यसैया 19:6 - Sunuwar Bible

⁶ मेकेर ङा ब्‍वाक्‍कु रिना पाइब। मिनु इजीप्‍त ङा नील खोला ङा आइक्‍च खोलापुकी सोव़शा शुश मली‍नीम।

यसैया 19:6 ပူးပေါင်းရင်းမြစ်များ

उत्पत्ती 41:2

मिनु नील खोला रे ७ ओटा दारशो दोम्‍शो बी ग्रूशो तवा बाक्‍त। मेको बीपुकीमी बुदी मीलु घांस ब्‍वामे बाक्‍त।

२ राजा 19:24

गो इनार दोशा, अर्को रागी ङा ब्‍वाक्‍कु तूता। गो आं खोइलीम दिम्‍शा इजीप्‍त रागी ङा खोला नेल्‍ल सोव़पाइक्‍तामी’ देंशो बाक्‍नेवे।

अय्‍युब 8:11

ब्‍वाक्‍कु मबाक्‍तीकेम कागज सेल्‍तीक बोट मवानीम। ब्‍वाक्‍कु मबाक्‍तीकेम बुदी मीलु लाइश्‍शो मदुम्‍नीम।

अय्‍युब 8:12

मेको कोल्‍ना कोल्‍न बाक्‍मानु, रिक्‍ची मजाक्‍थु, घांस क्‍येङा यो रीब पा सोल सुल बेक्‍नीमी।

प्रस्‍थान 2:3

मिनु नोले आल आ ममामी महिना सां ङा आल कली ख्रुइक्‍ने मचबा बाक्‍त। मिनु आल कली सुम्‍तीके पाइश्‍शो ग्‍युर सेल्‍शा, ब्‍वाक्‍कु मओव़चा ङा पा अल्‍कत्राम सिल्‍दा बाक्‍त। मिनु मेको आ तौ कली ग्‍युरुम कुर पा खोला आ नेक्‍था ङा बुदी मीलु घांस आगा, ब्‍वाक्‍कुम वोदा बाक्‍त।

प्रस्‍थान 7:18

मिनु खोला ङा ङांइ नेल्‍ल बेक्‍नीम। खोला शुश राक्‍शो रिना पाइब। मिनु इजीप्‍त ङा मुरपुकी मेको ब्‍वाक्‍कु तूचा ग्रांग्रा दीनीम” दे मोसा कली देंत।

यसैया 15:6

निम्रीम ङा ब्‍वाक्‍कु सोव़नीम। घांस नेल्‍ल सोव़नीम, नक ख्रुम्‍शो मवानीम। गिगी नेल्‍ल सोव़नीम।

यसैया 18:2

गे लोव़ कुरब मुर आन कली रीब पा डोंगाम समुन्‍द्रम सोइक्‍ताक्‍वी। गे लोव़ कुरबपुकी, लाइश्‍शो मुर नु रीब पा गेय पाइब मुर आन रागी लन। ङोन नु नेक्‍था ङा मुर नेल्‍ल मेको आन कली तशा हिंनीम। मेको सक्ति पाइश्‍शो नु ग्राब रागी ङा मुर बाक्‍नीम। आन रागी शुश खोलाम चेश्‍शो बाक्‍ब।

यसैया 37:25

गो इनार दोशा ब्‍वाक्‍कु तूता। आ खोइलीमी इजीप्‍त ङा ठेयब खोला नेल्‍ल सोव़पाइक्‍ता, दे शुक्‍शी पपाइक्‍तीवी।

नहुम 3:8

मार, गे थेबेस सहर क्‍येङा यो रिम्‍शो बाक्‍नेवे? मेको सहर नील खोला आ नेक्‍था बाक्‍शो बाक्‍ब। आ एर ओंथ नेल्‍ल ब्‍वाक्‍कु बाक्‍ब। मिनु मेको ब्‍वाक्‍कुमी मेको कली खाल पशो बाक्‍ब। मेको ब्‍वाक्‍कु गारो खोदेंशो बाक्‍ब। येरमीया ४६:२५