यसैया 2:19 - Sunuwar Bible

¹⁹ परमप्रभु यावेमी शुश रागी ङा मुर आन कली हिंच कोंइब नु आ छेङछेङ ङा ठेयब सक्ति जाक्‍मेनु, गे पुक्‍खीम नु खपी आगा ङा ढोडोङगाम ओव़शा ख्रुंइसीन।

यसैया 2:19 ပူးပေါင်းရင်းမြစ်များ

२ सामुएल 22:46

अर्को रागी ङा मुर हिंशा ख्रिंख्रि पा आन बोल्‍यो दरवार रे जाक्‍तेक्‍म।

अय्‍युब 9:6

मेकोम रागी कली आ बाक्‍‍तीक रे हिक्‍ब। मिनु मेको आ थाम नेल्‍ल ख्रिंख्रि पाइनीम।

भजन संग्रह 7:6

परमप्रभु यावे, गे गाइश्‍शा, बोक्‍कीन। आं जोरी सत्रु आन पशो तशा, आं कली वारच पथ बोक्‍कीन। गे “गो निसाफ पचा माल्‍नुङ” दे लोव़ पाइतीनी।

यसैया 13:13

मिनु आं गाइक्‍तीक नाक्‍ती गो सरीङ कली हिम्‍पाइक्‍नुङ। रागी यो आं गाइश्‍शोमी आ बाक्‍तीक रे प्रेक्‍शा ग्रूब” दे मुर नेल्‍ल आन परमप्रभु यावेमी देंत।

यसैया 2:10

परमप्रभु यावे आ हिंच कोंइतीक नु आ छेङछेङ रे पुक्‍खी आगाम ख्रुंइसीन। फुरक आगाम ख्रुंइ‍सीन।

यसैया 2:21

परमप्रभु यावे रागी ङा मुर आन कली हिंच कोंइचा कली जाक्‍मेनु, मुरपुकी आ हिंच कोंइतीक छेङछेङ ङा ठेयब सक्तिम मतचा ङा पा पुक्‍खी नु सेरथे फुल्‍लु ङा कापम ख्रुंइसीनीम। २थिस्‍सलोनिकी १:९-१०

यसैया 24:1

परमप्रभु यावेमी रागी नेल्‍ल मुर मबाक्‍तीक सेल्‍ब। नेल्‍ल श्‍येत्‍थ सेल्‍ब। रागी कली ग्‍येत्‍थ लुक्‍च पा मेकेर ङा मुर नेल्‍ल आन कली ब्रपाइक्‍ब।

यसैया 24:18

मिनु सु सु शुश हिंचा ङा रेयके नेंशा प्रोक्‍नीमी, मेको बिक्‍तीकेम बिक्‍नीम। सु सु बिक्‍तीके रे ग्रूनीमी, मेको ब्‍वारदम रेत्‍नीम। मारदे हना सरीङ ङा झेल रोक्‍सीशो बाक्‍नीम। मिनु रागी आ जग हिम्‍सीशो बाक्‍ब। येरमीया ४८:४३-४४; आमोस ५:१९; उत्‍पत्ती ७:११

यसैया 24:19

मिनु रागी एश्‍शा, ब्रोल्‍ब। ख्रिनुम हिम्‍सीब। २पत्रुस ३:१०

यसैया 30:32

मिनु परमप्रभु यावेमी गिश खेयप तुप्‍बा, मीश खेयप खैजडी नु बीना ताप्‍शो नेंसीब। परमप्रभु आंमा अस्‍सुर ङा मुरपुकी नु लडाइ पाइब।

यसैया 33:10

परमप्रभु यावेमी “मुल गो बोक्‍नुङ। गो गेय पचा गोइनुङ। गो मान पाइक्‍चा पुंइसीनुङ।

यसैया 7:19

मेकोपुकी जाक्‍शा, बेंसीम, रोंगु आ कापम, चू बुटा तारी नु बस्‍तु भाव योव़तीक नेल्‍लेम बाक्‍नीम।

