यसैया 16:14 - Sunuwar Bible

¹⁴ मुल चहिं परमप्रभु यावेमी “गाल्‍च ताइबम आ बर्स हिक्‍शो खोदेंशो पा बर्स सांमी मोआब आ दारस जाम्‍शा लाइब। मिनु आ ठेयब हुल शुश मलीनीम। मेको आ लीशो मुर शुश मदुम्‍थु, सक्ति मपाइश्‍शो दुम्‍नीम” देंत। यसैया २१:१६

यसैया 16:14 ပူးပေါင်းရင်းမြစ်များ

उत्पत्ती 31:1

मिनु लाबान आ तौपुकीमी “याकूबमी आंइ आफ आ मारेइ मारेइ नेल्‍ल रोइक्‍ताक्‍व। आंइ आफ आ शोंप रे शोंप पाइश्‍शो दुम्‍त” देंशो, याकूबमी नेना बाक्‍त। उत्‍पत्ती ३०:३५

एस्‍तर 5:11

मिनु मेको आन कली “आं शोंप, आं थेरशो रू नु शुश तौ बाक्‍नीम। मिनु पिपमी सासन पाइब नु गेय पाइब नेल्‍ल आन क्‍येङा आं कली शुश मान गेशो बाक्‍ब” दे आ नें बोरपाइश्‍शा लोव़ पाप्‍तु।

अय्‍युब 14:6

गे मुर आन कली मकोव़ङीन। मिनु नाक्‍त किंत किंत गेय पाइब मुर खोदेंशो ग्‍येरशा बाक्‍चा गेन। अय्‍युब ७१-२

अय्‍युब 7:1

मिनु अय्‍युबमी “मुर रागीम बाक्‍मानु, शुश गेय पचा माल्‍नीम। मेको आन नाक्‍ती गेय पाइब आन नाक्‍त खोदेंशो बाक्‍नीम। अय्‍युब १४:६

यसैया 11:14

मिनु मेको निक्‍शी पलिस्‍ती नु लडाइ पचा कली पच्‍छिम गे बारनीस। मेकोपुकी गारशा, पूर्ब ङा मुर आन मारेइ मारेइ रोइक्‍नीम। एदोमी नु मोआबी आन कली लडाइ तोइनीम। अम्‍मोनीपुकीमी मेको आन देंशो टीनीम।

यसैया 15:5

आं थुं मोआब आ पर्बम वाइ ब्रेश्‍शा ङाक्‍ब। मेकेर ङा मुरपुकी सोआर नु एग्‍लाथ-शेलीशीया प्रोक्‍‍नीम। मेकोपुकी ङाक्‍ना ङाक्‍न लुहीथ ङा डांडा ङोइक्‍नीम। मेकोपुकीमी होरोनाइम ङा लांमी खतम दुम्‍चा आ पर्बम रोंका पाइनीम।

यसैया 16:13

एको परमप्रभु यावेमी मोआब आ पर्बम ङोंइती देंशो लोव़ बाक्‍ब।

यसैया 17:4

मिनु परमप्रभु यावेमी “मेको नाक्‍ती याकूब आ मुर आन रिम्‍स नेल्‍ल लाइब। मेको नेल्‍ल गेयनीम।

यसैया 21:16

मिनु परमप्रभुमी आं कली “गाल्‍च ताइबम आ बर्स हिक्‍शो खोदेंशो पा बर्स का नोले केदार आ दारस नेल्‍ल जाम्‍ब। यसैया १६:१४

यसैया 23:9

मिनु मुर नेल्‍ल आन परमप्रभु यावेमी मेको मिम्‍ताक्‍व। आ शुश दारस आ पर्बम ठेयब लेत्‍तीके खतम सेल्‍चा नु आ मान पाइक्‍चा पुंइसीब आन कली मुने तोक्‍चा कली मिम्‍ताक्‍व।

यसैया 25:10

मारदे हना परमप्रभु यावे आ गुइ मेको डांडा तार बाक्‍ब। मिनु मोआब रागी ङा मुर आन बाक्‍तीके दिम्‍चा पुंइसीनीम। मेको नेल्‍ल मोव़ल वोइक्‍तीके खोदेंशो पा दिम्‍चा पुंइसीनीम।

यसैया 25:11

मिनु दोपा दोम्‍ली ग्‍यारब मुरपुकीमी आन गुइ दिंनीमी, मोपा मेकोपुकीमी आन गुइ दिंनीम। मिनु परमप्रभुमी मेको आन ठेयब लेश्‍शो नु आन सक्ति आइक्‍च सेल्‍ब।

यसैया 7:16

मिनु मेको वोंइश आलम मरिम्‍शो मपचा, रिम्‍शो पचा तुइक्‍चा क्‍येङा ङोंइती, इन कली हिंपाइक्‍ब पिप आस रागी श्‍येत्‍थ दुम्‍ब।

येरमीया 48:42

मोआब रागी का दुम्‍शा मलीचा ङा पा खतम दुम्‍त। मारदे हना मेको परमप्रभु यावे आ ङोंइती ठेयब लेश्‍शो बाक्‍त।

येरमीया 9:23

परमप्रभु यावेम “जोक्‍ब तुइक्‍ब मुरपुकी आन जोक्‍तीक तुइक्‍तीक आ पर्बम ठेयब मलेम्‍मल। सक्ति पाइश्‍शो मुरपुकी आन सक्ति आ पर्बम ठेयब मलेम्‍मल। शुश शोंप पाइश्‍शो मुरपुकी आन शुश शोंपोम ठेयब मलेम्‍मल।

ब्‍यवस्‍था 15:8

तन्‍न गे शिशी पा मेको कली आ माल्‍शो नेल्‍ल जेर गेने। लूका ६:३४-३५