यसैया 14:2 - Sunuwar Bible

² मेना रागी रागी ङा मुरपुकीमी इस्राएली आन कली आन रागी चोव़दीनीम। इस्राएलीपुकीमी मेको रागी ङा मुर आन कली परमप्रभु यावे आ रागीमी बाक्‍शा, आन वाइलीम वाइल सेल्‍नीम। ङोंइती आन कली ग्‍याइश्‍शा चोक्‍ब आन कली ग्‍याइश्‍शा चोक्‍नीम। मिनु आन कली दिप्‍ब आन कली हुकुम पाइनीम। यसैया ४९:२२; लेवी २५:२३

यसैया 14:2 ပူးပေါင်းရင်းမြစ်များ

एज्रा 2:65

मिनु मेको आन वाइलीम वाइल ७,३३७ मुर बाक्‍तेक्‍म। मेको आन दातेमी २०० कुम्‍सो पाइब मीश मुर नु वोंइश मुर यो बाक्‍तेक्‍म।

भजन संग्रह 68:18

गे इर ङोइश्‍शा लाइतीनी। ग्‍याइश्‍शो मुर आन कली लाइक्‍तीनी। मुर आन दातेमी गे मारेइ मारेइ ताइतीनी। ङोंइती मटीब आन दातेमी यो ताइतीनी। परमप्रभु यावे मेकेर बाक्‍ब। एफिसी ४:८-१०

यसैया 18:7

मेना लाइश्‍शो नु दारशो मुरपुकीमी मुर नेल्‍ल आन परमप्रभु यावे कली मार मार चाक्‍नीम। मिनु मेको आन कली तशा ङोन नु नेक्‍था ङा मुरपुकी हिंनीम। मेकोपुकी सक्ति पाइश्‍शो नु ग्राब रागी ङा मुर बाक्‍नीम। मेको आन रागी खोलाम चेश्‍शो बाक्‍ब। मेको आन मार मार मुर नेल्‍ल आन परमप्रभु यावे आ बाक्‍तीके सियोन डांडाम चाक्‍नीम। भजन संग्रह ६८:३०-३२; प्रेरित ८:२७

यसैया 31:8

मेना अस्‍सुर तरवारम साइक्‍चा पुंइसीब। तन्‍न मेको तरवार बेक्‍शा लाइब मुर के ममाइ। मेकोमी नेल्‍ल आन कली खतम सेल्‍ब। मेको तरवार तशा मुर नेल्‍ल प्रोक्‍नीम। मिनु आन ठिटापुकी वाइल दुम्‍नीम। यसैया ३७:३६

यसैया 45:14

मिनु परमप्रभु यावेमी “इजीप्‍त ङा शोंप, एथीयोपीया ङा मारेइ मारेइ नु साबा रागी ङा लाइश्‍शो मुरपुकी इ के दुम्‍नीम। मेको इ नोले खोइक्‍नीम। मेकोपुकी फ्रेंशो दुम्‍शा, इ गे जाक्‍शा, इ ङोंइती बाप्‍शा ‘थमा पा परमप्रभु गे नु बाक्‍ब। मेको ङा लाक्‍शा अरु सुइ परमप्रभु मबाक्‍ब’ दे पुंइनीम” देंत।

यसैया 49:22

मिनु परमप्रभु, परमप्रभु यावेमी “गो आं गुइ रागी रागी गे दिं‍नुङ। गो जात जात ङा मुर आन ङोंइती आं छेदर ख्रुक्‍शा कोंइनुङ। मिनु मेकोपुकीमी इ तौ आन कली कुचुम मुप्‍शा नु इ तमी आन कली चीम कुरशा चाक्‍नीम। यसैया ६०:४

यसैया 49:23

मिनु पिपपुकी इ कली कोव़ब आफ नु पिपीमपुकी इ कली दूध तुंइब ममा दुम्‍नीम। मेकोपुकी इ ङोंइती बाप्‍शा, इ फुरक लुम्‍सीशो खोइली तुक्‍नीम। मिनु गो परमप्रभु यावे नङ, दे तुइक्‍नेवे। आं लां रिम्‍शा बाक्‍बपुकी मुने मदोक्‍नीम” देंत। भजन संग्रह ७२:९; यसैया ६०:१६

