यसैया 18:4 - Sunuwar Bible

⁴ मारदे हना परमप्रभु यावेमी आं कली “गो आं बाक्‍तीके रे पा सिक्‍सी पा कोव़नुङ। नाप्‍शो नां ङा नाक्‍त खोदेंशो नु बाली नाली रिक्‍ची ना हुप्‍शो नांमी गोस्‍स का ग्रूशो खोदेंशो पा सिक्‍सी पा कोव़शा बाक्‍नुङ।

यसैया 18:4 ပူးပေါင်းရင်းမြစ်များ

२ सामुएल 23:4

मेको सुनी ङा नां खोदेंशो बाक्‍ब। मेको गोस्‍स मबाक्‍शो सुनी दाप्‍शो नां खोदेंशो बाक्‍ब। मिनु मेको रेउ यिम नोले वाशो घांस खोदेंशो बाक्‍ब’ देंत। न्‍यायाधीस ५:३१

२ इतिहास 6:21

मिनु इन गेय पाइब नु इस्राएली, इन मुरुम एको खिं गे कोव़शा पुन्‍मेनु, इन स्‍वर्ग ङा बाक्‍तीक रे नेनीन। मिनु नेंशा मेको आन पाप क्‍याम्‍दीन।

भजन संग्रह 72:6

मिनु मेको घांस रिक्‍शो दिंममी रेउ यिशो खोदेंशो दुम्‍ल। रेउमी रागी कली जिप्‍पाइश्‍शो खोदेंशो दुम्‍ल।

हितोपदेस 19:12

पिप आ गाइश्‍शो गुप्‍स आ ग्रीशो खोदेंशो बाक्‍ब। आ दाक्‍तीक चहिं घांस तार दोक्‍शो सुनी ङा सीत खोदेंशो बाक्‍ब। हितोपदेस १६:१४-१५

यसैया 12:6

सियोनम बाक्‍बपुकी ठेयब सेंदा पा ग्‍येरशा परमप्रभु कली ठेयब सेल्‍शा कुम्‍सो पने। मारदे हना इस्राएली आन का ला बाक्‍शो परमप्रभु इन दातेमी ठेयब बाक्‍ब।

यसैया 14:32

मिनु रागी रागी ङा लोव़ कुरब आन कली मार देंनीनी? परमप्रभु यावेमी सियोन सेल्‍तु। मिनु आ मुर आन दाते ङा क्‍येट मथीब मेकेर रिम्‍शो पा बाक्‍नीम” देंत।

यसैया 18:7

मेना लाइश्‍शो नु दारशो मुरपुकीमी मुर नेल्‍ल आन परमप्रभु यावे कली मार मार चाक्‍नीम। मिनु मेको आन कली तशा ङोन नु नेक्‍था ङा मुरपुकी हिंनीम। मेकोपुकी सक्ति पाइश्‍शो नु ग्राब रागी ङा मुर बाक्‍नीम। मेको आन रागी खोलाम चेश्‍शो बाक्‍ब। मेको आन मार मार मुर नेल्‍ल आन परमप्रभु यावे आ बाक्‍तीके सियोन डांडाम चाक्‍नीम। भजन संग्रह ६८:३०-३२; प्रेरित ८:२७

यसैया 26:19

इन बेक्‍शो मुरपुकी लेंशा ब्रोंइनीम। आन बेक्‍शो रां सेंसीनीम। गे फुरकुम बाक्‍बपुकी, बोक्‍कीन। ग्‍येरसीशा कुम्‍सो पने। मारदे हना इन सुनी ङा सीत छेङछेङम ब्रशो बाक्‍ब। मिनु रागीमी शुश ङोंइती बेक्‍शो मुर आन कली ग्रुंइब। इजीकीएल ३७:१-१४; मत्ती २७:५२-५३

यसैया 26:21

मारदे हना परमप्रभु यावे आ बाक्‍तीके रे जाक्‍ब। मिनु रागीम बाक्‍ब मरिम्‍शो पाइब आन कली सजाइ गेब। मिनु रागी तार देम्‍शो हुश नु साइश्‍शो मुर नेल्‍ल मख्रुइक्‍थु कोंइब” दे कुम्‍सो पाइनीम। उत्‍पत्ती ४:१०-११; प्रकाश १८:२४

यसैया 31:9

अस्‍सुर ङा पिप, सेरथे फुल्‍लु खोदेंशो बोल्‍यो बाक्‍त हना यो, हिंशा प्रोक्‍ब। आ कप्‍तान आन छेदर प्रोंइशा प्रोक्‍नीम। परमप्रभु यावेमी आं चुप्‍लु सियोनम नु आं मी यरूसलेमम बाक्‍ब” देंत। ब्‍यवस्‍था ३२:३१

यसैया 46:13

आं पाप रे प्रोंइतीक चाक्‍नुङ, मेको ङोन मबाक्‍ब। गो इन कली रीब पा पाप रे प्रोंइनुङ। गो आं पाप रे प्रोंइतीक सियोनम वोइक्‍नुङ। इस्राएल कली आं छेङछेङ गेनुङ” देंत।

यसैया 57:15

मिनु ठेयब नु इर ङा, गेना हना यो बाक्‍ब आ नें का ला बाक्‍शो परमप्रभुमी “गो नेल्‍ल क्‍येङा इर ङा आं बाक्‍तीकेमी बाक्‍नुङ। मिनु गो थुं लुक्‍च लशो नु दिप्‍चा पुंइसीशो मुर नु बाक्‍नुङ। गो दिप्‍शो मुर नु आन थुं लुक्‍च लशो आन थुं बारपाइक्‍चा कली मेकोपुकी नु बाक्‍नुङ। भजन संग्रह ११३:५-९; यसैया ६६:१-२; भजन संग्रह ५०:१९

होसे 14:5

गो इस्राएल कली सीत खोदेंशो दुम्‍नुङ। मेको लिली फू खोदेंशो पा बोइक्‍ब। लेबानोन ङा लाइश्‍शो रवा खोदेंशो पा मेकोमी शाक्‍श थोक्‍ब।

होसे 5:15

मिनु गो आं बाक्‍तीकेमी लेश्‍शा बाक्‍नुङ। मेकोपुकीमी आन मरिम्‍शो पशो तुइश्‍शा, आं कली ममाल्‍मे सम्‍म बाक्‍नुङ। मिनु मेकोपुकीमी शुश श्‍येत जशा, आं कली माल्‍नीम” दे परमप्रभुमी देंत। यसैया २६:१६

योएल 3:17

“गो, परमप्रभु यावे, इन परमप्रभु आं डांडा सियोनम बाक्‍नुङ, दे गे तुइक्‍नीनी। मिनु यरूसलेम आं के दुम्‍ब। मिनु रागी रागी ङा मुर मेको सहर ङा लां रे पा मलाक्‍नीम। इजीकीएल ३४:३०

आमोस 3:7

थमा पा, परमप्रभु यावेमी आ लोव़ पाइब आन कली मदेंथु, मारेइ मपाइब। उत्‍पत्ती १८:१७