यसैया 17:5 - Sunuwar Bible

⁵ मिनु दोदेंशो पा चेरब रिक्‍ब मुरुमी गुइ कामी चेरब ग्‍याइश्‍शा, अर्को गुइमी रिक्‍बा, मोदेंशो पा रेफाइम ङा बेंसीम सिला गुप्‍तीक बाक्‍ब।

यसैया 17:5 ပူးပေါင်းရင်းမြစ်များ

२ सामुएल 5:18

मिनु पलिस्‍तीपुकी जाक्‍शा, रेफाइम ङा बेंसीम ब्रशा बाक्‍मा बाक्‍त। यहोसु १५:८; यहोसु १८:१६

२ सामुएल 5:22

मिनु लेंशा पलिस्‍तीपुकी जाक्‍शा रेफाइम ङा बेंसीम ब्रशा बाक्‍मा बाक्‍त।

हितोपदेस 27:25

घांस जाम्‍शा लाइब। मिनु नक कोच्‍वा दाप्‍ब। मिनु पहाड रे घांस खुप्‍नीमी,

यसैया 17:11

गे दारशो बोट ख्रुम्‍तीनी हना यो, मिनु आ दीसा सुनी बोइक्‍पाइक्‍तीनी हना यो, मेकेर खुप्‍चा कली मारेइ मलीब। श्‍येत जतीके नु खाइश्‍शो मसातीके नाक्‍त मोदेंशो दुम्‍ब।

येरमीया 51:33

मिनु मुर नेल्‍ल आन परमप्रभु यावे, इस्राएली आन परमप्रभुमी “बेबीलोन आ तमी दांइ पतीक खला का खोदेंशो दुम्‍ब। मेको दिप्‍चा पुंइसीब। इच्‍का नोले रिक्‍ची नाक्‍ती रीब पा जाक्‍ब” देंत।

येरमीया 9:22

परमप्रभु यावेमी “गे मुर आन कली मोदेंशो लोव़ पावो ‘मुर आन बेक्‍शो रां रूम मोव़ल खोदेंशो पा दोक्‍नीम। अन्‍न खुप्‍ब मुर आन नोले प्रोंइशो अन्‍न खोदेंशो पा, गोल्‍शा लीशो बाक्‍नीम। मिनु मेको आन कली सुइम सिला मपाइनीम’ देनो” देंत। येरमीया ७:३३; येरमीया १४:१६; येरमीया १६:४; येरमीया २५:३३; भजन संग्रह ७९:२

होसे 6:11

यहूदा, इ कली यो सजाइ गेतीक नाक्‍त जाक्‍ब” दे परमप्रभुमी देंत।

योएल 3:13

मिनु इन गुयेमी रिक्‍चा ठीक दुमीन। मारदे हना बाली नाली खुप्‍ची जाक्‍शो बाक्‍ब। मिनु ओव़शा अङगुर ख्राक्‍कीन। मारदे हना कोल ब्रीशो बाक्‍त। गर ब्रीशा क्‍युप्‍शो बाक्‍नीम। मेको खोदेंशो पा आन मरिम्‍शो पशो शुश दुम्‍त। प्रकाश १४:१५; यसैया ६३:३,६; प्रकाश १४:१८

मत्ती 13:30

मोपतीके रिक्‍ची मजाक्‍म सम्‍म बाक्‍ल। रुप्‍ची जाक्‍मेनु, आं गेय पाइब आन कली ङोंइती सुवा रिक्‍शा फ्रेंशा चोचा कली तिल्‍शा वोतीने। मिनु चेरब रिक्‍शा तुप्‍शा आं भकारीम कुर पा वोतीने, दे माइक्‍नुङमी’ देंमाक्‍त” दे शेंताक्‍मी। मत्ती ३:१२; मत्ती १५:३; प्रकाश १४:१५

यहोसु 15:8

मेको सांद हिन्‍नोम आ तौ आ दिंम रे यबुसी आन सहर आ दक्‍खिन रे ग्‍येत्‍थ खोइश्‍शो बाक्‍त। यबुसी आन सहर यरूसलेम बाक्‍ब। मिनु मेकेर रे हिन्‍नोम दिंम ङा पच्‍छिमम बाक्‍शो डांडा ग्‍येत्‍थ रे रेफाइम आन दिंम ङा उत्तर सम्‍म लशो बाक्‍त। २इतिहास २८:३

यहोसु 18:16

नोले मेको सांद बेन-हिन्‍नोम दिंम आ ङोंइती ङा डांडा आ पुं रे लाइब। मेको रेफाइम आन दिंम ङा उत्तर गे बाक्‍ब। मेको सांद हिन्‍नोम दिंम गे लशा, यबुसी आन सहर आ दक्‍खिन ङा देम्‍सीलो रे पा लुक्‍च लशा एन-रोगेलमी तोइश्‍शो बाक्‍त।