यसैया 16:12 - Sunuwar Bible

¹² मिनु मोआबी आन देवी देवता बाक्‍शो डांडा ङोइश्‍शा, शुश प्रार्थना पाम्‍तेक्‍म हना यो, मेको शोर गाक्‍शो दुम्‍ब।

यसैया 16:12 ပူးပေါင်းရင်းမြစ်များ

१ राजा 11:7

मिनु सोलोमनम मोआब ङा ग्रांग्रा दिशो मूर्ति केमोश नु अम्‍मोनी आन ग्रांग्रा दिशो मूर्ति मोलेक आस कली यरूसलेम आ पूर्ब गे ङा डांडा काम पूजा पतीक थान सेला बाक्‍त। गन्‍ती २१:२९; २राजा २३:१३

१ राजा 18:29

मोपा नाक्‍त रे नाक्‍दो चढ़ेची ना सम्‍म ग्रीना ग्रीन बाक्‍मा बाक्‍त। तन्‍न मेकेर मारेइ मदुम्‍माक्‍त। मारेइ सेंदा यो मनेंसे बाक्‍त। मी यो मयिमाक्‍त।

२ राजा 19:12

मार, आं किकी पिपी आन क्‍याम्‍शो रागी रागी ङा देवी देवताम मेको आन कली प्रोंइने चाप्‍ने ङा? गोजान, हारान, रेचेफ नु तेलास्‍सार सहरम बाक्‍ब एदेन ङा मुर आन देवी देवता ते लाक्‍गमे?

२ राजा 3:27

मिनु मेकोमी आ पा ङा पिप दुम्‍ब आ ङोंइती जरमेशो तौ कली गारोम क्‍योरशा चोशा चढ़ेवा बाक्‍त। मिनु इस्राएली छक लाक्‍शा लेश्‍शा आन रागी लमा बाक्‍त।

हितोपदेस 1:28

मेना आं कली थोनीनु, गो इन कली लोव़ मलेत्‍नुङ। गेपुकीमी आं कली शुश माल्‍तीनी हना यो, मथित्‍नीनी। यसैया ५९:२; मीका ३:४

यसैया 15:2

दीबोन ङा मुर देवी देवता आन थान लाम्‍तेक्‍म। डांडा ङा थानमी ङाक्‍थ लाम्‍तेक्‍म। मोआबीपुकीमी नेबो नु मेदेबा सहर आस पर्बम रोंका पाइनीम। मेको नेल्‍लेम आन चां नु आन गाल शोक्रे प्रेक्‍शो बाक्‍नीम।

यसैया 16:13

एको परमप्रभु यावेमी मोआब आ पर्बम ङोंइती देंशो लोव़ बाक्‍ब।

यसैया 26:16

परमप्रभु यावे, मेको मुरपुकीमी श्‍येत जशा, इन कली माल्‍तेक्‍म। इन गेशो सजाइ तशा, आइक्‍च सेंदाम इन कली पुंइतेक्‍म। होसे ५:१५

यसैया 37:38

मिनु आ देवता निस्रोक आ खिंमी बाप्‍शा पूजा पना पन बाक्‍मेनु, आ तौ अद्राम्‍मेलेक नु शरेसेरमी मेको कली तरवारमी क्‍योरशा साइक्‍ताक्‍स। मिनु मेको निक्‍शी प्रोक्‍शा, आरारात रागी लाम्‍ताक्‍स। मिनु मेको आ पा ङा आ तौ एसर-हददोन पिप दुम्‍‍‍त।

यसैया 47:13

गे शुश अर्ती नेंशा दशो बाक्‍नेवे। मिनु कल्‍दीपुकीमी सरीङ कोव़शा, इ कली पाप रे प्रोन्‍मेक्‍ल। मिनु सोरुल कोव़बमी औंसीमी इ कली मार दुम्‍बा, मेको देंमल।

