यसैया 19:11 - Sunuwar Bible

¹¹ सोआन ङा ठेयब मुरपुकी मूर्ख बाक्‍नीम। फाराओ कली अर्ती गेबपुकीम दूली अर्ती गेनीम। गे दोपा फाराओ कली “गो जोक्‍ब तुइक्‍ब नङ। गो साइ ङोंइती ङा पिप आ खिं रे पिशो बाक्‍नुङ” देंने चाप्‍नीनी?

यसैया 19:11 ပူးပေါင်းရင်းမြစ်များ

१ राजा 4:30

पूर्ब ङा मुर नेल्‍ल नु इजीप्‍त ङा मुर नेल्‍ले आन दातेमी सोलोमन के खोदेंशो जोक्‍‍तीक तुइक्‍तीक थुं सुइ के मबाक्‍मा बाक्‍त।

१ राजा 5:10

मोपा हीरामम सोलोमन कली माल्‍शो लेबानोन ङा लाइश्‍शो रवा आ शी नु अरु शी नेल्‍ले सोइक्‍ता बाक्‍त।

अय्‍युब 12:17

मेकोमी अर्ती गेब आन कली मुने दोक्‍पाइक्‍ब। मिनु निसाफ पाइब आन कली मूर्ख सेल्‍ब।

भजन संग्रह 33:10

परमप्रभु यावेमी रागी रागी ङा मुर आन मिम्‍शा पशो खतम सेल्‍ब। मेकोमी जात जात ङा मुर आन मिम्‍शो गेय शोर गाक्‍शो सेल्‍ब।

भजन संग्रह 73:22

गो ममिम्‍ब नु मारेइ मतुइक्‍ब बाक्‍ती। इन ङोंइती जन्‍तु खोदेंशो बाक्‍ती।

भजन संग्रह 78:12

मेकोमी मेको आन किकी पिपी आन ङोंइती इजीप्‍त नु सोआन रागीमी छक लाक्‍चा ङा गेय पशो बाक्‍त।

भजन संग्रह 78:43

परमप्रभुमी इजीप्‍तमी आ चिन्‍ड कोंइशा, सोआन रागीमी छक लाक्‍चा ङा गेय पची ना

भजन संग्रह 92:6

निप्‍स मपाइश्‍शो मुरपुकीमी मेको तुइक्‍ने मचाप्‍नीम। मूर्खपुकीमी मेको रुप्‍ने मचाप्‍नीम।

प्रस्‍थान 8:14

मुरुमी बेक्‍शो क्रुक्‍क्रु नेल्‍ल खुप्‍ताक्‍म। मिनु रागी नेल्‍ल थाम्‍पा रिना पाइक्‍तु।

प्रस्‍थान 8:4

मेको क्रुक्‍क्रुपुकी इन तारी, इन मुर आन तारी नु इन दरवार ङा गेय पाइब आन तारी जाक्‍नीम, दे परमप्रभु यावे आ देंशो लोव़ बाक्‍ब, दे मतो” दे मोसा कली देंत।

हितोपदेस 30:2

थमा पा गो मुर आन दातेमी निप्‍स मपाइश्‍शो मुर दुम्‍ती। गो नु मुर आन के खोदेंशो रुप्‍तीक मबाक्‍ब।

यसैया 19:13

सोआन ङा ठेयब मुरपुकी मूर्ख दुम्‍तेक्‍म। मेम्‍फीस ङा ठेयब मुरपुकीम जोल लोव़ कली थमा सुइक्‍नीम। मिनु मेको आन नेल्‍ल क्‍येङा ठेयब मुरपुकीमी इजीप्‍त ङा मुर आन कली हेंथे लां खोइक्‍पाइक्‍नीम।

यसैया 19:3

मिनु इजीप्‍त ङा मुर आन थुं लुक्‍च लाइब। गो मेको आन मिम्‍शो खतम सेल्‍नुङ। मिनु मेकोपुकीमी आन मूर्ति नु बेक्‍शो मुर आन सल्‍ला नेंचा माल्‍नीम।

यसैया 29:14

मोपतीके गो एको मुर आन दातेमी छक लाक्‍चा ङा, हिंचा ङा नु मरुप्‍चा ङा गेय पाइनुङ। मेको आन जोक्‍ब तुइक्‍ब मुर आन तुइक्‍तीके जाम्‍शा लाइब। निप्‍स खाप्‍शो गेय पाइब आन निप्‍स खाप्‍तीके ख्रुइक्‍चा पुंइसीनीम। १कोरिन्‍थी १:१९; मत्ती ११:२५

यसैया 30:4

मिनु इजीप्‍त ङा ठेयब मुरपुकी सोआन नु मेको आन सोइश्‍शोपुकी हानेस जाक्‍दीश्‍शो बाक्‍नीम।

यसैया 44:25

गो जोल पाइब आन नोले दुम्‍ब लोव़ शोर गाक्‍शो सेल्‍नुङ। लिंक्‍यु कोव़ब आन निप्‍स क्‍यातामी। जोक्‍ब तुइक्‍ब आन कली दिप्‍शा, मेको आन जोक्‍तीके तुइक्‍तीके नेल्‍ल मूर्ख सेल्‍ता। यसैया २९:१४