येरमीया 16:16

मुल गो शुश ग्‍याइल आप्‍ब आन कली ब्रेश्‍शा सोइक्‍नुङमी। मिनु मेकोपुकीमी मेको आन कली ग्‍याइक्‍नीम। नोले गो लेंशा शुश सिखारी आन कली ब्रेश्‍शा सोइक्‍नुङमी। मिनु मेकोपुकीमी, मेको आन कली तेकोइ डांडा नु तेकोइ पहाड नु सेरथे फुल्‍लु ङा का‍क्‍पे रे माल्‍शा ग्रुंइनीम।

येरमीया 4:29

शारा ङोइक्‍बपुकी नु लिब्रा आप्‍ब आन सेंदा नेंशा, सहर नेल्‍ल ङा मुरपुकी प्रोक्‍शो बाक्‍नीम। मिनु मेको ब्‍वाकीम प्रोक्‍शा ख्रुइक्‍नीम। का निक्‍शी फुल्‍लु तार ङोइश्‍शा लाइनीम। सहर नेल्‍ल प्रोंइशो बाक्‍नीम। मेकेर सुइ मबाक्‍नीम।

येरमीया 48:28

मोआबम बाक्‍बपुकी, इन सहर प्रोंइशा, फुल्‍लु मेर लशा बाक्‍कीन। रोंगु ङा ढोडोङगा आ शोव़म ग्‍योव़ सेल्‍ब ढुकुर खोदेंशो दुमीन।

इजीकीएल 33:27

मिनु गे मेको आन कली “परमप्रभु, परमप्रभु यावेमी ‘गो आं ब्रोंइशा बाक्‍शो खोदेंशो पा ब्रेश्‍शो खिंम बाक्‍बपुकी तरवारम साइक्‍चा पुंइसीनीम। मिनु गो दिंमम बाक्‍ब आन कली ब्‍वाकी ङा जन्‍तु आन कली ब्‍वचा गेनुङमी। बोल्‍यो दरवार नु पुक्‍खीम बाक्‍बपुकी मुर बेक्‍तीक रोइम बेक्‍नीम।

होसे 10:8

मिनु आन मरिम्‍शो पतीक मूर्ति बाक्‍शो आवेन डांडा खतम पोक्‍नीम। मेको इस्राएल ङा मुर आन पाप पशो बाक्‍ब। मेको आन फुल्‍लु के चढ़ेतीकेमी चुं नु चोंक वाशा सुम्‍नीम। मिनु मेकोपुकीमी पहाड कली “आंइ कली सुम्‍की” दे डांडा कली “आंइ तारी दोक्‍कीन” देंनीम। होसे ९:६; लूका २३:३०; प्रकाश ६:१६

मीका 7:17

मेकोपुकीम बुस्‍स खोदेंशो नु खपीम ग्रे‍शा गाक्‍ब जन्‍तु खोदेंशो पा, खप तुक्‍नीम। मेको आन बोल्‍यो दरवार रे हिंशा ख्रिंख्रि पा ग्रूनीम। मेकोपुकी हिंशा परमप्रभु यावे, आंइ परमप्रभु गे लेत्‍नीम। मिनु मेकोपुकीमी इन कली मान पा हिंनीम। भजन संग्रह ७२:९

नहुम 3:11

गे यो दुक्‍शो दुम्‍नेवे। मिनु ख्रुइक्‍थ लाइनेवे। मिनु इ जोरी सत्रु रे पा ब्रोंइचा कली ख्रुंइसीतीक माल्‍नेवे। येरमीया २५:१५

हाग्‍गै 2:6

मिनु मुर नेल्‍ल आन परमप्रभु यावेमी “मुल इच्‍का नोले गो लेंशा सरीङ, रागी, समुन्‍द्र नु गोरशो रागी कली हिम्‍नुङ। हिब्रू १२:२६

हाग्‍गै 2:7

गो रागी रागी ङा मुर आन कली हिम्‍नुङ। मिनु रागी रागी ङा शोंप नेल्‍ल एकेर चाक्‍नीम। मिनु गो एको खिं कली आं दारसीम प्रिंनुङ।

लूका 23:30

मिनु मेकोमी रोंगु कली ‘ब्रेश्‍शा चिप्‍शा, आंइ कली सुम्‍शा ख्रुइक्‍तीकी’ दे पुंइनीम। होसे १०:८; प्रकाश ६:१६; प्रकाश ९:६

