती मेको सामरीया ङा बाछा टुक्रा टुक्रा दुम्‍ब।


गो इन टुना मुना पशो आ पर्बम इन कली खतम पोक्‍नुङ। मिनु इन दातेमी साहीत कोव़ब आन कली बाक्‍चा मगेनुङ। जकरिया १३:२


मिनु पावल एथेन्‍स सहरम मेको आस कली रिम्‍शा बाक्‍मेनु, सहरमी हिरशा गाक्‍माक्‍त। मिनु सहरमी गाक्‍मेनु, तेइ तेइ शुश मूर्ति सेल्‍शा वोइश्‍शो तशा, आ थुं मनुमाक्‍त।


मिनु गेपुकीमी मेकेर ङा मुर आन सेल्‍शो शी के, फुल्‍लु के मताइब, मनेंब, मजाइब नु मनाम्‍ब मूर्ति आन कली पूजा पाइनीनी। ब्‍यवस्‍था २८:३६; भजन संग्रह ११५:४-७


मिनु मबेक्‍थु लीशो मुरपुकीमी मेको आन मरिम्‍शो पचा मप्रोनेम। मार मरिम्‍शो पाम्‍तेक्‍म देंशा हना, वोल नु देवी देवता आन कली खुम्‍की पा सेउ पाम्‍तेक्‍म। मताइब, मनेंब, मगाक्‍ब सुन, चांदी, कांसा, फुल्‍लु नु शी के सेल्‍शो मूर्ति आन कली खुम्‍की पा सेउ पाम्‍तेक्‍म। प्रकाश १६:९


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