यसैया 14:23 - Sunuwar Bible

²³ गो मेको आन सहर काश्‍श आन बाक्‍तीके नु ब्‍वाक्‍कु देम्‍तीके सेल्‍नुङ। गो मेको आन कली खतम सेल्‍ब ब्राक्‍सुम फिक्‍नुङ” दे मुर नेल्‍ल आन परमप्रभु यावेम देंत।

यसैया 14:23 ပူးပေါင်းရင်းမြစ်များ

१ राजा 14:10

मोपतीके गो येरोबाम आ खिंम श्‍येत चाक्‍शा, मरिम्‍शो पाइनुङ। गो इस्राएलम बाक्‍शो येरोबाम आ खिं ङा वोंइश मुर, वाइल बाक्‍तेक्‍म हना यो, अरु मुर बाक्‍तेक्‍म हना यो, नेल्‍ल आन कली साइक्‍नुङमी। गो मेको आन कली मनुम्‍मा सम्‍म येरोबाम आ खिं कली गोबर चोशो खोदेंशो पा चोइनुङ। १राजा १५:२९; १राजा २१:२१

२ राजा 21:13

गो सामरीया कली पुक्‍तीकेमी यरूसलेम कली पुक्‍नुङ। गो आहाब आ खिं कली थाप्‍शो डोरीम यरूसलेम कली थाप्‍नुङ। मुरपुकीम दोपा थाल शेक्‍शा गुक्‍शा वोइक्‍नीमी, मोपा गो यरूसलेम कली शेक्‍शा गुक्‍शा वोइक्‍नुङ।

यसैया 13:20

मिनु मेको सहरम गेनायो लेंशा मुर मबाक्‍नीम। पाला पाला सम्‍म मुर मबाक्‍नीम। मेकेर अराबीपुकीम आन ताम्‍बु मकीनीम। गोठलापुकीमी आन बस्‍तु भाव मनाइक्‍पाइक्‍नीम।

यसैया 13:6

ठेयब सेंदा पा ङाक्‍कीन। मारदे हना परमप्रभु यावे आ नाक्‍त जाक्‍चशो बाक्‍ब। नेल्‍ल क्‍येङा ठेयब सक्ति पाइश्‍शो परमप्रभु मेको नाक्‍ती खतम पोक्‍थ जाक्‍ब।

यसैया 21:1

मिनु परमप्रभु यावेम समुन्‍द्र आ नेक्‍था ङा गोरशो रागी आ पर्बम यसैया कली “नेगेब रे फश पिना पिन बाक्‍ब। मेको गोरशो रागी रे पीब। मेको हिंचा ङा रागी बाक्‍ब।

येरमीया 50:26

मेको आ एर ओंथ नेल्‍ल रे लडाइ पथ जाक्‍कीन। मेको आ अन्‍न वोइक्‍तीक खिं रोक्‍कीन। मेको कली अन्‍न खोदेंशो पा तेलीन। मेको कली मारेइ मली‍शो खतम सेलीन। मेको के मारेइ मलील।

येरमीया 50:3

उत्तर रे रागी का ङा मुरपुकीम मेको कली लडाइ तोइनीम। मिनु मेको आ रागी श्‍येत्‍थ सेल्‍नीम। मेकेर सुइ मबाक्‍नीम। मुर नु जन्‍तु नेल्‍ल प्रोक्‍नीम।

येरमीया 51:62

‘परमप्रभु यावे, गे एको रागी कली खतम पोक्‍नुङ’ देंतीनी। ‘एकेर मुर नु बी ब्‍यफ, क्‍यारश भेडा, मारेइ बास मबाक्‍चा ङा पा श्‍येत्‍थ रागी सेल्‍नुङ। एको गेना हना यो मुर मबाक्‍तीके दुम्‍ब’ देंतीनी” देनो।

सेफन्‍याह 2:14

मेकेर बी ब्‍यफ नु ब्‍वाकी ङा जन्‍तु नेल्‍ल इप्‍नीम। गोरशो रागी ङा बुक्‍स नु ग्रीब बुक्‍सपुकीम मेको आन थाम तारी ग्‍योव़ सेल्‍नीम। बुक्‍स झेल रे पा ग्रीनीम। खदपुकी लाप्‍चोम ग्रीनीम। मिनु दारपाइक्‍चा कली क्‍येप्‍शो शी नेल्‍ल लां रे तांइसीब। यसैया १३:२१; यसैया ३४:११

प्रकाश 14:8

मिनु परमप्रभु यावे आ स्‍वर्ग ङा गेय पाइब अर्को कामी मेको ङोंइती ङा आ नोले खोइश्‍शा, मेकोमी “बेबीलोन माइश्‍शो ठेयब सहर खतम दुम्‍त। मारदे हना मेकोमी ङोंइती नेल्‍ल रागी ङा मुर आन कली पाप पपाइक्‍तु। रागी ङा मुरपुकी बेबीलोन आ पर्बम परमप्रभु यावे आ गाइश्‍शो ताम्‍तेक्‍म” देंत। प्रकाश १८:-; यसैया २१:९; येरमीया २५:१५-१६; येरमीया ५१:७

प्रकाश 18:2

मिनु मेकोमी ठेयब सेंदामी “मेको ठेयब बेबीलोन सहर ब्रेश्‍शा नुप्‍त। मेको ब्रेश्‍शो सहर वोल आन बाक्‍तीके जेल्‍खान दुम्‍त। मेको ग्रांग्रा दिचा ङा चिक्‍ब आन जेल्‍खान दुम्‍त। प्रकाश १४:८; येरमीया १५:३९