यसैया 19:14 - Sunuwar Bible

¹⁴ परमप्रभु यावेमी मेको आन कली ग्रांग्‍ये माग्‍ये पोक्‍तीक सोक्‍तीम प्रिंताक्‍मी। मेकोपुकीम इजीप्‍त रागी कली दुक्‍शो मुर आन मेशो तार गाक्‍शो खोदेंशो सेल्‍तेक्‍म।

यसैया 19:14 ပူးပေါင်းရင်းမြစ်များ

२ इतिहास 18:22

लो कोव़ङीन, परमप्रभु यावेमी इन नोले दुम्‍ब लोव़ पाइब आन शोव़म जोल पाइब सोक्‍त का वोइश्‍शो बाक्‍त। परमप्रभु यावेम इन कली खतम सेल्‍चा थुं पने थुम्‍शो बाक्‍ब” देंमाक्‍त।

अय्‍युब 12:16

सक्ति नु तुइक्‍तीक परमप्रभु नु बाक्‍ब। दूली पाइ‍ब नु दूली पपाइक्‍ब, निम्‍फा आ केन बाक्‍नीस। १राजा १२:२८-३०; २राजा १९:१०-३७

अय्‍युब 12:25

मिनु मेकोपुकी हाम्‍सो मबाक्‍‍तीके, छिङछिङम सुल्‍शा गाक्‍नीम। मेको आन कली दुक्‍शो मुर खोदेंशो पा गोल्‍चा चिक्‍शा गाक्‍पाइक्‍ब।

हितोपदेस 12:8

निप्‍स पाइश्‍शो मुरपुकी मान ताइनीम। दूली थुं पाइश्‍शो मुर आन कली चहिं महिक्‍‍नीम।

यसैया 19:2

गो इजीप्‍त ङा मुर आन कली आंम आंमा लडाइ पपाइक्‍नुङमी। मोपा मेको आन लोक्‍ब नु लडाइ पाइनीम। आन नेक्‍था ङा मुर लडाइ पमुइनीम। सहर सहर लडाइ तोमुइनीम। राज्‍य राज्‍य लडाइ तोमुइनीम।

यसैया 24:20

रागी अङगुर शांबुम दुक्‍शो मुर खोदेंशो पा एर ओंथ हिम्‍सीब। ख्रिनुम हिम्‍शो कटेरा खोदेंशो पा हिम्‍सीब। मुर आन हेंथे पतीकेमी मेको मोदेंशो सेल्‍तु। मिनु रागी गेनायो मबोक्‍चा ङा पा गोल्‍ब।

यसैया 29:14

मोपतीके गो एको मुर आन दातेमी छक लाक्‍चा ङा, हिंचा ङा नु मरुप्‍चा ङा गेय पाइनुङ। मेको आन जोक्‍ब तुइक्‍ब मुर आन तुइक्‍तीके जाम्‍शा लाइब। निप्‍स खाप्‍शो गेय पाइब आन निप्‍स खाप्‍तीके ख्रुइक्‍चा पुंइसीनीम। १कोरिन्‍थी १:१९; मत्ती ११:२५

यसैया 3:12

मिनु वोंइश आलपुकीमी आं मुर आन कली दिप्‍नीम। मीश मुरपुकीम मेको आन कली हुकुम पाइनीम। आं मुरपुकी, इन ठेयब मुरपुकीम इन कली दूली लां खोइक्‍पाइश्‍शा, हेंथे गाक्‍पाइक्‍नीम।

यसैया 9:16

मारदे हना इस्राएल ङा मुर आन कली शेंबपुकीमी हेंथे लां गाक्‍पाइक्‍तेक्‍म। मिनु आन शेंशो नेंबपुकी लां मतुइक्‍ब दुम्‍तेक्‍म।

येरमीया 25:27

मिनु नोले गे मेको आन कली “मुर नेल्‍ल आन परमप्रभु यावे, इस्राएली आन परमप्रभुमी मार देंत देंशा हना ‘गे मेको तूशा दुक्‍शा मेने। मिनु गेना यो मबोक्‍चा ङा पा गोलीन। गो इन दातेम सोइश्‍शो तरवार आ पर्बम मो दुम्‍ब’ दे माइक्‍मी।

येरमीया 48:26

मिनु लेंशा “मेको कली दुक्‍पतीन। मारदे हना मेको ठेयब लेश्‍शो बाक्‍ब। मोआब आ मेशोमी दिङ दाङ गोल्‍ल। मिनु मेको शुक्‍शी पाइक्‍चा पुंइसीब दुम्‍ल। येरमीया २५:१५

मत्ती 17:17

मिनु येसुमी “गे थमा पा थमा मसुइक्‍ब नु मटीबपुकी, गेना सम्‍म गेपुकी नु बाक्‍नुङा? ओदेंशो इन पशो गेना सम्‍म फाल्‍शा बाक्‍नुङा ङा? रोइ पाइब कली चाक्‍कीन” देंत।

२ थिस्‍सलोनिकी 2:11

परमप्रभु यावेमी मेको आन कली दूली शेंतीक थमा सुइक्‍पाइक्‍ब। २तिमोथी ४:४

न्‍यायाधीस 9:23

मेना परमप्रभुमी अबीमेलेक नु शेकेम ङा ठेयब मुर आन दातेमी जिपाइक्‍चा कली मरिम्‍शो जि‍पाइक्‍ब वोल का सोइक्‍ता बाक्‍त। मिनु शेकेम ङा ठेयब मुरपुकीमी मेको कली जोल पा मरिम्‍शो पामे बाक्‍त। १सामुएल १६:१४; १सामुएल १८:१०; १सामुएल १९:९