२ थिस्‍सलोनिकी 1:9

मेको मुरपुकी गेना हना यो साम्‍सीशो दुम्‍शा, प्रभु आ कुल मताइनीम। आ सक्ति ङा छेङछेङ यो मताइनीम।

हिब्रू 11:38

तेइ बाक्‍चा मतथु, जचा फेक्‍चा मतथु, भेडा नु क्‍यारश आन कुशुल फेक्‍शा, एर ओंथ हिरना हिरन गोरशो रागी रोंगुमी प्रोक्‍शा, पुक्‍खीमी ख्रुइक्‍ना ख्रुइक्‍न बाक्‍मा बाक्‍त। मोपा श्‍येत जाइब आन कली एको रागीमी बाक्‍शा ब्रोंइचा मगारब। मारदे हना रिम्‍शो मुर बाक्‍नीम। एको रागी चहिं मरिम्‍शो बाक्‍ब।

हिब्रू 12:26

परमप्रभु यावेमी लोव़ पवानु, ख्रिनु कुशो खोदेंब पा रागी नेल्‍ले हिम्‍से बाक्‍त। मुल इं कली मार लोव़ पाइब देंशा हना “मुल यो लेंशा काले रागी ला ममाइ, सरीङ यो हिम्‍नुङ” देंब। हग्‍गै २:६

प्रकाश 11:13

मिनु मेको निक्‍शी लसानु, ठेयब ख्रिनु कुत। मेको सहर ङा १० भाग ङा भाग का ब्रेत्‍त। मिनु ७ हजार मुर मेको ख्रिनुमी बेक्‍तेक्‍म। मेको लीशो मुरपुकी चहिं क्‍युल क्‍युल पा हिंशा, स्‍वर्ग ङा परमप्रभु यावे कली मान पाम्‍तेक्‍म।

प्रकाश 11:19

मिनु परमप्रभु यावे आ स्‍वर्ग ङा खिं रोक्‍साक्‍व। मिनु मेको कबल पशो सन्‍दोस परमप्रभु यावे आ खिंम तांइसाक्‍व। मिनु चिला पाप्‍तु। शुश रेयके नु बुंबु पशो नेंसाक्‍व। ख्रिनु यो कुत। मिनु ठेयब मुप्‍स यित। प्रकाश १५:५

प्रकाश 16:18

मिनु चिला, ठेयब रेयके, बुंबु पशा, ठेयब ख्रिनु कुत। मुरपुकी रागीमी बाक्‍मानु, मोमो ठेयब ख्रिनु गेनायो मकुशो बाक्‍माक्‍त।

प्रकाश 20:11

मिनु नोले गो ठेयब बुश नित्‍तीके का नु मेकेर निप्‍ब कली ताता। रागी नु स्‍वर्ग मेको कली तशा प्रोक्‍ताक्‍स। मिनु मेको आस कली बाक्‍तीके मबा। मत्ती २५:३१-४६; २पत्रुस ३:७,१०,१२

प्रकाश 9:6

मिनु मोदेंशो दुम्‍मेनु, मुरपुकी बेक्‍चा दाक्‍नीम। तन्‍न बेक्‍ने मचाप्‍नीम। प्रकाश ६:३६

१ सामुएल 13:6

मिनु इस्राएलीपुकीमी थम श्‍येत जामे बाक्‍त। मारदे हना लडाइ पाइबपुकी थाम्‍पा आइक्‍च सेल्‍चा पुंइसमा बाक्‍त। मोपतीके मेकोपुकी पुक्‍खी, काक्‍पे, सेरथे फुल्‍लु आन दातेम, बेक्‍शो मुर वोइक्‍तीके नु इनार आगाम ख्रुंइसमा बाक्‍त।

१ सामुएल 14:11

मोपतीके मेको निक्‍शी पलिस्‍ती आन कली तपांइससा बाक्‍त। मिनु पलिस्‍तीपुकीम “कोव़ङीन। हिब्रू आन ख्रुइक्‍तीक पोव़ला रे ग्रूमा बाक्‍त” देंमुमा बाक्‍त।