यसैया 15:2 - Sunuwar Bible

² दीबोन ङा मुर देवी देवता आन थान लाम्‍तेक्‍म। डांडा ङा थानमी ङाक्‍थ लाम्‍तेक्‍म। मोआबीपुकीमी नेबो नु मेदेबा सहर आस पर्बम रोंका पाइनीम। मेको नेल्‍लेम आन चां नु आन गाल शोक्रे प्रेक्‍शो बाक्‍नीम।

यसैया 15:2 ပူးပေါင်းရင်းမြစ်များ

२ सामुएल 10:4

मोपतीके हानुनमी दाऊद आ सोइश्‍शो मुर आन कली ग्‍याइश्‍शा, आन गल शोक्रे उइक्‍थ उइक्‍थ ख्रोइश्‍शा नु आन फेक्‍शो वा क्रातो सम्‍म ख्रोइश्‍शा सोइक्‍तीमी बाक्‍त।

१ इतिहास 19:4

मिनु हानुनमी दाऊद आ सोइश्‍शो मुर आन कली ग्‍याइश्‍शा आन चां प्रेक्‍तमे बाक्‍त। आन वा इर रे आन देल्‍लो सम्‍म रिक्‍शा सोइक्‍तमे बाक्‍त।

अय्‍युब 1:20

मिनु अय्‍युब बोक्‍शा आ वा खाक्‍गा बाक्‍त। आ चां प्रेक्‍गा बाक्‍त। मिनु खुम्‍की पा बाप्‍शा,

यसैया 14:31

सहर ङा ठेयब लाप्‍चोपुकी, ङाक्‍कीन। सहर नु पलिस्‍ती नेल्‍ल हिंशा ख्रिंख्रि पने। मारदे हना उत्तर रे कुन कु‍शा, ठेयब हुल, नेल्‍ल काथा जाक्‍नीम।

यसैया 15:3

मेकोपुकी सहर ङा लांमी अरन्‍डी फेक्‍शा, खिं तारी नु बजारम ग्रुम्‍शा रोंका पा ङाक्‍ना ङाक्‍न बाक्‍नीम।

यसैया 16:12

मिनु मोआबी आन देवी देवता बाक्‍शो डांडा ङोइश्‍शा, शुश प्रार्थना पाम्‍तेक्‍म हना यो, मेको शोर गाक्‍शो दुम्‍ब।

यसैया 16:7

मोपतीके मोआबी रोंका पामेक्‍ल। मोआब आ पर्बम रोंका पामेक्‍ल। थाम्‍पा रोंका पने। किर-हारेसेथ ङा अङगुर शोब्‍ले आ पर्बम रोंका पने।

यसैया 22:12

मेको नाक्‍ती परमप्रभु, मुर नेल्‍ल आन परमप्रभु यावेमी ङाक्‍चा, रोंका पचा, चां ख्रोइक्‍चा नु अरन्‍डी फेक्‍पाइक्‍चा कली इन कली ब्रेत्‍ताक्‍व। आमोस ८:१०

यसैया 3:24

मिनु “नोले ब्रोव़शो रिना पाइश्‍शो, ग्रांग्रा दिशो रिना पाइश्‍शो दुम्‍ब। काम्‍बरी किप्‍तीकेमी, डोरी किप्‍चा माल्‍नीम। मेको आन रिम्‍शो सेल्‍शो चां, श्‍येत्‍थ पिया दुम्‍नीम। आन दारशो शुश क्‍येट लाइब फेक्‍तीकेमी, रां सुम्‍चा कली अरन्‍डी फेक्‍चा माल्‍नीम। मेको आन दारस नेल्‍ले लशा, मीम ग्रोइश्‍शो खोदेंशो दुम्‍शा मुने दोक्‍नीम।