येरमीया 10:14

मुर नेल्‍ल निप्‍स मपाइश्‍शो नु मारेइ मतुइक्‍ब बाक्‍नीम। सुन चेम्‍ब नेल्‍ल आन मूर्तिम पतीके मुने दोक्‍नीम। मेको आन मूर्तिपुकी जोल बाक्‍नीम। मेको आन के सोक्‍त मबाक्‍ब। यसैया ४५:१६

येरमीया 10:21

गोठलापुकी निप्‍स मपाइश्‍शो बाक्‍नीम। मेकोपुकीमी परमप्रभु यावे कली हिल्‍लो मपाइनीम। मोपतीके मेकोपुकी रिम्‍शो मदुम्‍नीम। मेको आन क्‍यारश भेडा नेल्‍ल ब्राम्‍तेक्‍म। येरमीया २३:१

येरमीया 46:17

इजीप्‍त ङा पिप फाराओ कली फश लोव़ पाइब, दे नें वोतीन। मेकोम आ गेय पतीक नाक्‍ती साम्‍तु” देंत।

येरमीया 49:7

मुर नेल्‍ल आन परमप्रभु यावेमी एदोम आ पर्बम “मुल तेमान सहरम तुइक्‍तीक मबाक्‍बा ङा? मार, रुप्‍ब मुर आन अर्ती जाम्‍शा लमे? मार, मेको आन रुप्‍तीक योल्‍मे?

येरमीया 8:9

जोक्‍ब तुइक्‍ब मुरपुकी मुने तोक्‍चा पुंइसीनीम। मेकोपुकी हिंनीम। मेकोपुकी लाइक्‍चा पुंइसीनीम। मारदे हना मेकोपुकी परमप्रभु यावे आ लोव़ मटीनीम। मेको आन जोक्‍तीक तुइक्‍तीक मार बाक्‍म माइ?

इजीकीएल 28:17

गे इ दारसम प‍तीके इ थुं ठेयब लेश्‍शा बोरत। इ शुश शोंप दुम्‍तीके इ जोक्‍ब तुइक्‍ब थुं मरिम्‍शो सेल्‍तीवी। मोपतीके गो इ कली खपीम ताइक्‍ताक्‍न। मिनु इ कली पिप आन ङोंइती शुक्‍शी पतीक सेल्‍तन।

इजीकीएल 30:14

गो पथ्रोस कली मुर मबाक्‍तीके सेल्‍नुङ। सोआन सहरम मी सुइक्‍नुङ। गो थेबेस सहर कली निसाफ पा सजाइ गेनुङ। नहुम ३:८-९

इजीकीएल 7:26

हिंचा ङा श्‍येत क्‍येङा हिंचा ङा श्‍येत जाक्‍ब। हिंचा ङा लोव़ क्‍येङा हिंचा ङा लोव़ नेंसीब। मेकोपुकीम परमप्रभु यावे आ लोव़ पाइबपुकी रे ‘मुल मार दुम्‍बा’ दे तुइक्‍चा माल्‍नीम। चढ़ेबपुकीमी मुर आन कली मशेंनीम। खाल्‍पा आन अर्ती गेतीक जाम्‍शा लने थुम्‍शो बाक्‍ब।

ओबदिया 1:7

इ नेक्‍था ङा रागी ङा मुरपुकीमी इ कली जोल पाम्‍तेक्‍म। मेकोपुकीम इ कली खेदा पा खेरशा इ सांद सम्‍म चाक्‍तेक्‍म। इ वारचपुकीमी इ कली दिप्‍शा श्‍येत गेनीम। इ थुल्‍शो मुरपुकीमी इ कली ब्‍वारद दाइक्‍नीम। तन्‍न गे मारेइ मतुइक्‍नेवे।

ओबदिया 1:8

परमप्रभु यावेमी “गो मेको नाक्‍त एदोम ङा जोक्‍ब तुइक्‍ब मुर आन कली खतम सेल्‍नुङ। एसाव आ डांडाम बाक्‍ब रुप्‍ब मुर आन कली साइक्‍नुङमी।

गन्‍ती 13:22

मिनु मेकोपुकी नेगेब गे ग्‍येत्‍थ लशा, हेब्रोन सहर जाक्‍दीम्‍मा बाक्‍त। मेकेर अनाक आ मुर अहीमान, शेशै नु तल्‍मै बाक्‍बाक्‍तेक्‍म। हेब्रोन चहिं इजीप्‍त ङा सोआन सहर क्‍येङा ७ बर्स ङोंइती सेल्‍शो बाक्‍त।

प्रेरित 7:22

मिनु पिप बाक्‍तीक खिंमी बाक्‍मेनु, इजीप्‍त रागी ङा ठेयब मुर आन जोक्‍शो तुइश्‍शो आं यो नेल्‍ल जोक्‍ब तुइक्‍ब दुम्‍माक्‍त। मिनु मोसा आ लोव़ नु आ गेय नेल्‍ल सक्ति पाइश्‍शो दुम्‍माक्‍त।