यसैया 14:6 - Sunuwar Bible

⁶ ङोंइती मेकोमी गाइश्‍शा, मुर आन कली तुप्‍ना तुप्‍न बाक्‍त। मेको पिपपुकीमी रागी रागी कली आन गाइक्‍तीकेमी मनाइक्‍थु खेदा पा श्‍येत गेम्‍तेक्‍म।

यसैया 14:6 ပူးပေါင်းရင်းမြစ်များ

२ इतिहास 36:17

मिनु परमप्रभुम मेको आन कली लडाइ तोपाइक्‍चा कली कल्‍दी आन पिप कली चाक्‍गा बाक्‍त। मिनु मेकोपुकीमी मेको आन आल आन कली परमप्रभु यावे आ बाक्‍तीक खिंम तरवारम क्‍योरशा सदमे बाक्‍त। मेकोपुकीमी वोंइश आल नु मीश आल आन कली, खाल्‍पा नु खूशो आन कली काइ शिशी मपामे बाक्‍त। परमप्रभुम मेको नेल्‍ल आन कली पिप नेबुकदनेसर आ गुइमी गेमी बाक्‍त।

अय्‍युब 9:13

परमप्रभुम आ गाइक्‍चा मलेप्‍ब। राहाब माइश्‍शो समुन्‍द्र ङा ठेयब जन्‍तु कली वारच पाइबपुकी मेको आ खोइलीम बाप्‍नीम। अय्‍युब २६:१२; भजन संग्रह ८९:११

हितोपदेस 21:30

मुर आन तुइक्‍तीक, रुप्‍तीके अर्ती गेतीके परमप्रभु यावे आ ङोंइती थम आइक्‍च बाक्‍ब। भजन संग्रह ३३:१०-११

हितोपदेस 28:15

परमप्रभु यावे आ अरेशो मटीबमी प्रुङग आन कली सासन पाप्‍तु हना, मेको ग्रीब गुप्‍स नु प्रेक्‍शा ग्राम्‍ब वां खोदेंशो बाक्‍ब।

यसैया 10:14

मिनु गो प्रोंइशो चिक्‍ब आन ग्‍योव़ खोदेंशो पा बाक्‍तीक नु मुर आन शोंप थित्‍ता। गो चिक्‍बीम प्रोंइशो ब्‍वोफु खुप्‍शो खोदेंशो पा, रागी रागी कली खुप्‍ताक्‍ङ। मिनु फ्रां हिक्‍शा, तेक्‍ब सुइ मबाक्‍म। मिनु सुइम मारेइ मदेंम” देंत।

यसैया 14:5

परमप्रभु यावेमी आ अरेशो लोव़ मटीब आन कोक्‍के जिक्‍तु। मिनु श्‍येत गेब पिप आ सासन पतीक कोक्‍के रोइक्‍ताक्‍व।

यसैया 33:1

आबी, गे खतम पोक्‍ब, मुल सम्‍म गे खतम पोक्‍चा मपुंइसीशो बाक्‍नेवे। गे रोइक्‍ब बाक्‍नेवे। तन्‍न सुइमी मारेइ मरोइक्‍थु, गे खतम पोक्‍चा पुंइसीनेवे। मिनु इ रोइक्‍चा नुप्‍‍त हना, इ मारेइ मारेइ रोइक्‍चा पुंइसीनेवे। मत्ती ७:२

येरमीया 25:26

मिनु उत्तर गे आ नेक्‍था नु ङोन बाक्‍ब पिप नेल्‍ल आन कली का का पा तूपाइक्‍तामी। मिनु नोले अर्को रागीम बाक्‍शो राज्‍य नेल्‍ल ङा मुर आन कली तूपाइक्‍तामी। मिनु मेको नेल्‍ल आन नोले शेशाक ङा पिपमी यो मेको तूचा माल्‍ब। शेशाक बेबीलोन आ अर्को नें बाक्‍ब। येरमीया ५१:४१

येरमीया 25:9

गो उत्तर ङा जात नेल्‍ल नु आं गेय पाइब बेबीलोन ङा पिप नेबुकदरेसर कली ब्रेश्‍शा चाक्‍नुङमी। गो मेको आन कली एको रागी ङा मुर नु एर ओंथ ङा जात नेल्‍ल आन पर्बम चाक्‍नुङमी। मिनु गो मेको नेल्‍ल आन कली साइक्‍पाइक्‍नुङमी। गो मेको आन कली शुश हिंचा ङा, शुक्‍शी पाइक्‍चा पुंइसीब नु शिशी मताइब सेल्‍नुङमी। दानीएल ३:३१-३३

येरमीया 48:17

मेको आ एर ओंथ बाक्‍ब नेल्‍ल नु मेको आ पशो तुइक्‍ब नेल्‍ल मेको आ पर्बम रोंका पने। मिनु ‘दोपा सक्ति पाइश्‍शो राज्‍य क्‍याम्‍चा पुंइसे। पिप आ कोक्‍के दोपा जिक्‍मे’ देनीन।

येरमीया 50:31

परमप्रभु, मुर नेल्‍ल आन परमप्रभु यावेमी “गो इ कली ठेयब लेश्‍शो दुम्‍तीके काइ मदाक्‍नुङ। इ नाक्‍ती जाक्‍त। इ कली सजाइ गेतीक नाक्‍ती जाक्‍त।

बिलाप 1:21

मुरपुकीमी आं हुकयी पशो नेंतेक्‍म। आं कली थुं बारपाइक्‍ब सुइ मबाक्‍नीम। आं जोरी सत्रु नेल्‍लेमी आं श्‍येत जशो आ पर्बम नेंतेक्‍म। आं कली मोदेंशो दुम्‍शो तशा ग्‍येरसाक्‍म। गे इन देंशो नाक्‍त जाक्‍ल। मेकोपुकी यो आं खोदेंशो पा श्‍येत जामेक्‍ल। येरमीया ४:२१

दानीएल 4:35

रागी ङा मुरपुकी नेल्‍ल मेको आ ङोंइती मारेइ मबाक्‍नीम। मेकोमी स्‍वर्ग ङा गेय पाइब नु रागी ङा मुर आन कली मार पचा दाक्‍बा, मेकोन पने चाप्‍ब। सुइमी मेको कली तेक्‍ने मचाप्‍नीम। मिनु सुइमी ‘गे मार पनी?’ देंने मचाप्‍नीम। यसैया ४०:१७; अय्‍युब ९:१२

हबकुक 1:17

मार, मेकोपुकीमी आन ग्‍याइलीम रेन्‍ना रेन्‍न, रागी रागी ङा मुर आन कली शिशी मपथु, खतम सेल्‍ना सेल्‍न बाक्‍चा गेनीनी?” दे हबकुकमी परमप्रभु कली देंत।

हबकुक 2:5

मिनु शुश शोंप कली थमा सुइक्‍चा दूली बाक्‍ब। ठेयब लेश्‍शो मुर मलीब। मेको आ शोव़ तुरस खोदेंशो पा पाक्‍शा बाक्‍ब। बेक्‍पाइक्‍ब खोदेंशो पा गेनायो मरूब। रागी रागी ङा मुर नेल्‍ल आन कली खुप्‍शा आंम के सेल्‍ब” देंत।

याकूब 2:13

शिशी मपाइबपुकीमी निसाफ पची नाक्‍त शिशी मताइनीम। निसाफ क्‍येङा शिशी ठेयब बाक्‍ब। मत्ती ५:७; मत्ती १८:३०,३४; मत्ती २५:४०,४६