यसैया 13:4 - Sunuwar Bible

⁴ नेनीन, शुश रागी ङा मुरपुकी डांडामी रेयके पाइनीम। मेको रेयके शुश राज्‍य ङा खुम्‍सीशो मुर आन रेयके बाक्‍ब। मुर नेल्‍ल आन परमप्रभु यावेमी ठेयब हुल लडाइ पाइब पोक्‍ब।

यसैया 13:4 ပူးပေါင်းရင်းမြစ်များ

यसैया 17:12

आबी, शुश रागी ङा मुर आन रेयके, समुन्‍द्र ङा ब्‍वाक्‍कु खोदेंशो पा नेंसीब। आबी, रागी रागी ङा मुर आन ग्रीशो बारशो खोला आ रेयके खोदेंशो बाक्‍ब।

यसैया 48:14

गे नेल्‍ले खुम्‍सीशा, आं लोव़ नेनीन। मेको आन दातेमी सुम मोदेंशो शेंदा? परमप्रभु यावेम मेको आन कली दाक्‍ब। मिनु मेको बेबीलोन आ पर्बम बोक्‍ब। कल्‍दी ङा मुर आन कली लडाइ तोइ‍ब। यसैया ४१:२

यसैया 5:26

मेकोमी छेदर क्‍युक्‍शा ङोन रागी ङा मुर आन कली ब्रेप्‍ब। मिनु रागी आ सुर ङा मुर आन कली लाप पा ब्रेप्‍ब। मिनु मेकोपुकी रीब पा जाक्‍नीम।

यसैया 5:30

मेको नाक्‍ती समुन्‍द्र ङा ब्‍वाक्‍कु ग्रीशो खोदेंशो पा, इस्राएल ङा मुर आन तारी रेयके पाइनीम। सुइम मेकेर कोव़तेक्‍म हना, छिङछिङ नु श्‍येत ला ताइनीम। गोस्‍सुमी छेङछेङ कली सुम्‍ब।

येरमीया 21:4

“परमप्रभु यावे, इस्राएली आन परमप्रभुमी मार लोव़ पाप्‍तु देंशा हना, गे सिदकीयाह कली ‘गारो आ लाङगाम बाक्‍शो इन कली पुम्‍ब बेबीलोन ङा पिप नु कल्‍दी नु लडाइ पशो इन गुइ ङा यापुकी इन गे लेप्‍पाइक्‍नुङ। मिनु गो मेको आन कली खुप्‍शा, एको सहर आगाम ओंइनुङमी।

येरमीया 25:14

मिनु रागी रागी ङा मुर नु ठेयब पिपमी यहूदा ङा मुर आन कली वाइल सेल्‍नीम। गो मेको आन पशो नु आन गुइमी सेल्‍शो कोव़शा, मेको आन कली क्‍येक्‍क लेत्‍नुङमी” देंत। येरमीया २७:७

योएल 2:25

परमप्रभु यावेमी “गो इन कली लेस्‍वा माले, तोङले माले, सल्‍हा माले नु घांस ख्रोइश्‍शा ब्‍वाइब माले आन नेक्‍शो नेल्‍ल लेश्‍शा गेनन्‍नी। मेको आं सोइश्‍शो लडाइ पाइबपुकी बाक्‍तेक्‍म। गो मेको आन कली इन दातेमी सोइक्‍ताक्‍ङमी। योएल १:४

योएल 3:14

मिनु निसाफ पतीक दिंममी शुश मुर जाक्‍स ङा जाक्‍स बाक्‍नीम। मारदे हना मेको दिंममी परमप्रभु यावे आ निसाफ पतीक नाक्‍ती जाक्‍चा चिक्‍शो बाक्‍ब।

प्रकाश 18:8

मोपा मोमो ठेयब लेश्‍शो लोव़ पतीके, काबु मेको कली श्‍येत दुम्‍ब। मेको कली मार श्‍येत दुम्‍ब देंशा हना, मेको सहरमी मुर साइक्‍ब रोइ जाक्‍ब, मिनु रोंका पाइनीम, अन्‍काल यो दुम्‍ब। मिनु मेको सहर मीम दुप्‍शा पुलु दुम्‍ब। मेको श्‍येत नेल्‍ल मारदे दुम्‍ब देंशा हना, मेको आन कली निसाफ पाइब परमप्रभु यावे सक्ति पाइश्‍शो बाक्‍ब” देंशो नेंता।