यसैया 13:9 - Sunuwar Bible

⁹ नेनीन, परमप्रभु यावे आ नाक्‍ती हिंचा ङा श्‍येतम जाक्‍ब। आ गाइश्‍शो चुरशोमी रागी नेल्‍ल मुर मबाक्‍तीके सेल्‍ब। मिनु पाप पाइब आन कली क्‍याम्‍ब।

यसैया 13:9 ပူးပေါင်းရင်းမြစ်များ

भजन संग्रह 104:35

पाप पाइबपुकी रागी रे क्‍याम्‍चा पुंइसीमल। मिनु आ अरेशो मपाइबपुकी मलीमल। आं थुं परमप्रभु यावे कली ठेयब सेलो। परमप्रभु यावे कली ठेयब सेलो।

हितोपदेस 2:22

तन्‍न परमप्रभु यावे आ अरेशो मटीबपुकी आन शाक्‍श रेन रागी रे तुल्‍चा पुंइसीनीम। थमा मसुइक्‍बपुकी सुवा खोदेंशो पा ताइक्‍चा पुंइसीनीम। भजन संग्रह ३७:१०

यसैया 13:6

ठेयब सेंदा पा ङाक्‍कीन। मारदे हना परमप्रभु यावे आ नाक्‍त जाक्‍चशो बाक्‍ब। नेल्‍ल क्‍येङा ठेयब सक्ति पाइश्‍शो परमप्रभु मेको नाक्‍ती खतम पोक्‍थ जाक्‍ब।

यसैया 2:12

मिनु मुर नेल्‍ल आन परमप्रभु यावेमी काबु नाक्‍ती ठेयब लेश्‍‍शो, बोरशो मुर नु “गो ठेयब नङ” देंब आन कली आइक्‍च सेल्‍ब। येरमीया ४६:१०; इजीकीएल ३०:३; योएल १:१५; आमोस ५:१८; सेफन्‍याह १:१४

यसैया 34:8

काबु परमप्रभु यावे आ क्‍येक्‍क लेत्‍तीक नाक्‍त बाक्‍ब। सियोन आ पर्बम ठीक सेल्‍चा कली क्‍येक्‍क लेत्‍तीक बर्स का बाक्‍ब। यसैया ६३:४

यसैया 63:4

मारदे हना आं थुंम क्‍येक्‍क लेत्‍तीक नाक्‍त बाक्‍त। मिनु आं मुर आन कली प्रोंइतीके बर्स जाक्‍शो बाक्‍ब। यसैया १३:९; यसैया ३४:८; यसैया ६१:२

यसैया 66:17

मिनु “सु सु देवी देवता आन ङोंइती जाक्‍चा कली चोव़खेसीशा, आंम कली ठीक सेल्‍नीमी, फू रू लशा, मेको रू आ दातेमी बाक्‍ब पोव़ श्‍ये ब्‍वाइब आ नोले खोइश्‍शा, मेको यो पोव़ श्‍ये ब्‍वशा, ग्रांग्रा दिचा ङा थोव़कपुकी नु यिच ब्‍वाइनीमी, मेकोपुकी कालेमी साइक्‍चा पुंइसीनीम” देंत। यसैया ६५:३-५; इजीकीएल ८:११

यसैया 9:19

मुर नेल्‍ल आन परमप्रभु यावे आ गाइश्‍शोमी रागी नेल्‍ल ग्रोइश्‍शो बाक्‍ब। मिनु मुरपुकी चोतीक शी खोदेंशो दुम्‍तेक्‍म। सुइम सुइ आन कली वारच मपामे।

इजीकीएल 13:5

गे ब्रेश्‍शो गारो लेंशा मसेली। गे इस्राएल कली वारच मपनी। मोपतीके परमप्रभु यावे, आं नाक्‍त मेको ब्रुइनीम’ देंत। यसैया २:१२

इजीकीएल 30:3

मारदे हना मेको नाक्‍त नेक्‍थान जाक्‍ना जाक्‍न बाक्‍‍ब। परमप्रभु यावे आ नाक्‍त नेक्‍थान जाक्‍शो बाक्‍ब। मेको गोस्‍सुम सुम्‍शो नाक्‍त बाक्‍ब। मेको रागी रागी ङा मुर आन कली हिंचा ङा नाक्‍त दुम्‍ब। योएल १:१५; सेफन्‍याह १:१४

