यसैया 19:25 - Sunuwar Bible

²⁵ मिनु मुर नेल्‍ल आन परमप्रभु यावेमी आसीक गेशा मेको आन कली “आं इजीप्‍त ङा मुर, आं सेल्‍शो अस्‍सुर रागी नु आं योव़शो इस्राएल ङा मुरपुकी आसीक रमल” देंब।

यसैया 19:25 ပူးပေါင်းရင်းမြစ်များ

भजन संग्रह 100:3

परमप्रभु यावे का ला परमप्रभु बाक्‍ब, दे रुपीन। मेकोमी इं कली सेल्‍शो बाक्‍त, गो मेको आ मुर बाक्‍नय। गो मेको आ योव़तीक ङा भेडा बाक्‍नय। भजन संग्रह ९५:७

भजन संग्रह 115:15

सरीङ नु रागी सेल्‍ब परमप्रभु यावेमी इन कली आसीक गेवल। भजन संग्रह १३४:३

भजन संग्रह 138:8

परमप्रभु यावेमी आं पर्बम आ पचा माल्‍शो नेल्‍ल पाइब। परमप्रभु यावे इन दाक्‍तीके गेना हना यो लीब। इन सेल्‍शो मुर, आं कली मप्रोनीन।

यसैया 19:24

मिनु मेको नाक्‍ती इजीप्‍त, अस्‍सुर नु इस्राएल नेल्‍ल क्‍येङा नोले ङा इस्राएल रागी दुम्‍ब। मेको रागी रागी आन दातेमी मेको सांफा आसीक ताइब दुम्‍नीम। ब्‍यवस्‍था ४:२०; रोमी १५:१०

यसैया 27:13

मेको नाक्‍ती ठेयब तुराही का ग्रीब। मिनु अस्‍सुर रागीम जाम्‍शो नु इजीप्‍त रागीम खेदा पचा पुंइसीशो मुरपुकी जाक्‍नीम। मिनु यरूसलेम ङा परमप्रभु यावे आ डांडामी आ कली ठेयब सेल्‍नीम। यसैया ११:११-१२; योएल ३:५

यसैया 29:23

मिनु मेकोमी आन आल आन दातेम, आं पशो गेय, ताइनीम। मिनु आं नें ठेयब सेल्‍नीम। याकूब आ का ला बाक्‍शो परमप्रभु यावे कली तशा मान पा हिंनीम। इस्राएली आन परमप्रभु कली तशा मान पा हिंनीम।

यसैया 45:11

मिनु परमप्रभु यावे, इस्राएली आन का ला बाक्‍शो परमप्रभु यावे नु इस्राएल कली सेल्‍बमी, मार देंब देंशा हना “गे आं कली ‘आं आल ते लाइनीनी’ दे हिल्‍लो पाइनेवे? आं गेय आ पर्बम आं कली अरेचा माल्‍नेवे?

यसैया 45:14

मिनु परमप्रभु यावेमी “इजीप्‍त ङा शोंप, एथीयोपीया ङा मारेइ मारेइ नु साबा रागी ङा लाइश्‍शो मुरपुकी इ के दुम्‍नीम। मेको इ नोले खोइक्‍नीम। मेकोपुकी फ्रेंशो दुम्‍शा, इ गे जाक्‍शा, इ ङोंइती बाप्‍शा ‘थमा पा परमप्रभु गे नु बाक्‍ब। मेको ङा लाक्‍शा अरु सुइ परमप्रभु मबाक्‍ब’ दे पुंइनीम” देंत।

यसैया 60:21

इ रागी ङा मुर नेल्‍ल ठीक पाइब दुम्‍नीम। मेको आन बाक्‍तीके रागी गेना हना यो आन के दुम्‍ब। मेकोपुकी आं ख्रुम्‍शो बाक्‍नीम। मेकोपुकी आं सेल्‍शो मुर दुम्‍शा, आं कली ठेयब सेल्‍नीम।

यसैया 61:9

मिनु रागी रागी ङा मुरुम मेको आन चच युइ आन कली तुइक्‍नीम। मिनु जात जात ङा मुरुम मेको आन आल आन कली तुइक्‍नीम। मेको आन कली ताइब नेल्‍लेमी ‘मेरे परमप्रभु यावे रे पा आसीक तशो मुर बाक्‍नीम’ देंनीम।

यसैया 63:17

परमप्रभु यावे, गे मारदे आंइ कली इन लां रे हेंथे गाक्‍चा गेकी। गे मारदे आंइ कली इन कली मान पा महिंब दुम्‍चा कली आंइ थुं खकटा सेल्‍नी? गे इन गेय पाइब आन पर्बम नु इन जात ङा मुर आन पर्बम लेतीन। यसैया ५७:१७

यसैया 64:8

मो हना यो परमप्रभु यावे, गे आंइ आफ बाक्‍नीनी। गो खप नकी, गे खप के ग्‍योंब सेल्‍ब बाक्‍नीनी। गो नेल्‍ले इन सेल्‍शो नकी।

यसैया 65:23

मेकोपुकीमी मोशा गेय मपाइनीम। श्‍येत जपाइक्‍चा कली आल मथीनीम। मारदे हना मेकोपुकी परमप्रभु यावे आ आसीक ताइब आन आल बाक्‍नीम। मिनु आन आल मेको नु बाक्‍नीम।

