यसैया 2:2 - Sunuwar Bible2 नोले ङा नाक्ती परमप्रभु यावे आ खिं सेल्शो डांडा, डांडा नेल्ल आन क्येङा लाइश्शो दुम्ब। पहाड नेल्ल आन क्येङा यो लाइश्शो दुम्ब। मिनु रागी रागी ङा मुर नेल्ले मेको डांडाम जाक्नीम। मीका ४:१-३; यसैया १९:२३; येरमीया ३:१७ အခန်းကိုကြည့်ပါ။ |
यसैया 2:2
56 ပူးပေါင်းရင်းမြစ်များ
मिनु इन लोक्ब नेल्ल आन कली रागी रागी रे परमप्रभु यावे आ ङोंइती चढ़ेशो खोदेंशो पा यरूसलेमम चाक्नीम। मेकोपुकी शारा, बग्गी, कुरतीके, गधा नु दलओंठम ङोइक्पाइश्शा, आं योव़शो डांडाम चाक्चा पुंइसीनीम। दोपा इस्राएलीपुकीमी आन अन्न चढ़ेतीके सफा ग्योंबुम परमप्रभु यावे आ खिं चाक्नीमी, मोपा मेकोपुकीमी पाइनीम। यसैया ६०:३-७
“यहूदा ङा पिप हिज्कीयाह आ पालाम मोरेशेथ ङा मीकाहम परमप्रभु यावे आ लोव़ पशो बाक्त। मेकोमी यहूदा ङा मुर नेल्ल आन कली ‘मुर नेल्ल आन परमप्रभु यावेम सियोन कली रू खोदेंशो पा वाक्सीब। यरूसलेम चहिं फुल्लु तेल्शो खोदेंशो दुम्ब। परमप्रभु यावे आ खिं चहिं रवापुकी वाशा सुम्शो डांडा खोदेंशो दुम्ब’ देंशो बाक्त” देंतेक्म। मीका १:१; मीका ३:१२; येरमीया ९:१०
मेकोपुकी जाक्शा इर सियोनम ठेयब सेंदा पा कुम्सो पाइनीम। मेकोपुकीम परमप्रभु यावे आ रिम्शो पशो आ पर्बम ग्येरनीम। अन्न, अङगुर शांबु नु तेल तशा, क्यारश भेडा आन पाठा नु बी ब्यफ आन कली तशा ग्येरनीम। मेको ब्वाक्कुम जिश्शो फल फुल रू खोदेंशो दुम्नीम। मेकोपुकी लेंशा गेनायो सुर्ता मपाइनीम। येरमीया ५८:१
मिनु रागी नेल्ल दिंम दुम्ब। मेको गेबा रे पा यरूसलेम आ दक्खिन ङा रिम्मोन सम्म दिंम दुम्ब। तन्न यरूसलेम बेन्यामीन लाप्चो रे, माइत लाप्चो लाक्शा, सुर ङा लाप्चो सम्म नु हानानेल माइश्शो लाइश्शो खिं रे पिप आ अङगुर ख्राक्तीक सम्म बाक्ब। मिनु यरूसलेम आ इर ङा बाक्तीकेम बाक्ब। यहोसु १५:३२; येरमीया ३१:३८
मिनु नोले गो नित्तीकपुकी ताता। मेको नित्तीकपुकीमी मुर निश्शो बाक्तेक्म। परमप्रभु यावेमी मेको आन कली निसाफ पचा गेप्तु। मिनु नोले गो येसु कली थमा सुइश्शा, आ लोव़ नु परमप्रभु यावे आ लोव़ पतीके आन पिया ख्रोइक्चा पुंइसीब आन कली तातामी। मेकोपुकीमी ठेयब जन्तु नु मेको आ मूर्ति कली पूजा मपामे बाक्त। मिनु मेको ठेयब जन्तु आ छाप आन कुप्फीम नु आन गुइमी यो वोइक्चा मबिस्समा बाक्त। मिनु मेको लेंशा ब्रोंइशा, ख्रीस्त नु हजार का बर्स सम्म सासन पाम्तेक्म। प्रकाश ३:२१; मत्ती १९:२८; १कोरिन्थी ६:२
ကြော်ငြာတွေ