यसैया 17:12 - Sunuwar Bible

¹² आबी, शुश रागी ङा मुर आन रेयके, समुन्‍द्र ङा ब्‍वाक्‍कु खोदेंशो पा नेंसीब। आबी, रागी रागी ङा मुर आन ग्रीशो बारशो खोला आ रेयके खोदेंशो बाक्‍ब।

यसैया 17:12 ပူးပေါင်းရင်းမြစ်များ

भजन संग्रह 18:4

गो साइक्‍चा पुंइसीचशो दुम्‍शा, हेरा बेक्‍ती। आं कली साइक्‍ब ब्‍वाक्‍कु आ छाल खोदेंशो पा जाक्‍शा, हिंपाइक्‍ती। भजन संग्रह ११६:३

भजन संग्रह 29:3

परमप्रभु यावे आ सेंदा ब्‍वाक्‍कु तारी बाक्‍ब। छेङछेङ ङा परमप्रभुमी ठेयब ब्‍वाक्‍कु तारी बुंबु पपाइक्‍ब। परमप्रभु यावे ब्‍वाक्‍कु तारी बाक्‍ब।

भजन संग्रह 83:2

इन जोरी सत्रु शुश ग्‍याल्‍शो बाक्‍नीमी। कोव़ङीन, मेकोपुकी बारशा, ग्राचा चिक्‍शो बाक्‍नीम।

यसैया 13:4

नेनीन, शुश रागी ङा मुरपुकी डांडामी रेयके पाइनीम। मेको रेयके शुश राज्‍य ङा खुम्‍सीशो मुर आन रेयके बाक्‍ब। मुर नेल्‍ल आन परमप्रभु यावेमी ठेयब हुल लडाइ पाइब पोक्‍ब।

यसैया 28:17

गो ठीक निसाफ कली गारो प्रोव़ची ना क्‍युक्‍तीक डोरी खोदेंशो सेल्‍नुङ। मिनु ठीक पतीके कली घन्‍टी खोदेंशो सेल्‍नुङ। मिनु मुप्‍सीम मेको जोल पा ख्रुइक्‍तीके खतम सेल्‍ब। ब्‍वाक्‍कुमी फाम्‍सीतीके योल्‍ब।

यसैया 54:17

गे नु लडाइ पचा कली सेल्‍शो यामी मग्रानीम। इ कली सुमी निसाफ पची ना दोस गेबा, मेको नेल्‍ल फ्रुचा पुंइसीनीम। मोपा ग्रातीके परमप्रभु यावे आं गेय पाइब आन अङस बाक्‍ब। मेको आं गेशो ठीक पतीके बाक्‍ब” दे परमप्रभु यावेमी देंत।

यसैया 8:9

गे रागी रागी ङा मुर गारशा सुर्ता पने। गे खतम दुम्‍पाइक्‍चा पुंइसीनीनी। गे ङोन रागी ङा मुर नोफा दाइश्‍शा नेनीने। लडाइ पचा कली किप्‍शुर किम्‍सीन। मिनु हिनीन। लडाइ पचा कली ठीक दुमीन। मिनु सुर्ता पने।

यसैया 9:5

मारदे हना लडाइ पाइब आन जुत्ता नु आन फेक्‍तीक वा नेल्‍ल हुश लुम्‍सीशो बाक्‍नीम। मेको मीम चोतीक दुम्‍नीम।

येरमीया 6:23

मेकोपुकी लिब्रा नु तरवार शेशा ठीक दुम्‍शो बाक्‍नीम। मेकोपुकी मरिम्‍शो पाइब नु काइ शिशी मपाइ‍ब बाक्‍नीम। आन रेयके समुन्‍द्र ग्रीशो खोदेंशो बाक्‍ब। मेकोपुकी शारा ङोइश्‍शा सियोन आ तमी, इ कली लडाइ तोचा कली ठीक दुम्‍शो बाक्‍नीम” देंत। येरमीया ५०:४२

इजीकीएल 43:2

मिनु इस्राएली आन परमप्रभु आ छेङछेङ पूर्ब रे जाक्‍त। मेको आ रेयके ठेयब समुन्‍द्र आ रेयके खोदेंशो नेंसाक्‍व। मिनु रागी नेल्‍ल मेको आ छेङछेङम हाम्‍सो दुम्‍त। इजीकीएल १:२८

दानीएल 7:2

मिनु दानीएलमी गो, दानीएल, इप्‍शा ङोमु पा, कोंइतीक का ताता, सरीङ पूर्ब, पच्‍छिम, उत्तर, दक्‍खिन रे फश पा ठेयब समुन्‍द्र कली छाल पोक्‍पाइश्‍शो ताता।

मीका 4:11

मुल शुश रागी रागी ङा मुर इ पर्बम दूली पा बोक्‍शा ‘सियोन ग्रांग्रा दिशो दुम्‍‍ल। गो मेको कली कोव़ना कोव़न बाक्‍चा तांइसेक्‍ल’ देंनीम” देंत।

गन्‍ती 10:35

मिनु कुरबपुकीमी मेको कबल पशो सन्‍दोस कुरशा गाक्‍मानु, गेना हना यो मोसामी “परमप्रभु यावे, बोक्‍कीन। इन जोरी सत्रु एर ओंथ ब्रामल। मिनु इन जोरी सत्रु इन क्‍येङा प्रोक्‍मल” देंबाक्‍त। २इतिहास ६:४१; भजन संग्रह ३:८; भजन संग्रह ९:२०; भजन संग्रह १०:१२; भजन संग्रह १७:१३; भजन संग्रह ६८:२; भजन संग्रह १३२:८

लूका 21:25

मिनु सरीङ नु रागीमी चिन्‍ड तांइसीनीम। सरीङमी नां, तास्‍ला नु सोरुल मार मार तांइसीब। रागीम समुन्‍द्रमी ठेयब ब्‍वाक्‍कु ब्रुइश्‍शा, मुर नेल्‍ल आन कली हिंपाइक्‍ब। प्रकाश ६:१२-१३

प्रकाश 17:1

नोले गो परमप्रभु यावे आ स्‍वर्ग ङा गेय पाइब का ताता। मेको सु बाक्‍त देंशा हना, मेको ङोंइती ङा ७ जना श्‍येतमी ब्रीशो डप्‍का कुरबपुकी ङा का बाक्‍त। मिनु मेकोमी “एके पिवो, गो इ कली ब्‍वाक्‍कु तार बाक्‍ब ठेयब तेल्‍लेम कली गेशो सजाइ कोंइनन। प्रकाश १५:१

प्रकाश 17:15

मिनु मेको परमप्रभु यावे आ स्‍वर्ग ङा गेय पाइबमी लेंशा “तेल्‍लेम आ नेक्‍था ङा शुश ब्‍वाक्‍कु, मार बाक्‍ब देंशा हना, मेको मुरपुकी नम। मिनु मेको शुश मुर आन हुल, रागी रागी ङा मुर नु शुश लोव़ ब्‍वाक्‍ब मुर बाक्‍नीम। यसैया ८:७; येरमीया ४७:२