योएल 1:15

मिनु योएलमी “परमप्रभु यावे आ जाक्‍चा चिक्‍शो नाक्‍त आ पर्बम आबी आबी, मारदे हना मुल मेको नाक्‍त जाक्‍ब। नेल्‍ल क्‍येङा सक्ति पाइश्‍शो खतम पोक्‍‍तीके जाक्‍ब। योएल २:१; यसैया १३:६

योएल 2:1

सियोनमी तुराही ताप्‍पीन। आं डांडामी शुश ग्रीब ताप्‍तीक ग्रोव़ ताप्‍पीन। रागीम बाक्‍ब मुर नेल्‍ल गिक गिक पा ख्रिंख्रि पामेक्‍ल। मारदे हना परमप्रभु यावे आ जाक्‍‍शो नाक्‍त नेक्‍था जाक्‍शो बाक्‍ब। मेको जाक्‍चा चिक्‍शो बाक्‍ब। योएल १:१५

योएल 2:31

परमप्रभु यावे आ ठेयब हिंचा ङा नाक्‍त जाक्‍चा क्‍येङा ङोंइती नां छिङछिङ दुम्‍ब। मिनु तास्‍ला हुश दुम्‍ब” देंशो बाक्‍ब। योएल २:२,१०,११; मत्ती २४:२९; प्रकाश ६:१२

नहुम 1:2

परमप्रभु यावे रुश पाइब नु क्‍येक्‍क लेप्‍ब परमप्रभु बाक्‍ब। परमप्रभु यावेमी आ जोरी सत्रु आन कली क्‍येक्‍क लेप्‍ब। मेको आन कली तशा गाइक्‍ब। परमप्रभु यावेमी आ जोरी सत्रु आन कली क्‍येक्‍क लेश्‍शा, मेको आन कली तशा शुश चुरब। प्रस्‍थान २०:५; ब्‍यवस्‍था ४:२४

नहुम 1:6

परमप्रभु यावे गाइक्‍तानु, मेको आ ङोंइती सु राप्‍ने चाप्‍‍बा ङा? मेको आ चुरशो सुम फाल्‍ने चाप्‍बा ङा? मेको आ गाइश्‍शो मी खोदेंशो पा ब्राइब। मिनु मेकोमी सेरथे फुल्‍लु आन कली प्रोल्‍ब।

नहुम 1:8

मेकोमी बारशो ब्‍वाक्‍कुमी निनवे कली खतम सेल्‍‍ब। मेकोमी आ जोरी सत्रु आन कली खेरशा छिङछिङमी सोइक्‍ब।

सेफन्‍याह 1:15

मेको नाक्‍त गाइक्‍चा ङा नाक्‍त दुम्‍ब। श्‍येत नु हिंचा ङा नाक्‍त दुम्‍ब। नेल्‍ल ब्रेत्‍तीक नु खतम दुम्‍तीक नाक्‍त दुम्‍ब। मेको नाक्‍त छिङछिङ नु हिंचा ङा दुम्‍ब। गोस्‍सुम गिल्‍शो नु शुश छिङछिङ ङा नाक्‍त दुम्‍ब।

जकरिया 14:1

परमप्रभु यावे आ नाक्‍त का जाक्‍ब। मेना इन के रोइश्‍शा लाइश्‍शो थोव़क इन दातेमीन योक्‍सीनीनी। यसैया ३९:६

मलाकी 4:1

मुर नेल्‍ल आन परमप्रभु यावेमी “आं निसाफ पतीक नाक्‍ती जाक्‍ब। मेको ठेयब मी खोदेंशो पा ब्रशो बाक्‍ब। मेना ठेयब लेश्‍शो नु मरिम्‍शो पाइब नेल्‍ल सोव़शो ठुटा खोदेंशो बाक्‍नीम। मेको नाक्‍ती मीम मेको आन कली नेक्‍ब। मिनु मेको आन शाक्‍श नु राशी यो मलीब।

प्रकाश 18:8

मोपा मोमो ठेयब लेश्‍शो लोव़ पतीके, काबु मेको कली श्‍येत दुम्‍ब। मेको कली मार श्‍येत दुम्‍ब देंशा हना, मेको सहरमी मुर साइक्‍ब रोइ जाक्‍ब, मिनु रोंका पाइनीम, अन्‍काल यो दुम्‍ब। मिनु मेको सहर मीम दुप्‍शा पुलु दुम्‍ब। मेको श्‍येत नेल्‍ल मारदे दुम्‍ब देंशा हना, मेको आन कली निसाफ पाइब परमप्रभु यावे सक्ति पाइश्‍शो बाक्‍ब” देंशो नेंता।