यसैया 16:10 - Sunuwar Bible

¹⁰ मिनु ग्रेल्‍शो रू रे ग्‍येरशो सेंदा मनेंसीब। इस अङगुर रूमी ग्‍येरशा कुम्‍सो मपाइनीम। सुइमी अङगुर मख्राक्‍नीम। आन ग्‍येरशा कुम्‍सो पतीके जाम्‍त। येरमीया ४८:३३

यसैया 16:10 ပူးပေါင်းရင်းမြစ်များ

अय्‍युब 24:11

मेकोपुकीम गारो आन दातेमी तेल ख्राक्‍नीम। अङगुर ख्राक्‍तेक्‍म हना यो तूतू, दाक्‍शो बाक्‍नीम। याकूब ५:४

यसैया 24:11

लां गाक्‍ब मुरपुकी अङगुर शांबु मबाक्‍तीके सुर्ता पाइनीम। ग्‍येरसीतीके नेल्‍ल नुप्‍ब। रागी ङा ग्‍येरसीतीके जाम्‍त।

यसैया 32:10

गे काइ महिंबपुकी बर्स का नोले श्‍येत जशा ख्रिंख्रि पाइनीनी। मारदे हना अङगुर सेक्‍चा मताइनीनी। फल फुल मसित्‍नीम।

येरमीया 48:33

मोआब ङा फल फुल रू रे ग्‍येरतीक नु थुं नाइ‍श्‍शा बाक्‍तीके जाम्‍ने थुम्‍तु। गो अङगुर ख्राक्‍तीक तेक्‍ता। सुइमी ग्‍येरशा ग्रीशा, मख्राक्‍‍नीम। मेको आन वाइ ब्रेश्‍शो ग्‍येरशा वाइ ब्रेश्‍शो ममाइ।

इजीकीएल 7:7

गे रागीम बाक्‍ब इन खतम दुम्‍तीके जाक्‍ब। नुप्‍तीक नाक्‍ती जाक्‍शा, इन नेक्‍था बाक्‍ब। डांडापुकीम कुम्‍सो पतीके ममाइ, ग्रांग्‍ये माग्‍ये दुम्‍शो बाक्‍ब।

योएल 1:12

अङगुर बोट सोल सुल बेक्‍तेक्‍म। फोव़शी रवा यो सोव़तेक्‍म। अनार, खजूर, स्‍याउ रवा नु रू ङा रवा नेल्‍ल सोव़तेक्‍म। थमा पा, मुर आन दातेमी मुर आन ग्‍येरतीक थुं यो मेको खोदेंशो पा नुप्‍शो बाक्‍ब।

आमोस 5:11

मारदे हना गे प्रुङग आन कली दिम्‍‍नीनी। मेको आन कली गेन कि गेन, दे शुश अन्‍न थाप्‍पाइक्‍नीनी। गे ख्रोइश्‍शो फुल्‍लु के खिं सेल्‍तीनी। तन्‍न मेकेर बाक्‍चा मताइनीनी। रिम्‍शो अङगुर रू सेल्‍तीनी। तन्‍न अङगुर शांबु तूचा मताइनीनी। सेफन्‍याह १:१३

आमोस 5:17

अङगुर रू नेल्‍लेमी रोंका पचा माल्‍नीम। मारदे हना गो इन दाते रे पा गाक्‍शा लाइनुङ” दे परमप्रभु यावेमी देंत।

आमोस 9:13

मिनु परमप्रभु यावेमी “मेको नाक्‍त थमा पा जाक्‍ब। बाली नाली खुप्‍बमी ब्‍यफ वाक्‍ब कली ग्रुम्‍ब। मिनु वांचेर ब्‍वारबमी अङगुर ख्रुम्‍ब कली ग्रुम्‍ब। डांडा रे पा नक अङगुर रस याप्‍ब। मिनु डांडा नेल्‍ल अन्‍न बाला सित्‍‍नीम। लेवी २६:५; योएल ४:१८

सेफन्‍याह 1:13

मेको आन शोंप नेल्‍ल रोइक्‍चा पुंइसीनीम। मेको आन खिं ब्रेत्‍नीम। मेकोपुकीमी खिं सेल्‍तेक्‍म हना यो, मेकेर बाक्‍चा मताइनीम। मेकोपुकीम अङगुर ख्रुम्‍तेक्‍म हना यो, अङगुर शांबु तूचा मताइनीम। ब्‍यवस्‍था २८:३०,३९; आमोस ५:११

न्‍यायाधीस 9:27

शेकेम ङा मुर आन अङगुर रूमी लशा, अङगुर सेक्‍शा कोलमी ख्राक्‍गमे बाक्‍त। मिनु आन देवता आ मन्‍दीरमी चाड मानेचा कली लमा बाक्‍त। मिनु मेकेर जशा तूशा अबीमेलेक आ पर्बम शुक्‍शी लोव़ पामे बाक्‍त।