यसैया 16:5 - Sunuwar Bible

⁵ गेना हना यो दाक्‍ब आ नित्‍तीक वोंइसीब। मेको दाऊद आ ताम्‍बुम बाक्‍ब। मिनु मेको नित्‍तीकेमी थमा सुइक्‍चा पुंइसीब ठीक निसाफ पा हुकुम पाइब का निस्‍सीब। मेकोमी रीब पा कुल मकोव़थु, निसाफ पाइब।

यसैया 16:5 ပူးပေါင်းရင်းမြစ်များ

२ सामुएल 23:3

इस्राएली आन परमप्रभुम लोव़ पाप्‍तु। इस्राएली आन सेरथे फुल्‍लुमी आं कली ‘सुमी मुर आन कली ठीक निसाफ पाइ‍बा, सुम परमप्रभु कली मान पा हिंशा हुकुम पाइ‍बा,

२ सामुएल 5:9

मिनु दाऊद मेको गारो हिरशो सहरम बाक्‍शा, मेको आ नें दाऊद आ सहर वोदा बाक्‍त। मिनु दाऊदमी मिल्‍लो रे पा आगा एर ओंथ नेल्‍ल सहर सेला बाक्‍त।

२ सामुएल 7:16

इ खिं नु इ राज्‍य गेना हना यो आं ङोंइती लीब। इ सासन पतीक गेना हना यो लीब” देंमाक्‍त। भजन संग्रह ७२:-; यसैया ५५:३

१ राजा 10:9

मिनु परमप्रभु यावे, इन परमप्रभु ठेयब बाक्‍ब। मेकोमी इन कली दाक्‍शा इस्राएल कली सासन पचा कली पिप सेल्‍तु। परमप्रभु यावेमी इस्राएली आन कली गेना हना यो दाक्‍ताक्‍व। मोपतीके मेकोमी इन कली ठीक निसाफ पचा नु ठीक पचा कली मेको आन पिप सेल्‍शो बाक्‍त” देंमाक्‍त। १राजा ५:२१

२ इतिहास 31:20

मिनु हिज्‍कीयाहम यहूदा नेल्‍लेमी मोदेंशो पवा बाक्‍त। मेकोमी परमप्रभु यावे, आ परमप्रभु आ ङोंइती मार रिम्‍शो, मार ठीक नु थमा सुइक्‍चा पुंइसीशो बाक्‍मे, मेको पवा बाक्‍त।

भजन संग्रह 85:10

गेना हना यो दाक्‍तीक नु थमा पा दाक्‍शा मप्रोंइतीक गारनीस। ठीक पतीक नु थुं नाइक्‍तीक पुक्‍पु पमुइनीस।

भजन संग्रह 89:14

ठीक पतीक नु कुल मकोव़थु निसाफ पतीके इन राज्‍य ङा सक्ति बाक्‍ब। इन दाक्‍शा गेनायो मप्रोंइतीके इन ङोंइती बाक्‍ब।

भजन संग्रह 96:13

परमप्रभु यावे आ ङोंइती कुम्‍सो पाइनीम। मारदे हना परमप्रभु यावे जाक्‍ब। मेको रागी कली निसाफ पथ जाक्‍ब। मेकोमी रागी नेल्‍ल कली ठीक पतीकेमी निसाफ पाइब। मिनु जात जात ङा मुर आन कली थमा पा आन कुल मकोव़थु निसाफ पाइब। भजन संग्रह ८२:८; प्रेरित १७:३

भजन संग्रह 98:9

मारदे हना परमप्रभु यावे रागी कली निसाफ पथ जाक्‍ब। मेकोमी ठीक पा जात जात ङा मुर आन कुल मकोव़थु निसाफ पाइब।

भजन संग्रह 99:4

सक्ति पाइश्‍शो पिपम, ठीक निसाफ दाक्‍ब, गे कुल मकोव़थु, याकूब आ रागीमी ठीक पतीके नु ठीक निसाफ वोइक्‍तीनी। यसैया ९:६

हितोपदेस 20:28

गेना हना यो दाक्‍शा गेनायो मप्रोंइतीकेमी पिप कली खाल पाइब। आ ठीक पतीकेमी आ सासन पतीके मजाम्‍ब। हितोपदेस १६:१२

हितोपदेस 29:14

प्रुङग आन कली ठीक पा निसाफ पाइब पिप आ सासन गेना हना यो लीब। हितोपदेस १६:१२

यसैया 33:22

मारदे हना परमप्रभु यावे आंइ कली निसाफ पाइब बाक्‍ब। परमप्रभु यावे आंइ कली सासन पाइब बाक्‍ब। परमप्रभु यावे आंइ पिप बाक्‍ब। मेकोमी आंइ कली श्‍येत रे प्रोंइब।

यसैया 55:4

नेनीन, गो मेको कली जात जात ङा मुर आन कली सांकछी सेल्‍ता। जात जात ङा मुर आन कली ठेयब मुर नु हुकुम पाइब सेल्‍ता।

दानीएल 7:14

मिनु मेको कली सासन पतीक अधिकार, मान ततीक नु पिप सेल्‍‍शा राज्‍य गेशो ताता। मिनु जात जात नु रागी रागी ङा आंम आंम लोव़ पाइब मुर नेल्‍लेमी मेको कली गेय पशो ताता। आ सासन पतीके अधिकार गेना हना यो लीबाक्‍त। आ पिप दुम्‍शो राज्‍य गेनायो खतम मदुम्‍बाक्‍त।

दानीएल 7:27

मिनु राज्‍य, सासन पतीक अधिकार नु राज्‍य नेल्‍ल आन ठेयब दुम्‍तीके नेल्‍ल क्‍येङा ठेयब आ मुर आन कली गेचा पुंइसीनीम। मेको आन राज्‍य गेना हना यो लीब राज्‍य दुम्‍ब। मिनु सक्ति पाइश्‍शो नेल्‍लेमी मेको आ गेय पा, मेको कली टीनीम” देंत।

आमोस 9:11

परमप्रभु यावे, इन परमप्रभुमी “गो मेको नाक्‍त दाऊद आ ब्रेश्‍शो खिं आन कली लेंशा सेल्‍नुङ। मिनु मेको आ ब्रेश्‍शो गारो आ पोव़ला सुइ‍नुङ। मिनु मोपा नेल्‍ल साइ ङोंइती ङा खोदेंशो सेल्‍नुङ। १राजा १२:१९; प्रेरित १५:१६-१७

मीका 4:7

मिनु खोइल मदुक्‍ब आन कली लीशो मुर आन दातेम वोइक्‍नुङ। खेरचा पुंइसीशो आन कली बोल्‍यो रागी ङा मुर सेल्‍नुङमी। मिनु परमप्रभु यावेमी मेको आन कली सियोन डांडा रे गेना हना यो कली सासन पाइब।

जकरिया 9:9

सियोन आ तमी, साप्‍पा ग्‍येरसो। यरूसलेम आ तमी ग्‍येरशा ठेयब सेंदा पा ग्रीङो। मारदे हना इ पिप इ बाक्‍तीकेमी जाक्‍ना जाक्‍न बाक्‍ब। मेको ग्राशा ग्‍येरसीशा जाक्‍ब। मेको ब्रेम्‍शो बाक्‍ब। मेको गधा तार ङोइश्‍शा जाक्‍ब। गधा आ चाइक्‍ब तार ङोइश्‍शा जाक्‍ब। सेफन्‍याह ३:१४; मत्ती २१:५