यसैया 14:5 - Sunuwar Bible

⁵ परमप्रभु यावेमी आ अरेशो लोव़ मटीब आन कोक्‍के जिक्‍तु। मिनु श्‍येत गेब पिप आ सासन पतीक कोक्‍के रोइक्‍ताक्‍व।

यसैया 14:5 ပူးပေါင်းရင်းမြစ်များ

भजन संग्रह 125:3

परमप्रभु आ अरेशो मटीब आन हुकुम पतीके ठीक पाइब आन रागीम मदुम्‍ब। मिनु ला ठीक पाइबपुकीमी दूली मपाइनीम।

हितोपदेस 28:15

परमप्रभु यावे आ अरेशो मटीबमी प्रुङग आन कली सासन पाप्‍तु हना, मेको ग्रीब गुप्‍स नु प्रेक्‍शा ग्राम्‍ब वां खोदेंशो बाक्‍ब।

यसैया 10:5

आबी, अस्‍सुर रागी, गे आं गाइक्‍तीक ङा कोर्रा, आं गाइक्‍तीके कोक्‍के कुरब दुम्‍ते। यसैया १०:१५

यसैया 13:11

परमप्रभुमी “गो रागी कली आ मरिम्‍शो पशो आ पर्बम सजाइ गेनुङ। आं अरेशो लोव़ मटिथु, मरिम्‍शो पाइब आन कली सजाइ गेनुङमी। मिनु ठेयब लेश्‍शो आन ठेयब लेत्‍तीके साम्‍पाइक्‍नुङमी। ठेयब श्‍येत गेशा हुकुम पाइब आन कली ब्रेम्‍पाइक्‍नुङमी।

यसैया 14:29

“ए पलिस्‍तीपुकी, इन कली तुप्‍ब कोक्‍के जिक्‍त, दे मग्‍येरसीन। मारदे हना बुस्‍स आ चच युइ रे बीस पाइश्‍शो बुस्‍स का ग्रूब। मेको रे बीस पाइश्‍शो बेरब बुस्‍स का ग्रूब।

यसैया 14:4

गेपुकीमी बेबीलोन ङा पिप आ पर्बम “मुर आन कली दिप्‍ब, दोपा थुम्‍‍से? आ श्‍येत गेशा हुकुम पतीके, दोपा बेक्‍‍मे?” दे शुक्‍शी लोव़ पाइनीनी।

यसैया 14:6

ङोंइती मेकोमी गाइश्‍शा, मुर आन कली तुप्‍ना तुप्‍न बाक्‍त। मेको पिपपुकीमी रागी रागी कली आन गाइक्‍तीकेमी मनाइक्‍थु खेदा पा श्‍येत गेम्‍तेक्‍म।

यसैया 9:3

परमप्रभु, गे रागी रागी ङा मुर आन कली सोशा बोशा दुम्‍पाइक्‍तीनी। मेको आन कली थाम्‍पान ग्‍येरपाइक्‍तीनी। मेको आन कली इन ङोंइती बाली नाली ओंइची ना खोदेंशो पा ग्‍येरपाइक्‍तीनी। लडाइ ग्राशा, आन रोइश्‍शो मार मार योक्‍सीची ना खोदेंशो पा ग्‍येरपाइक्‍तीनी।

यसैया 9:4

मेको आन हेल्‍शो जुवा, मेको आन बला ङा भार नु मेको आन कली दिप्‍ब मुर आन कोक्‍के जिक्‍ताक्‍नी। गे मिदयान रागी ङा लडाइम खोदेंशो पा मेको आन कली युक्‍ब आन युक्‍तीके जिक्‍तीनी। भजन संग्रह ८१:७; न्‍यायाधीस ७:१४; न्‍यायाधीस १५:२२

बिलाप 1:21

मुरपुकीमी आं हुकयी पशो नेंतेक्‍म। आं कली थुं बारपाइक्‍ब सुइ मबाक्‍नीम। आं जोरी सत्रु नेल्‍लेमी आं श्‍येत जशो आ पर्बम नेंतेक्‍म। आं कली मोदेंशो दुम्‍शो तशा ग्‍येरसाक्‍म। गे इन देंशो नाक्‍त जाक्‍ल। मेकोपुकी यो आं खोदेंशो पा श्‍येत जामेक्‍ल। येरमीया ४:२१

हबकुक 1:17

मार, मेकोपुकीमी आन ग्‍याइलीम रेन्‍ना रेन्‍न, रागी रागी ङा मुर आन कली शिशी मपथु, खतम सेल्‍ना सेल्‍न बाक्‍चा गेनीनी?” दे हबकुकमी परमप्रभु कली देंत।