यसैया 16:6 - Sunuwar Bible

⁶ गो मोआब आ ठेयब लेश्‍शा पशो लोव़ नेंतय। मेको थम ठेयब लेश्‍शो बाक्‍ब। मेको आ ठेयब लेत्‍तीके नु बोरशा लोव़ पतीके फश खोदेंशो बाक्‍ब।

यसैया 16:6 ပူးပေါင်းရင်းမြစ်များ

हितोपदेस 21:24

ठेयब लेश्‍शो, बोरशो मुर आ नें शुक्‍शी पाइब बाक्‍ब। मेकोमी ठेयब लेश्‍शो नु बोरशो गेय ला पाइब।

यसैया 15:1

मिनु परमप्रभु यावेम मोआब आ पर्बम यसैया कली “मारदे हना काबु नाक्‍दोमी आर-मोआब सहर खतम दुम्‍त। मिनु मोआब ग्रांग्‍ये माग्‍ये दुम्‍त। काबु नाक्‍दोमी कीर-मोआब सहर खतम दुम्‍त। मिनु मोआब ग्रांग्‍ये माग्‍ये दुम्‍त।

यसैया 2:11

मुर नेल्‍ल आन ठेयब लेश्‍शो आइक्‍च सेल्‍चा पुंइसीनीम। बोरशो मुर नेल्‍ल ब्रेम्‍शो सेल्‍चा पुंइसीनीम। मेको नाक्‍ती परमप्रभु यावे ला ठेयब दुम्‍ब। यसैया २:११

यसैया 25:10

मारदे हना परमप्रभु यावे आ गुइ मेको डांडा तार बाक्‍ब। मिनु मोआब रागी ङा मुर आन बाक्‍तीके दिम्‍चा पुंइसीनीम। मेको नेल्‍ल मोव़ल वोइक्‍तीके खोदेंशो पा दिम्‍चा पुंइसीनीम।

यसैया 25:11

मिनु दोपा दोम्‍ली ग्‍यारब मुरपुकीमी आन गुइ दिंनीमी, मोपा मेकोपुकीमी आन गुइ दिंनीम। मिनु परमप्रभुमी मेको आन ठेयब लेश्‍शो नु आन सक्ति आइक्‍च सेल्‍ब।

यसैया 28:15

मिनु गेपुकीमी “गोपुकीमी बेक्‍पाइक्‍ब नु कबल पमुशो बाक्‍नीकी। बेक्‍शो मुर आन बाक्‍तीके नु सल्‍ला पाइतक। ठेयब श्‍येत जाक्‍त हना यो, आंइ कली मारेइ मदुम्‍ब। मारदे हना जोल पतीके नु गारशा ख्रुइश्‍शो बाक्‍नीकी। दूली पतीकेमी फाम्‍सीशो बाक्‍नीकी” देंतीनी।

यसैया 28:18

मेना इन बेक्‍पाइक्‍ब नु पशो कबल नुप्‍ब। इन बेक्‍शो मुर आन बाक्‍तीक नु पशो सल्‍ला जाम्‍ब। मिनु मेको हिंचा ङा श्‍येत जतीक जाक्‍शा, इन कली सुम्‍ब।

यसैया 44:25

गो जोल पाइब आन नोले दुम्‍ब लोव़ शोर गाक्‍शो सेल्‍नुङ। लिंक्‍यु कोव़ब आन निप्‍स क्‍यातामी। जोक्‍ब तुइक्‍ब आन कली दिप्‍शा, मेको आन जोक्‍तीके तुइक्‍तीके नेल्‍ल मूर्ख सेल्‍ता। यसैया २९:१४

येरमीया 48:14

गेपुकीम ‘गोपुकी बोल्‍यो नु सक्ति पाइश्‍शो लडाइ पाइब बाक्‍नीकी’ दे दोपा देंने चाप्‍नीनी?

येरमीया 48:26

मिनु लेंशा “मेको कली दुक्‍पतीन। मारदे हना मेको ठेयब लेश्‍शो बाक्‍ब। मोआब आ मेशोमी दिङ दाङ गोल्‍ल। मिनु मेको शुक्‍शी पाइक्‍चा पुंइसीब दुम्‍ल। येरमीया २५:१५

येरमीया 48:42

मोआब रागी का दुम्‍शा मलीचा ङा पा खतम दुम्‍त। मारदे हना मेको परमप्रभु यावे आ ङोंइती ठेयब लेश्‍शो बाक्‍त।

येरमीया 50:36

मेको आ जादू कली यो तरवार का जाक्‍त। मोपतीके मेकोपुकी मूर्ख दुम्‍नीम। मेको आ लडाइ पाइब आन कली यो तरवार का जाक्‍त। मिनु मेको खतम दुम्‍नीम।

आमोस 2:1

परमप्रभु यावेमी “गो मोआब आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोमी एदोम ङा पिप आन रुश चोप्‍तु। यसैया १५:-; येरमीया ४८:-

१ पत्रुस 5:5

मिनु गे ठिटापुकी, शेंब खाल्‍पा आन देंशो लोव़ टिने। गे नेल्‍ल ब्रेम्‍शो थुं पाइश्‍शो दुम्‍शा, गेय पमुने। मारदे हना परमप्रभु यावेमी ठेयब लेश्‍शो मुर आन कली मकोव़ब, ब्रेम्‍शो थुं पाइश्‍शो मुर आन कली ला शिशी पाइब। एफिसी ५:२१; अय्‍युब २२:२९; हितोपदेस ३:३४; मत्ती २३:१२; याकूब ४:६