येरमीया 3:21

गोरशो डांडाम वाइ ब्रेश्‍शो सेंदा का नेंसीब। मेको इस्राएल आ आल आन शुश ङाक्‍शो सेंदा बाक्‍ब। मारदे हना मेकोपुकी दूली लांम गाक्‍शो बाक्‍तेक्‍म। मेकोपुकीमी परमप्रभु यावे, आन परमप्रभु कली प्रेंशो बाक्‍तेक्‍म। येरमीया ३:२

येरमीया 47:2

परमप्रभु यावेमी मार लोव़ पाप्‍तु देंशा हना “कोव़ङीन उत्तर रे ब्‍वाक्‍कु बारशा यिशो बाक्‍ब। मेकोमी रागी नु मेकेर बाक्‍शो मारेइ मारेइ आन कली सुम्‍ब। सहरपुकी नु मेकेर बाक्‍शो नेल्‍ल आन कली ख्रुम्‍ब। मिनु मुर नेल्‍ल वाइ ब्रेत्‍नीम। मेको रागीम बाक्‍ब मुर नेल्‍ल ङाक्‍नीम।

येरमीया 47:5

गाजाम रोंका पचा कली आ चां प्रेक्‍शो बाक्‍ब। अश्‍कलोन खतम दुम्‍शा, सिक्‍सी पाइब। गे लीशो अनाकीमपुकी गेना सम्‍म इन रां चेंइसीनीनी?” देंशो बाक्‍ब।

येरमीया 48:1

मुर नेल्‍ल आन परमप्रभु यावे, इस्राएली आन परमप्रभुमी मोआब आ पर्बम मार लोव़ पाप्‍तु देंशा हना “नेबो सहर मुर मबाक्‍तीके दुम्‍ब। किरयथ-थाइम मुने दोक्‍ब। मेको ब्रुत। मेको आ बोल्‍यो दरवार नेल्‍ल मुने तोक्‍शा प्रेश्‍शा ताइक्‍चा पुंइसाक्‍म।

येरमीया 48:18

ए दीबोन ङा तमी, गे ठेयब नित्‍तीके रे तोइश्‍शा, सोव़शो रागीम निस्‍सो। मारदे हना मोआब कली खतम पोक्‍ब इ कली लडाइ तोचा कली जाक्‍त। मेकोमी इ गारो हिरशो सहर नेल्‍ल खतम पोक्‍तु।

येरमीया 48:31

मोपतीके गो मोआब आ पर्बम रोंका पाइनुङ। गो मोआब नेल्‍ल आन पर्बम ङाक्‍नुङ। गो कीर-हेरेस ङा मुर आन पर्बम हिशेक पाइनुङ।

येरमीया 48:35

गो मोआब कली खतम सेल्‍नुङ। डांडा ङा थानम चढ़ेब नु देवी देवता आन कली धूप चोइब आन कली खतम सेल्‍नुङमी” दे परमप्रभु यावेमी देंत।

येरमीया 49:3

परमप्रभु यावेमी “हेश्‍बोन रोंका पावो। मारदे हना ऐ सहर खतम पोक्‍शो बाक्‍ब। गे रब्‍बाह ङा तमी, वाइ ब्रेश्‍शा ङाक्‍कीन। भाङग्रा फेंसी‍शा रोंका पने। वाम ग्‍याम दुम्‍शा एर ओंथ दोरीन। मारदे हना मिल्‍कोम, आ चढ़ेबपुकी नु आ नोले खोइक्‍ब ग्‍याइश्‍शा लाइक्‍चा पुंइसाक्‍म।

येरमीया 7:29

गे इ चां प्रेक्‍शा ताइक्‍तो। मिनु गोरशो डांडा मेर रोंका पा गाक्‍को। मारदे हना परमप्रभु यावेमी आ कली गाइक्‍पाइक्‍ब आन पाला ङा मुर आन कली प्रोंइशा तिल्‍तु’ दे‍नो” देंत। मीका १:३६