येरमीया 10:16

परमप्रभु यावे, याकूब आ भाग बाक्‍ब। मेको मारेइ मारेइ सेल्‍ब बाक्‍ब। मिनु इस्राएल मेको आ शोंप बाक्‍ब। मेको आ नें मुर नेल्‍ल आन परमप्रभु यावे बाक्‍ब” देनो। ब्‍यवस्‍था ३२:९

येरमीया 2:7

गो इन कली रिम्‍शो रागीम चाक्‍तन्‍नी। मेकेर ङा फल नु रिम्‍शो थोव़क जपाइक्‍चा कली चाक्‍तन्‍नी। तन्‍न गेपुकी जाक्‍शा, आं रागी मरिम्‍शो सेल्‍तीनी। आं रागी कली ग्रांग्रा दिशो सेल्‍तीनी। ब्‍यवस्‍था १:२५; न्‍यायाधीस २:१-२

होसे 2:23

गो मेको कली आं पर्बम आं रागीमी बाक्‍पाइक्‍नुङ। गो मेको कली ‘मदाक्‍नुङ’ देंशो कली आं शिशी कोंइनुङ। मिनु गो ‘गेपुकी आं मुर मननी’ देंशो नङ। मुल गो ‘आं मुर ननी’ देंनुङ। मिनु मेकोपुकीमी आं कली ‘गे आंइ परमप्रभु बाक्‍नीनी’ देंनीम” दे परमप्रभुमी देंत। होसे १:६; होसे १:९; रोमी ९:२५; १पत्रुस २:१०

जकरिया 8:13

यहूदा नु इस्राएल ङा मुरपुकी गे रागी रागी ङा मुर आन दातेमी सराप रशो बाक्‍तीनी। दोपा गेपुकी सराप रनी, मोपा आसीक ताइब दुम्‍नीनी। महिनीन, बोल्‍यो दुमीन” देंत। उत्‍पत्ती १२:२

गन्‍ती 24:1

मिनु बालाममी परमप्रभु यावेमी इस्राएली आन कली आसीक गेचा थुं पशो बाक्‍त, दे तुइक्‍ताक्‍व। मिनु मेको ङोंइती ङा खोदेंशो पा परमप्रभु कली हिल्‍लो पथ मला। तन्‍न मेकोमी आ कुल गोरशो रागी गे हिरशा कोव़तु।

गन्‍ती 6:24

परमप्रभु यावेमी इन कली आसीक गेवल। इन कली गेना हना यो कोव़ङल। उत्‍पत्ती २४:१,३५; भजन संग्रह १२१:-

गन्‍ती 6:27

मेकोपुकीमी मोदेंशो लोव़ पा, आं नें इस्राएली आन तार वोइक्‍चा माल्‍नीम। मिनु गो मेको आन कली आसीक गेनुङमी” दे मोसा कली देंत।

रोमी 3:29

परमप्रभु यावे यहूदी आन परमप्रभु यावे ला बाक्‍बा ङा? नेल्‍ल अर्को रागी ङा मुर आन परमप्रभु यावे बाक्‍ब। रोमी १०:१२

गलाती 6:15

ख्रोइक्‍तीक चिनु ख्रोइक्‍चा, मख्रोइक्‍चा मेको ममिम्‍तीने। ख्रीस्‍त येसु नु थुं का दुम्‍शा, नक मुर दुम्‍चा चहिं नेल्‍ल क्‍येङा ठेयब बाक्‍ब, दे रुपीने। गलाती ५:६; १कोरिन्‍थी ७:१९; २कोरिन्‍थी ५:१७

एफिसी 1:3

इं प्रभु येसु ख्रीस्‍त आ आफ परमप्रभु यावे कली “गे ठेयब बाक्‍नीनी” देंय। मारदे हना मेकोमी स्‍वर्गम आ सोक्‍तीम पतीके इं कली आसीक गेप्‍तु। मेको नेल्‍ल ख्रीस्‍तम बाक्‍ब।

एफिसी 2:10

गोपुकी परमप्रभु यावे रे ख्रीस्‍त येसु आ पतीकेमी सेल्‍शो बाक्‍नय। परमप्रभु यावेमी इं कली रिम्‍शो गेय वोइश्‍शो बाक्‍त। मेको पचा माल्‍नय। तीतस २:१४

ब्‍यवस्‍था 32:9

मिनु परमप्रभु यावे आ भाग आ मुरपुकी बाक्‍तेक्‍म। याकूब आ मुर आन भाग आ योव़शो रागी बाक्‍त।

फिलिप्‍पी 1:6

इन आगामी रिम्‍शो गेय गोइबमी येसु ख्रीस्‍त आ जाक्‍ची ना सम्‍म थुम्‍ब, दे तुइक्‍नुङ। फिलिप्‍पी २:१३; १कोरिन्‍थी १:८

१ पत्रुस 2:10

ङोंइती गे परमप्रभु यावे आ मुर मबाक्‍नी। मुल परमप्रभु यावे आ मुर दुम्‍तीनी। ङोंइती गे परमप्रभु यावे आ शिशी मतशो बाक्‍तीनी। तन्‍न मुल परमप्रभु यावे आ शिशी ताइब दुम्‍तीनी। होसे २:२५; रोमी ९:२४-२६