यसैया 14:7 - Sunuwar Bible

⁷ मुल रागी ङा मुर नेल्‍ल सिक्‍सी पा नाइश्‍शा बाक्‍चा ताइनीम। मिनु ग्‍येरशा कुम्‍सो पाइनीम।

यसैया 14:7 ပူးပေါင်းရင်းမြစ်များ

भजन संग्रह 47:1

जात जात ङा मुर नेल्‍लेमी इन गुइ फ्रोक्‍तीन। गे ग्‍येरशा, परमप्रभु कली कुम्‍सो पने।

भजन संग्रह 98:1

परमप्रभु यावे कली नक कुम्‍सो का पय। मारदे हना मेकोमी छक लाक्‍चा ङा गेय पाप्‍तु। मेको आ ठेयब सक्तिमी ग्रात। भजन संग्रह ३३:३; यसैया ५९:१६; यसैया ६३:५

हितोपदेस 11:10

ठीक पाइब मुर आन कली रिम्‍शो दुम्‍त हना, सहर ङा मुर नेल्‍ल ग्‍येरसीनीम। परमप्रभु यावे आ अरेशो मटीब खतम दुम्‍मानु, मुर नेल्‍ल थाम्‍पा ग्‍येरसीनीम।

यसैया 21:2

गो हिंचा ङा लोव़ का नेंता। श्‍येत गेबपुकीम श्‍येत ला गेनीम। खतम पोक्‍‍बपुकीमी खतम ला पोक्‍नीमी। एलाम, गे कुवो। गे लशा, मादी रागी ङा मुर पुम्‍दीने। गो मेको आन हुक‍यी पचा तेक्‍नुङ” देंत।

यसैया 49:13

सरीङ, ग्‍येरसीशा कुम्‍सो पावो। रागी, ग्‍येरसो। डांडापुकी ग्‍येरशा, कुम्‍सो पने। मारदे हना परमप्रभु यावेमी आ मुर आन कली लेम्‍‍ताक्‍व। मेकोमी श्‍येत जाइब आन कली शिशी पाइब। यसैया ४४:२३

येरमीया 51:48

मिनु नोले सरीङ, रागी नु मेकेर बाक्‍ब नेल्‍लेमी बेबीलोन ब्रुशो आ पर्बम ग्‍येरशा वाइ ब्रेत्‍नीम। मारदे हना मेको आन कली क्‍येक्‍क लेप्‍ब उत्तर रे जाक्‍नीम” दे परमप्रभु यावेम देंत। प्रकाश १८:२०

इजीकीएल 35:14

रागी नेल्‍ल ग्‍येरसीशा बाक्‍मानु, गो इ कली चहिं मुर मबाक्‍तीक रागी सेल्‍नुङ।

जकरिया 1:11

मिनु नोले शारा ङोइक्‍बपुकीमी मूरे रवा आन दा‍तेमी बाक्‍ब परमप्रभु यावे आ स्‍वर्ग ङा गेय पाइब कली ‘गो रागी नेल्‍ल हिरशा कोव़तक। मिनु रागी नेल्‍ल ङा मुर सिक्‍सी पा नाइश्‍शा बाक्‍शो बाक्‍तेक्‍म’ देंतेक्‍म।

प्रकाश 18:20

मिनु स्‍वर्गमी बाक्‍ब नेल्‍ले ग्‍येरसीने। परमप्रभु यावे आ योव़शोपुकी, ख्रीस्‍त आ सोइश्‍शोपुकी नु परमप्रभु यावे आ लोव़ पाइबपुकी ग्‍येरसीने। मारदे हना, परमप्रभु यावेमी इन कली गेशो श्‍येत आ पर्बम मेको कली सजाइ गेप्‍तु” देंशो नेंता। येरमीया ५१:४८