यसैया 18:3 - Sunuwar Bible

³ गे रागी रागीम बाक्‍ब मुरपुकी, रागी नेल्‍लेम ब्रोंइबपुकी डांडाम छेदर ख्रुक्‍शो ताइतीनी हना, कोव़ङीन। तुराही ताप्‍शो बाक्‍त हना, नेनीन।

यसैया 18:3 ပူးပေါင်းရင်းမြစ်များ

भजन संग्रह 50:1

ठेयब सक्ति पाइश्‍शो, परमप्रभु, परमप्रभु यावेमी लोव़ पाप्‍तु। नां दाप्‍तीक रे नां पेरतीक सम्‍म ङा रागी कली लोव़ पाप्‍तु। १इतिहास २५:१

यसैया 1:2

सरीङ नु रागीम बाक्‍बपुकी नोफा दाइश्‍शा नेनीन। मारदे हना परमप्रभु यावेमी “गो आं आल आन कली थुल्‍शा, कोल्‍पाइक्‍तामी। मेकोपुकीम चहिं आं कली मटीयीमी। ब्‍यवस्‍था ३२:१; ब्‍यवस्‍था ३२:५-६

यसैया 11:12

मेकोमी रागी रागी ङा मुर आन कली चिन्‍ड का वोइक्‍ब। मिनु इस्राएल ङा प्रोक्‍शो मुर आन कली खुप्‍ब। यहूदा ङा ब्रशो मुर आन कली यो तेइ तेइ रे खुप्‍ब।

यसैया 13:2

रवा मबाक्‍शो डांडामी छेदर का ख्रुक्‍कीन। मिनु ठेयब सेंदा पा गुइ हिक्‍शा, मेको आन कली ठेयब मुर आन लाप्‍चो रे ओव़पतीन।

यसैया 13:4

नेनीन, शुश रागी ङा मुरपुकी डांडामी रेयके पाइनीम। मेको रेयके शुश राज्‍य ङा खुम्‍सीशो मुर आन रेयके बाक्‍ब। मुर नेल्‍ल आन परमप्रभु यावेमी ठेयब हुल लडाइ पाइब पोक्‍ब।

यसैया 26:11

परमप्रभु यावे, इन गुइ मेको आन पर्बम क्‍युक्‍शो बाक्‍तीनी हना यो, मेकोपुकीमी मतुइक्‍नीम। गे इन मुर आन कली दाक्‍शो तशा, मेकोपुकी मुने दोक्‍मल। इन जोरी सत्रु आन कली नेक्‍ब मीमी मेको आन कली यो नेक्गल। यसैया ३७:३२

यसैया 31:9

अस्‍सुर ङा पिप, सेरथे फुल्‍लु खोदेंशो बोल्‍यो बाक्‍त हना यो, हिंशा प्रोक्‍ब। आ कप्‍तान आन छेदर प्रोंइशा प्रोक्‍नीम। परमप्रभु यावेमी आं चुप्‍लु सियोनम नु आं मी यरूसलेमम बाक्‍ब” देंत। ब्‍यवस्‍था ३२:३१

यसैया 49:22

मिनु परमप्रभु, परमप्रभु यावेमी “गो आं गुइ रागी रागी गे दिं‍नुङ। गो जात जात ङा मुर आन ङोंइती आं छेदर ख्रुक्‍शा कोंइनुङ। मिनु मेकोपुकीमी इ तौ आन कली कुचुम मुप्‍शा नु इ तमी आन कली चीम कुरशा चाक्‍नीम। यसैया ६०:४

यसैया 5:26

मेकोमी छेदर क्‍युक्‍शा ङोन रागी ङा मुर आन कली ब्रेप्‍ब। मिनु रागी आ सुर ङा मुर आन कली लाप पा ब्रेप्‍ब। मिनु मेकोपुकी रीब पा जाक्‍नीम।

यसैया 7:18

मेको नाक्‍ती परमप्रभु यावेमी इजीप्‍त ङा नील खोला ङा चुरमु नु अस्‍सुर रागी ङा सुरब आन कली लाप पा ब्रेप्‍ब।

येरमीया 22:29

ए रागी, रागी ङा मुर नेल्‍ल, परमप्रभु यावे आ लोव़ नेनीन।

येरमीया 51:27

मिनु परमप्रभु यावेमी “गे रागीम छेदर का ख्रुक्‍कीन। रागी रागी आन दातेमी तुराही तपीन। मेको नु लडाइ पचा कली रागी रागी ङा मुर आन कली ठीक सेलीन। राज्‍य आन कली बेबीलोन नु लडाइ पचा कली पोक्‍कीन। आरारात, मिन्‍नी नु अश्‍केनजमी बेबीलोन नु लडाइ पाइब आन ठेयब मुर का योव़ङीन। सल्‍हा आन हुल खोदेंशो पा शुश शारा चाक्‍कीन। यसैया १३:३ उत्‍पत्ती १०:३

मीका 1:2

मिनु परमप्रभु यावेमी मार कोंइशो नु देंशो बाक्‍त देंशा हना “जात जात ङा मुर, गे नेल्‍लेमी नोफा दाइक्‍तीन। रागी नु मेकेर बाक्‍ब नेल्‍लेमी नेनीन। परमप्रभु, परमप्रभु यावे आ बाक्‍तीके रे पा इन मरिम्‍शो पशो आ पर्बम सांकछी दुम्‍ब।

मीका 6:2

गे डांडापुकी नु गेना हना यो लीब रागी ङा जग, परमप्रभु यावेमी दोपा निसाफ पाइबा, मेको नेनीन। मारदे हना मेकोमी आ मुर आन कली निसाफ पचा चिक्‍शो बाक्‍ब। आ दोस गे‍शो नोफा दाइश्‍शा नेनीन। मारदे हना आ मुर आन कली मेको के लोव़ बाक्‍ब। मेकोम इस्राएल कली निसाफ पाइब।

मीका 6:9

परमप्रभु यावेमी सहर कली “आं कली मान पा हिंचा इन कली श्‍येत रे प्रोंइतीक दुम्‍ब। गे थर ङा मुर नु सहर ङा ग्रुम्‍तीक ङा मुर आन लोव़ नेनीन।

जकरिया 9:14

मिनु नोले परमप्रभु यावे इन क्‍येङा इर ग्रूब। मेको आ ब्रा चिला आप्‍शो खोदेंशो पा बेरनीम। परमप्रभु, परमप्रभु यावेमी तुराही ताप्‍ब। मिनु दक्‍खिन ङा फश गिवारम गाक्‍शा लाइब।

मत्ती 13:16

गेपुकी चहिं ग्‍येरसीने। इन मिक्‍च नु नोफा मेको आन के खोदेंशो ममाइ। मिक्‍चीम ताइनीनी, नोफाम नेंनीनी। लूका १०:२३-२४

मत्ती 13:9

सु नोफा पाइश्‍शो बाक्‍मे, मेकोमी नेंनल” देंत।