यसैया 18:2 - Sunuwar Bible

² गे लोव़ कुरब मुर आन कली रीब पा डोंगाम समुन्‍द्रम सोइक्‍ताक्‍वी। गे लोव़ कुरबपुकी, लाइश्‍शो मुर नु रीब पा गेय पाइब मुर आन रागी लन। ङोन नु नेक्‍था ङा मुर नेल्‍ल मेको आन कली तशा हिंनीम। मेको सक्ति पाइश्‍शो नु ग्राब रागी ङा मुर बाक्‍नीम। आन रागी शुश खोलाम चेश्‍शो बाक्‍ब।

यसैया 18:2 ပူးပေါင်းရင်းမြစ်များ

२ इतिहास 14:9

एथीयोपीया ङा जेराहमी मेकोपुकी नु लडाइ पचा कली हजार हजार लडाइ पाइबपुकी नु सहे सां बग्‍गी चाक्‍शा, मारेशा सम्‍म जाक्‍मा बाक्‍त।

२ इतिहास 16:8

मार, ङोंइती एथीयेपीया लिबीया ङा लडाइ पाइबपुकी शुश मबाक्‍मा? बग्‍गी नु शारा ङोइक्‍ब हिक्ने मचाप्‍चा ङा शुश मबाक्‍मा? मेना गे परमप्रभु यावे कली थमा सुइक्‍तीनी। मिनु मेकोमी नेल्‍ल आन कली इन गुइमी गेप्‍तु। २इतिहास १४:८-१२

अय्‍युब 9:26

मेको बुदी मीलु के सेल्‍शो डोंगा खोदेंशो पा, रीब पा शाइश्‍शा लाइनीम। ब्‍वारदे आन सिखार तार जुक्‍शो खोदेंशो पा लाइनीम।

प्रस्‍थान 2:3

मिनु नोले आल आ ममामी महिना सां ङा आल कली ख्रुइक्‍ने मचबा बाक्‍त। मिनु आल कली सुम्‍तीके पाइश्‍शो ग्‍युर सेल्‍शा, ब्‍वाक्‍कु मओव़चा ङा पा अल्‍कत्राम सिल्‍दा बाक्‍त। मिनु मेको आ तौ कली ग्‍युरुम कुर पा खोला आ नेक्‍था ङा बुदी मीलु घांस आगा, ब्‍वाक्‍कुम वोदा बाक्‍त।

यसैया 18:7

मेना लाइश्‍शो नु दारशो मुरपुकीमी मुर नेल्‍ल आन परमप्रभु यावे कली मार मार चाक्‍नीम। मिनु मेको आन कली तशा ङोन नु नेक्‍था ङा मुरपुकी हिंनीम। मेकोपुकी सक्ति पाइश्‍शो नु ग्राब रागी ङा मुर बाक्‍नीम। मेको आन रागी खोलाम चेश्‍शो बाक्‍ब। मेको आन मार मार मुर नेल्‍ल आन परमप्रभु यावे आ बाक्‍तीके सियोन डांडाम चाक्‍नीम। भजन संग्रह ६८:३०-३२; प्रेरित ८:२७

येरमीया 49:14

गो परमप्रभु यावे आ लोव़ कुरब रे पा लोव़ का नेंता। लोव़ कुरब का रागी रागी ङा मुर आन पर्बम सोइश्‍शो बाक्‍ब। मेकोमी “लडाइ तोचा कली बुक्‍कीन। लडाइ पचा कली सासीन” देंत।

इजीकीएल 30:9

मेको नाक्‍ती लोव़ कुरब मुर जहाजम ङोइक्‍पा सोइक्‍नुङ। मेको आन थुं नाइश्‍शा बाक्‍शो एथीयोपीया ङा मुर आन कली हिंच कोंइचा कली लोव़ सोइक्‍नुङ। इजीप्‍त रागी आ नुप्‍ची नाक्‍ती मेकोपुकी शुश हिंनीम। मेको नाक्‍त थमा पा जाक्‍ब” देंत। यसैया २०:३-४

ओबदिया 1:1

परमप्रभु यावेमी ओबदिया कली कोंइशो लोव़ मार बाक्‍त देंशा हना, परमप्रभु, परमप्रभु यावेमी एदोम आ पर्बम लोव़ पाप्‍तु। गोपुकीमी परमप्रभु यावे रे लोव़ का नेंतक। मेकोम रागी रागीम लोव़ कुरब मुर का सोइक्‍ताक्‍व। मेकोमी “बोक्‍कीन। गो मेको नु लडाइ पथ लय।

हबकुक 1:7

मेकोपुकी श्‍येत गेब नु शुश हिंचा ङा बाक्‍नीम। मिनु ‘मार ठीक निसाफ पतीके बाक्‍बा? सु मान ताइब बाक्‍बा’ दे आंमान दें‍नीम।

लूका 10:19

गे बुस्‍स नु बिच्‍छी दिम्‍ताक्‍नी हना यो, इन कली मकोक्‍नीम। मारेइ पने मचाप्‍नीम। मोदेंशो पा सैतानमी इन कली मारेइ पने मचाप्‍ब। सुइमी यो इन कली मारेइ पने मचाप्‍ब। भजन संग्रह ९१:१३; मर्कूस १६:१८