यसैया 17:3 - Sunuwar Bible

³ एफ्राइम ङा बोल्‍यो दरवार नुप्‍नीम। दमस्‍कस ङा राज्‍य मलीब। अराम ङा लीशो मुरपुकी इस्राएली आन जाम्‍शो छेङछेङ खोदेंशो दुम्‍नीम” दे मुर नेल्‍ल आन परमप्रभु यावेम देंत। २राजा १६:९

यसैया 17:3 ပူးပေါင်းရင်းမြစ်များ

२ राजा 16:9

मिनु अस्‍सुर ङा पिपमी मेको आ लोव़ नेना बाक्‍त। मिनु दमस्‍कस कली लडाइ तोशा मेको आ के सेला बाक्‍त। मेकोमी मेकेर ङा मुर आन कली ग्‍याइश्‍शा कीर सहर लाइक्‍मी बाक्‍त। मिनु नोले रेसीन कली सदा बाक्‍त।

२ राजा 17:6

अस्‍सुर ङा पिपमी होशेआम सासन पशो ९ बर्स दुम्‍मेनु, सामरीया कली ग्रामाक्‍त। मेकोमी इस्राएल ङा मुर आन कली ग्‍याइश्‍शा अस्‍सुर लाइक्‍मी बाक्‍त। मिनु मेको आन कली हालाह सहर नु गोजान ङा खोला हाबोर आ नेक्‍था नु मादी आन सहरम वोइक्‍मी बाक्‍त।

यसैया 10:9

मार, काल्‍नो सहर कारकेमीश खोदेंशो ममाइ? हमाथ, अरपाद खोदेंशो ममाइ? मिनु सामरीया दमस्‍कस खोदेंशो ममाइ ङा?

यसैया 16:14

मुल चहिं परमप्रभु यावेमी “गाल्‍च ताइबम आ बर्स हिक्‍शो खोदेंशो पा बर्स सांमी मोआब आ दारस जाम्‍शा लाइब। मिनु आ ठेयब हुल शुश मलीनीम। मेको आ लीशो मुर शुश मदुम्‍थु, सक्ति मपाइश्‍शो दुम्‍नीम” देंत। यसैया २१:१६

यसैया 17:4

मिनु परमप्रभु यावेमी “मेको नाक्‍ती याकूब आ मुर आन रिम्‍स नेल्‍ल लाइब। मेको नेल्‍ल गेयनीम।

यसैया 25:2

मारदे हना गे सहर कली फुल्‍लु तेल्‍तीके खोदेंशो सेल्‍तीनी। गारो हिरशो सहर कली प्रेत्‍तीनी। अर्को रागी ङा मुर आन दरवार मुल मली। मिनु मेको गेनायो मसेल्‍नीम।

यसैया 7:16

मिनु मेको वोंइश आलम मरिम्‍शो मपचा, रिम्‍शो पचा तुइक्‍चा क्‍येङा ङोंइती, इन कली हिंपाइक्‍ब पिप आस रागी श्‍येत्‍थ दुम्‍ब।

यसैया 7:8

मारदे हना अराम आ पिया दमस्‍कस बाक्‍ब। मिनु दमस्‍कस आ पिया रेसीन बाक्‍ब। मिनु ६५ बर्स नोले एफ्राइम खतम दुम्‍शा, मलीब।

यसैया 8:4

मारदे हना मेको आलम आम आफ देंस जोक्‍चा क्‍येङा ङोंइती दमस्‍कस ङा शोंप नु सामरीया ङा रोइश्‍शो नेल्‍ले अस्‍सुर ङा पिपम लाइक्‍ब” देंत। यसैया ७:१८; २राजा १६:९

होसे 1:4

मिनु परमप्रभु यावेमी होसे कली “मेको तौ आ नें येज्रेल वोतो। मारदे हना गो रीब पा येहू आ खिं कली येज्रेलमी पशो हुश ख्राक्‍श आ पर्बम क्‍येक्‍क लेत्‍नुङ। मिनु इस्राएल राज्‍य खतम पोक्‍नुङ। २राजा १०:१-१४

होसे 1:6

मिनु गोमेरमी लेंशा आल कुरशा, तमी का थिप्‍तु। मिनु परमप्रभुमी होसे कली “मेको आ नें लो-रूहामा वोतो। मारदे हना गो इस्राएल कली लेंशा शिशी मपाइनुङ। मिनु मेको आन पाप मक्‍याम्‍नुङ। होसे २:३,२५

होसे 10:14

मोपतीके इन मुर आन कली लडाइ तोइनीम। मिनु शाल्‍मनमी बेथ-आरबेल कली खतम पोक्‍शो खोदेंशो पा इन दरवार नेल्‍ल खतम पोक्‍शा गेनीम। मेना आल नु आ ममा कली यो साइक्‍नीम।

होसे 3:4

मारदे हना इस्राएलीपुकी शुश नाक्‍त सम्‍म पिप नु सासन पाइब मबाक्‍थु, बाक्‍चा माल्‍नीम। मेकोपुकीमी चढ़ेचा कली मिम्‍तीक फुल्‍लु, एफोद माइश्‍शो चढ़ेब आ पांइतीक वा नु आन खिं ङा मूर्ति यो मताइनीम। २इतिहास १५:३

होसे 8:8

इस्राएल खतम पोक्‍चा पुंइसाक्‍व। मुल मेकोपुकी रागी रागी ङा मुर आन दातेमी शोर गाक्‍‍शो मुर खोदेंशो दुम्‍शो बाक्‍नीम। येरमीया २२:२८

होसे 9:11

एफ्राइम आ सक्ति चिक्‍ब खोदेंशो पा बेरशा लाइब। मेको आन दातेमी सुइ यो आल थीब मदुम्‍नीम।

आमोस 8:14

सु सु सामरीया ङा देवता अशीमाह आ नेंमी कसम जशा ‘ए दान, इ देवता ब्रोंइशा बाक्‍शो खोदेंशो पा’ नु ‘बेयर-शेबा ङा देवता ब्रोंइशा बाक्‍शो खोदेंशो पा’ देंशा कसम जाइब नेल्‍ल गेनायो मबोक्‍चा ङा पा गोल्‍नीम” दे परमप्रभु यावेमी देंत। न्‍यायाधीस १८:३०