इजीकीएल 27:31

गे इ पतीके मेकोपुकीम आन पिया ङा चां प्रेक्‍नीम। मिनु अरन्‍डी फेक्‍सीनीम। मिनु इ पर्बम आन थुं कशो दुम्‍शा ङाक्‍‍नीम। शुश रोंका पाइनीम।

इजीकीएल 30:2

परमप्रभु, परमप्रभु यावेमी मार लोव़ पाप्‍तु देंशा हना “ए मुर, आं लोव़ पावो। मेको नाक्‍त आ पर्बम रोंका पावो।

इजीकीएल 7:18

मेकोपुकीम अरन्‍डी फेक्‍चा माल्‍नीम। शुश हिंतीकेमी मेको आन कली सुम्‍ब। मेको नेल्‍ल आन कुल मुनेम सुम्‍सीचा माल्‍नीम। मेको नेल्‍ल आन पिया प्रेक्‍सीचा माल्‍नीम। येरमीया ४८:३७

लेवी 13:40

सुइ मुर आन पिया ङा चां दुल्‍शो बाक्‍त हना, मेको ग्रांग्रा मदिशो बाक्‍नीम।

लेवी 21:5

गे चढ़ेबपुकीमी रोंका पा, इन चां प्रेक्‍चा, इन गाल शोक्रे आ सुर ख्रोइक्‍चा नु इन रां क्‍योरशा गार सेल्‍चा मदुम्‍नीनी। लेवी १९:२७-२८

आमोस 8:10

गो इन चाड कली रोंका पतीक सेल्‍नुङ। इन कुम्‍सो नेल्‍ल आन कली ङाक्‍तीक सेल्‍नुङ। गो नेल्‍ल इन कली अरन्‍डी फेक्‍पाइश्‍शा चां प्रेक्‍पाइक्‍नुङ। गो आंम का ला बाक्‍शो तौ आ पर्बम रोंका पशो खोदेंशो दुम्‍पाइक्‍नुङ। मेको चाड नुप्‍पतीक नाक्‍त कशो नाक्‍त दुम्‍ब” देंशो बाक्‍ब। येरमीया ६:२६

गन्‍ती 21:28

हेश्‍बोन रे मी ग्रूत। सीहोन आ सहर रे ब्रशो मी ग्रूत। मिनु मेको मीम मोआब ङा आर सहर नु अरनोन ङा डांडा दाक्‍तु।

गन्‍ती 21:30

मोपा मेको आन थेरशो रू हेश्‍बोन रे दीबोन सम्‍म खतम दुम्‍त। मिनु मेदेबा मीम नेक्‍चा क्‍येङा ङोंइती गो मेको खतम पोक्‍तका” दे कुम्‍सो पाम्‍तेक्‍म।

गन्‍ती 32:3

“अतारोथ, दीबोन, याजेर, निम्रा, हेश्‍बोन, एलेआले, सेबाम, नेबो नु बेओन,

गन्‍ती 32:38

नेबो, बाल-मेओन नु सिब्‍मा लेंशा सेल्‍तेक्‍म। मिनु मेकोपुकीमी आन लेंशा सेल्‍शो सहर कली नक नें वोइक्‍तेक्‍म।

ब्‍यवस्‍था 14:1

मिनु मोसामी “गेपुकी परमप्रभु यावे, इन परमप्रभु आ तमी तौ ननी। बेक्‍शो मुर आ पर्बम इन कुशुल प्रेक्‍चा मदुम्‍ब। इन चां प्रेक्‍चा मदुम्‍ब। लेवी १९:२७-२८; येरमीया ४७:५; इजीकीएल ७:१८

ब्‍यवस्‍था 34:1

मिनु नोले मोसा मोआब रे यरीको आ नेक्‍था बाक्‍शो नेबो डांडा रे पिस्‍गा डांडा ङोंइसाक्‍व। मेको यरीको एर बाक्‍ब। परमप्रभु यावेमी मेको कली गिलाद रागी नेल्‍ल दान सम्‍म कोंइताक्‍व। ब्‍यवस्‍था ३:२७