यसैया 49:25

तन्‍न परमप्रभु यावेमी “बोल्‍यो मुर आन ग्‍याइश्‍शो मुरपुकी यो लाइक्‍‍चा पुंइसीनीम। हिंचा ङा पिपम चोक्‍शोपुकी प्रोंइचा पुंइसीनी। गे नु लडाइ पाइबपुकी नु गो लडाइ पाइनुङ। इ आल आन कली गो कोव़शा प्रोंइनुङ। मत्ती १२:२९

यसैया 54:3

मारदे हना गे शुश दुम्‍शा, ग्‍युरा पेरा गे ब्राइनीनी। मिनु इ चच युइमी रागी रागी ङा मुर आन कली हुकुम पाइनीम। मिनु मुर मबाक्‍तीके मुर शुश दुम्‍शा ब्रीनीम।

यसैया 60:14

इ कली दिप्‍ब आन चच युइ इ बाक्‍तीकेम जाक्‍‍शा बाप्‍‍नीम। इ कली ग्रांग्रा दीब नेल्‍ल इ खोइलीम बाप्‍नीम। मिनु मेकोपुकीमी इ कली ‘परमप्रभु यावे आ सहर नु इस्राएली आन का ला बाक्‍शो परमप्रभु आ सियोन’ देंनीम। यसैया १४:२

यसैया 60:4

इ मिक्‍च हिरशा, कोव़ङो। इ मुर नेल्‍ल ग्रुम्‍शा, इ बाक्‍तीके जाक्‍नीम। इ तौपुकी ङोन रागी रे जाक्‍नीम। इ तमी आन कली मुप्‍शा कुरशा चाक्‍नीम। यसैया ४९:१८; यसैया ४९:२२; यसैया ६६:१२

यसैया 61:5

मिनु अर्को रागी ङा मुर जाक्‍शा, इन क्‍यारश भेडा योव़नीम। मेकोपुकीमी इन रू दोइनीम। इन अङगुर बोट मुंइ‍नीम। यसैया ६०:१०

यसैया 66:12

मारदे हना परमप्रभु यावेमी “गो ठेयब खोला खोदेंशो पा मार मार गेनुङ। मिनु बारशो खोला खोदेंशो पा रागी रागी ङा मुर आन शोंप गेनुङ। मिनु गे जाइनीनी। गेपुकी मुप्‍शा, कुरचा पुंइसीनीनी। थुकुम ग्‍यारपाइक्‍चा पुंइसीनीनी। यसैया ६०:४

येरमीया 30:16

मोपतीके गे इ कली दाक्‍ब नेल्‍ल दाक्‍चा पुंइसीनीम। इ जोरी सत्रु नेल्‍ल ग्‍याइश्‍शा लाइक्‍चा पुंइसीनीम। इ कली रोइक्‍बपुकी रोइक्‍चा पुंइसीनीम। इ कली खतम पोक्‍ब आन कली गो खतम पोक्‍नुङमी। यसैया ३३:१; इजीकीएल ३९:१०

येरमीया 49:2

मोपतीके परमप्रभु यावेमी “गो अम्‍मोनी आन रब्‍बाह कली लडाइ ङा तुराही ताप्‍शो नेंपाइक्‍नुङ। मेको श्‍येत्‍थ डांडा खोदेंशो दुम्‍ब। मिनु मेको आ एर ओंथ ङा गाउं मीम क्रोइक्‍चा पुंइसीनीम। मेना इस्राएलमी आ कली रोइक्‍ब आन कली रोइक्‍ब” दे परमप्रभु यावेमी देंत।

इजीकीएल 39:10

मेकोपुकीम रू रे शी खुप्‍चा ममाल्‍नीम। ब्‍वाकी ङा रवा तिम्‍चा ममाल्‍नीम। मारदे हना मेकोपुकीम मेको यामीन आन मी मुइक्‍नीम। मेकोपुकीम आन मार मार ग्रुंइशा लाइक्‍ब आन के मार मार ग्रुंइशा चाक्‍नीम। आन कली रोइक्‍ब आन कली रोइक्‍नीम” दे परमप्रभु, परमप्रभु यावेमी देंत। येरमीया ३०:१६

दानीएल 7:18

तन्‍न मेको नेल्‍ल क्‍येङा ठेयब आ मुरपुकीम मेको राज्‍य ताक्‍शा, गेनायो मनुप्‍चा ङा पा, गेना हना यो सासन पाइनीम” देंत।

