यसैया 13:21 - Sunuwar Bible

²¹ तन्‍न मेको ब्‍वाकी ङा जन्‍तु आन बाक्‍तीक दुम्‍ब। मेको आन खिंम बुक्‍स ब्रीशो बाक्‍नीम। मेकेर ब्‍वा‍की ङा ग्रीब जन्‍तु, ठेयब चिक्‍ब बाक्‍नीम। मिनु ब्‍वाकी ङा क्‍यारश सिल पाइनीम। यसैया २३:१३

यसैया 13:21 ပူးပေါင်းရင်းမြစ်များ

यसैया 14:23

गो मेको आन सहर काश्‍श आन बाक्‍तीके नु ब्‍वाक्‍कु देम्‍तीके सेल्‍नुङ। गो मेको आन कली खतम सेल्‍ब ब्राक्‍सुम फिक्‍नुङ” दे मुर नेल्‍ल आन परमप्रभु यावेम देंत।

यसैया 23:13

कल्‍दी ङा मुर आन रागी कोव़ङीन। अस्‍सुरम ममाइ, कल्‍दीपुकीम सहर नेल्‍ल मुर मबाक्‍तीके सेल्‍तेक्‍म। मेको टायर सहर ब्‍वाकी ङा जन्‍तु आन बाक्‍तीक सेल्‍तेक्‍म। मेको सहर पुम्‍चा कली लाइश्‍शो खिं सेल्‍तेक्‍म। सहर ङा दरवार प्रेत्‍तेक्‍म। सहर नेल्‍ल खतम सेल्‍‍तेक्‍म।

यसैया 25:2

मारदे हना गे सहर कली फुल्‍लु तेल्‍तीके खोदेंशो सेल्‍तीनी। गारो हिरशो सहर कली प्रेत्‍तीनी। अर्को रागी ङा मुर आन दरवार मुल मली। मिनु मेको गेनायो मसेल्‍नीम।

यसैया 32:14

मारदे हना दरवार ङा मुर नेल्‍ल प्रोक्‍नीम। शुश मुर बाक्‍शो सहर श्‍येत्‍थ दुम्‍ब। ओफेल माइश्‍शो ग्‍येत्‍थ लुक्‍च गाक्‍तीक लां नु मेकेर खाल पाइब मुर आन बाक्‍तीक गेना हना यो पुक्‍खी दुम्‍नीम। मेकेर ब्‍वाकी ङा गधा ग्‍येरसीशा बाक्‍नीम। मिनु क्‍यारश भेडा आन जोतीक दुम्‍ब।

येरमीया 50:39

मोपतीके बेबीलोन सहरम ब्‍वाकी ङा जन्‍तु नु फरपुकी बाक्‍नीम। मिनु मेकेर ठेयब चिक्‍ब बास बाक्‍नीम। मेकेर मुल लेंशा नेल्‍ल पाला सम्‍म मुर मबाक्‍नीम।

लेवी 11:16

ठेयब हुहुचील, ग्रीब बुक्‍स, ब्‍वाक्‍कुम बाक्‍ब चिक्‍ब, मिनु बाज नेल्‍ले,

मीका 1:8

मिनु गो मेको आ पर्बम रोंका पा ङाक्‍ना ङाक्‍न बाक्‍नुङ। श्‍येत्‍थ खोइल नु भेत्रे गाक्‍नुङ। गो सिवार खोदेंशो पा ग्रीनुङ। मिनु बुक्‍स खोदेंशो पा ग्रीनुङ।

सेफन्‍याह 2:14

मेकेर बी ब्‍यफ नु ब्‍वाकी ङा जन्‍तु नेल्‍ल इप्‍नीम। गोरशो रागी ङा बुक्‍स नु ग्रीब बुक्‍सपुकीम मेको आन थाम तारी ग्‍योव़ सेल्‍नीम। बुक्‍स झेल रे पा ग्रीनीम। खदपुकी लाप्‍चोम ग्रीनीम। मिनु दारपाइक्‍चा कली क्‍येप्‍शो शी नेल्‍ल लां रे तांइसीब। यसैया १३:२१; यसैया ३४:११

प्रकाश 18:2

मिनु मेकोमी ठेयब सेंदामी “मेको ठेयब बेबीलोन सहर ब्रेश्‍शा नुप्‍त। मेको ब्रेश्‍शो सहर वोल आन बाक्‍तीके जेल्‍खान दुम्‍त। मेको ग्रांग्रा दिचा ङा चिक्‍ब आन जेल्‍खान दुम्‍त। प्रकाश १४:८; येरमीया १५:३९