यसैया 16:3 - Sunuwar Bible

³ गे अर्ती गेशा, ठीक निसाफ पने। नाक्‍त बाक्‍त हना यो, इन वांकु नाक्‍दो ङा खोदेंशो सेलीने। ग्रुंइशो मुर आन कली ख्रुइक्‍तीन। प्रोक्‍ब आन पर्बम मशेंदीन।

यसैया 16:3 ပူးပေါင်းရင်းမြစ်များ

१ राजा 18:4

इजेबेलम परमप्रभु यावे आ लोव़ पाइब आन कली साइक्‍ना साइक्‍न बाक्‍मेनु, ओबदियामी मेको आन दाते ङा सहे का जना आन कली लाइश्‍शा, मेको आन कली प्रोंइचा कली जचा तूचा थोव़क गेशा ५०, ५० जना ङा हुल पा पुक्‍खी निक्‍शीम ख्रुइश्‍शा वोइश्‍शो बाक्‍माक्‍त।

यसैया 1:17

रिम्‍शो पचा शेंसीन। ठीक निसाफ पतीक मालीन। दिप्‍चा पुंइसीशो आन कली वारच पने। रोम रोइक्‍च आन कली वारच पने। वोंइश बेक्‍शो मीश मुर आन कली वारच पतीन” देंत। येरमीया ७:५-६

यसैया 25:4

मारदे हना गे प्रुङग नु मारेइ मथीब आन कली वारच पाइब बाक्‍तीनी। फश गिवार पवानु, फाम्‍सीतीके नु नां पवानु, सितल थेरतीके बाक्‍तीनी। मारदे हना मेको शिशी मपाइक्‍ब आन गाइक्‍चा, फश गिवार गारोम थोक्‍सीशो खोदेंशो बाक्‍ब। यसैया ४:६

यसैया 32:2

मिनु मेको मुर नेल्‍ल फश रे ख्रुंइसीतीके, रेउ यिमेनु फाम्‍सीतीके, सोव़शो रागीमी ब्‍वाक्‍कु यितीके नु थम होश रागीमी ठेयब सेरथे फुल्‍लु आ वांकु खोदेंशो बाक्‍नीम।

यसैया 56:8

मोदेंशो लोव़ पाइब परमप्रभु, परमप्रभु यावेमी खेरशो इस्राएली आन कली खुप्‍ब। मिनु “गो मेको आन कली अरु खुप्‍शो मुर नु देल्‍पाइक्‍नुङ। मेकोपुकी नु बाक्‍पाइक्‍चा कली तेम्‍नुङमी” देंत।

यसैया 58:7

आंम जचा थोव़क शोव़लु बेक्‍ब नु योक्‍चा, खिं मबाक्शो नु प्रुङग आन कली इन खिंम बाक्‍चा गेचा, शिश्रा बाक्‍ब आन कली वा फेक्‍चा गेचा नु इन लोक्‍ब आन कली वारच पचा, आं दाक्‍शो माइजा बाक्‍तीक बाक्‍ब। ब्‍यवस्‍था १५:११; इजीकीएल १८:७; मत्ती २५:३५-३६

यसैया 9:6

मारदे हना आंइ कली आल का थिशो बाक्‍ब। तौ का गेशो बाक्‍ब। मेको आंइ कली रिम्‍शो पा सासन पाइब दुम्‍ब। मेको आ नें मार बाक्‍ब देंशा हना, छक लाक्‍चा ङा गेय पाइब, जोक्‍तीक तुइक्‍तीक अर्ती गेब, सक्ति पाइश्‍शो परमप्रभु, गेना हना यो बाक्‍ब आफ नु थुं नाइश्‍शा बाक्‍चा गेब पिप बाक्‍ब। यसैया २२:२२; मीका ५:१; मीका ४:३

येरमीया 21:12

गे दाऊद आ खिं ङा मुर सुनी कुस कुस ठीक निसाफ पने। रोइक्‍चा पुंइसीशो आन कली मरिम्‍शो पाइब आन गुइ रे प्रोनीन। मो मपाइतीनी हना, इन मरिम्‍शो पतीके आं गाइक्‍तीके मी खोदेंशो पा ब्राइब। मेको सुइम काप्‍ने मचाप्‍चा ङा पा ब्राइब। येरमीया २२:३; येरमीया ७:२०

येरमीया 22:3

परमप्रभु यावेमी मार देंत देंशा हना “गे ठीक निसाफ पने। ठीक गेय पने। रोइक्‍चा पुंइसीशो आन कली मरिम्‍शो पाइब आन गुइ रे प्रोनीन। अर्को रागी ङा मुर, रोम रोइक्‍च नु आन वोंइश बेक्‍शो मीश मुर आन कली मरिम्‍शो मपने। मिनु एको रागीम मारेइ दोस मताइब आन हुश मशाइक्‍पतीन। येरमीया २१:१२

दानीएल 4:27

हजुर पिप, मोपतीके आं गेशो अर्ती इन कली दुम्‍ल। इन पाप कली ठीक पतीकेमी क्‍याम्‍दीन। मिनु इन मरिम्‍शो पशो, श्‍येत जाइब आन कली शिशी पतीकेमी क्‍याम्‍दीन। मो पाइतीनी हना, इन रिम्‍शो बाक्‍तीक शुश नाक्‍त सम्‍म लीब” देंत। हितोपदेस १९:१७; मत्ती ५:७

जकरिया 7:9

मिनु मुर नेल्‍ल आन परमप्रभु यावेमी मार लोव़ पाप्‍तु देंशा हना “ठीक पा निसाफ पने, दाक्‍मुने नु शिशी पमुने, मीका ६:८

मत्ती 25:35

मारदे हना गेपुकीमी गो जचा मतथु बाक्‍ङानु, जचा गेतीनी। तूतू दाक्‍ङानु, तूचा गेतीनी। इन मतुइश्‍शो मुर इन खिं जाक्‍ङानु, बाक्‍चा गेतीनी। यसैया ५८:७

हिब्रू 13:2

इन खिंम जाक्‍ब सुइ आन कली जचा बाक्‍चा गेचा मप्रोनीन। मोपा गेशोमी का निक्‍शीमी आन मतुइक्‍थु परमप्रभु यावे आ स्‍वर्ग ङा गेय पाइब आन कली मान पचा ताम्‍तेक्‍म। रोमी १२:१३; १पत्रुस ४:९; ३यूहन्‍ना ५-८; उत्‍पत्ती १८:२-३; उत्‍पत्ती १९:२-३

न्‍यायाधीस 9:15

मिनु चू रवामी ‘गेपुकीमी थमा पा, आं कली इन पिप सेल्‍चा दाक्‍नीनी हना, आं नेक्‍था जाक्‍शा, आं पुंम बाक्‍कीन। मबाक्‍तीनी हना, चू रवा रे पा मी ग्रूशा लेबानोन ङा ठेयब रवा नेल्‍ल आन कली खतम सेल्‍ब’ देंमाक्‍त” दे कथा सेल्‍शा ठेयब सेंदा पा देंमाक्‍त।