योएल 3:8

मुल गो इन तमी तौ आन कली यहूदा ङा मुर आन कली लेयनुङमी। मिनु मेकोपुकीमी मेको आन कली ङोन साबा रागी ङा मुर आन कली लेयनीम” दे परमप्रभु यावेमी देंशो बाक्‍ब।

लेवी 25:44

मिनु गेपुकीमी इन वाइलीम वाइल चहिं एर ओंथ ङा अर्को रागी ङा मुर रे ग्‍याप्‍चा माल्‍नीनी।

ओबदिया 1:17

तन्‍न सियोन डांडाम चहिं प्रोक्‍शो मुरपुकी जाक्‍नीम। मेको परमप्रभु यावे आ डांडा बाक्‍ब। मिनु याकूब आ खिंमी ङोंइती आंम कली अधिकार पाइब आन कली अधिकार पाइनीम। योएल ३:५; योएल ४:१७

जकरिया 2:13

रागी ङा मुर नेल्‍ल परमप्रभु यावे आ ङोंइती सिक्‍सी पा बाक्‍कीन। मारदे हना मेको आ बाक्‍तीक रे पा ग्रू‍शा जाक्‍‍शो बाक्‍ब। हबकुक २:२०

जकरिया 2:9

मुल नेनीन, गो आं गुइ मेको आन पर्बम क्‍युक्‍‍नुङ। मिनु मेको आन वाइलमी मेको आन कली रोइक्‍नी‍म। मिनु गेपुकीमी मुर नेल्‍ल आन परमप्रभु यावेमी आं कली सोइश्‍‍शो बाक्‍ब, दे तुइक्‍नी‍नी। ब्‍यवस्‍था ३२:१०

लूका 12:45

तन्‍न मेको गेय पाइबमी ‘आं होव़प इच्‍का नोले जाक्‍ब’ दे मिम्‍शा, मेकोमी गेय पाइब वोंइश मुर, मीश मुर आन कली तुप्‍शा श्‍येत गेशा, जशा तूशा, दुक्‍शा पाप्‍तु हना,

रोमी 15:27

मारदे हना ङोंइती यरूसलेमम बाक्‍ब थमा सुइक्‍बपुकीमी मेको आन कली येसु ख्रीस्‍त आ लोव़ शेंशो बाक्‍तेक्‍म। मोपतीके मुल मेको आन कली श्‍येत दुम्‍तीके, क्‍येट पोक्‍शा, चोव़थ सोइक्‍ताक्‍यीमी। १कोरिन्‍थी ९:११; गलाती ६:६

२ कोरिन्‍थी 10:5

परमप्रभु यावे कली थमा सुइक्‍ब आन कली तेक्‍बमी पशो लोव़, ठेयब लेश्‍शा थमा मसुइक्‍तीक लोव़ खतम सेल्‍तक। मिनु ख्रीस्‍त आ लोव़ टीब दुम्‍पाइक्‍चा कली मटीब मिम्‍तीक नेल्‍ल ग्‍याइश्‍शा लाइक्‍ब खोदेंशो बाक्‍नीकी।

गलाती 5:13

आं लोक्‍बपुकी, प्रभुमी रिती थिती पचा प्रोंइपाइक्‍तीकी, दे गेनायो मप्रेंदीने। मोपा ब्रोंइशा यो इन दला दाक्‍स मपने। तन्‍न दाक्‍मुशा, वारच पमुशा बाक्‍कीने। १पत्रुस २:१६; २पत्रुस २:१९

एफिसी 4:8

मिनु मार ब्रेक्‍शो बाक्‍त देंशा हना “मेको इर परमप्रभु यावे आ बाक्‍तीक लमेनु, चोक्‍सीशो शुश आन कली लाइक्‍तु। मिनु मुर आन कली गेय पतीक सक्ति गेप्‍तु” दे ब्रेक्‍शो बाक्‍ब। भजन संग्रह ६८:१९; कलस्‍सी २:१५

प्रकाश 3:9

मिनु इन ग्रुम्‍तीकेमी का निक्‍शीमी ‘यहूदी नकी’ दे जोल पाइनीम। मेकोपुकी चहिं सैतान आ शेंशो मुर बाक्‍नीम। नेनीन, गो मेको आन कली इन खोइलीमी बाप्‍शा सेउ पपाइक्‍नुङ। गोमी इन कली दाक्‍नुङ, दे मेको आन कली तुइक्‍पाइक्‍नुङ। प्रकाश २:९; यसैया ४९:२३; यसैया ६०:१४