येरमीया 10:5

मेको आन मूर्ति वोबी‍स रूम वोइश्‍शो खेरच खोदेंशो बाक्‍नीम। मेको ब्‍वाक्‍ने मचाप्‍नीम। मेको आन कली कुरचा माल्‍नीम। मारदे हना मेकोपुकी गाक्‍ने मचाप्‍नीम। मेको तशा महिनीन। मारदे हना मेकोपुकीमी मारेइ मरिम्‍शो पने मचाप्‍नीम। मारेइ रिम्‍शो यो पने मचाप्‍नीम” देंत। भजन संग्रह ११५:७; यसैया ४६:७

येरमीया 48:13

दोपा इस्राएल आ मुर आंम थमा सुइश्‍शो बेथेल रे पा मुने तोक्‍चा पुंइसमा, मोपा मोआब यो केमोश रे पा मुने तोक्‍चा पुंइसीब।

येरमीया 48:35

गो मोआब कली खतम सेल्‍नुङ। डांडा ङा थानम चढ़ेब नु देवी देवता आन कली धूप चोइब आन कली खतम सेल्‍नुङमी” दे परमप्रभु यावेमी देंत।

येरमीया 48:46

आबी, आबी, मोआब, केमोश देवता आ मुर बेक्‍तेक्‍म। इ तौपुकी ग्‍याइश्‍शा लाइक्‍चा पुंइसाक्‍म। इ तमी ग्‍याइश्‍शा लाइक्‍चा पुंइसाक्‍म।

येरमीया 48:7

गेपुकीम इन गेय नु इन शोंपोम थमा सुइक्‍तीनी। गेपुकी यो ग्‍याइश्‍शा लाइक्‍चा पुंइसीनीनी। केमोश देवता आ चढ़ेब नु आ नोले खोइक्‍ब मुरपुकी नु ग्‍याइश्‍शा लाइक्‍चा पुंइसीब। गन्‍ती २१:२९; न्‍यायाधीस ११:२४; १राजा ११:७

गन्‍ती 21:28

हेश्‍बोन रे मी ग्रूत। सीहोन आ सहर रे ब्रशो मी ग्रूत। मिनु मेको मीम मोआब ङा आर सहर नु अरनोन ङा डांडा दाक्‍तु।

गन्‍ती 22:39

मिनु बालाम बालाक नु लत। मिनु मेको नेल्‍ल किरयथ-हुसोथमी जाक्‍तेक्‍म।

गन्‍ती 22:41

आ दीसा सुनी बालाकमी बालाम कली लाइश्‍शा, बामोथ-बालमी ङोइश्‍शा लत। मिनु मेकेर रे बालाममी इच्‍का मुर आन कली ताप्‍तु। यहोसु १३:१७

गन्‍ती 23:14

मिनु मेकोमी मेको कली चोफीम ङा रू पिस्‍गा डांडाम लाइक्‍तु। मिनु ७ ओटा चढ़ेतीक सेल्‍शा, मेको तारी ब्‍यफ का का नु सांड का का चढ़ेप्‍तु।

गन्‍ती 23:28

मिनु बालाकमी बालाम कली पेओर डांडाम लाइक्‍तु। मेकेर रे गोरशो रागी नेल्‍ल तांइसाक्‍व। गन्‍ती २२:४१; गन्‍ती २५:३

गन्‍ती 24:17

गो मेको कली ताइनुङ, तन्‍न मुल ममाइ। गो मेको कली कोव़नुङ। तन्‍न आ नेक्‍था रे ममाइ। याकूब रे पा सोरुल का दाप्‍ब। मिनु इस्राएली रे पा पिप का ग्रूब। मिनु मेकोमी मोआब रागी आ सांद रे पा खतम सेल्‍ब। मिनु शेथ आ थर ङा मुर आन कली खतम पोक्‍ब। मत्ती २:२; लूका १:७८; उत्‍पत्ती ४९:१०; २सामुएल ८:२