यसैया 13:19 - Sunuwar Bible

¹⁹ ठेयब लेश्‍शो कल्‍दी आन दाक्‍शो नु राज्‍य राज्‍य ङा नेल्‍ल क्‍येङा दारशो बेबीलोन कली सोदोम नु गोमोररा खोदेंशो सेल्‍नुङ। उत्‍पत्ती १९:२४-२५

यसैया 13:19 ပူးပေါင်းရင်းမြစ်များ

उत्पत्ती 19:24

मिनु नोले परमप्रभु यावेमी सोदोम नु गोमोररा सहर आस तारी सरीङ रे गन्‍धक नु मी रेउ यिशो खोदेंशो पा यिपदा बाक्‍त। ब्‍यवस्‍था २९:२२; भजन संग्रह ११:६; यसैया १:९-१०; यसैया १३:१९; आमोस ४:११; लूका १७:२९; २पत्रुस २:६; प्रकाश १४:१०

उत्पत्ती 19:25

मिनु परमप्रभु यावेमी मेको सहर निक्‍शी, दिंम नेल्‍ल, सहर ङा मुर नेल्‍ल नु रूम मार मार वाशो बाक्‍मे, मेको नेल्‍ल क्‍याम्‍दा बाक्‍त।

यसैया 13:1

आमोज आ तौ यसैयामी बेबीलोन आ पर्बम तशो नु तुइश्‍शो लोव़ एको बाक्‍ब। येरमीया २३:३३

यसैया 21:9

कोव़ङीन, शारा ङोइक्‍ब जोर जोर पा जाक्‍ना जाक्‍न बाक्‍नीम” देंत। मिनु मेकोमी “बेबीलोन ब्रुत। मेको आन देवी देवता आन मूर्ति नेल्‍ले खपीम ताइक्‍चा पुंइसाक्‍म” देंत। प्रकाश १८:२

यसैया 47:5

कल्‍दी आ तमी ब्‍वालेइ पा छिङछिङम लशा निस्‍सो। मारदे हना गे मुल रे राज्‍यपुकी ङा पिपीम माइक्‍चा मपुंइसीनेवे।

यसैया 48:14

गे नेल्‍ले खुम्‍सीशा, आं लोव़ नेनीन। मेको आन दातेमी सुम मोदेंशो शेंदा? परमप्रभु यावेम मेको आन कली दाक्‍ब। मिनु मेको बेबीलोन आ पर्बम बोक्‍ब। कल्‍दी ङा मुर आन कली लडाइ तोइ‍ब। यसैया ४१:२

येरमीया 25:12

तन्‍न ७० बर्स गाम नोले, गो बेबीलोन ङा पिप नु कल्‍दी आन रागी कली मेको आन मरिम्‍शो पशो ङा सजाइ गेनुङ। मेको आन रागी गेना हना यो मुर मबाक्‍तीके सेल्‍नुङमी” दे परमप्रभु यावेमी देंत।

येरमीया 49:18

दोपा सोदोम, गोमोररा नु मेको आस एर ओंथ ङा सहर नेल्‍ल श्‍येत्‍थ दुम्‍मा, मोपा मेकेर सुइ मलीनीम। सुइ मबाक्‍नीम। येरमीया ५०:४०; यसैया १:९

येरमीया 50:40

मिनु सोदोम, गोमोररा नु मेको आस एर ओंथ ङा गाउं आन कली लोक्‍शो खोदेंशो पा बेबीलोन सहरमी सुइ मबाक्‍नीम। मेकेर मुर मबाक्‍तीके दुम्‍ब” दे परमप्रभु यावेमी देंत। येरमीया ४९:१८; उत्‍पत्ती १९:२४-२५

येरमीया 51:26

खिं ङा सुर वोइक्‍चा कली इ रे पा फुल्‍लु का यो मलाइक्‍नीम। जग वोइक्‍चा कली यो इ फुल्‍लु मलाइक्‍नीम। तन्‍न गे गेना हना यो कली श्‍येत्थ रागी दुम्‍चा माल्‍नेवे” दे परमप्रभु यावेम देंत।

येरमीया 51:29

ख्रिनु कुशा रागी ख्रिंख्रि पाइब। मारदे हना परमप्रभु यावेम बेबीलोन कली श्‍येत्‍थ नु मुर मबाक्‍तीके सेल्‍नुङ देंशो लोव़ गाप्‍ब।

येरमीया 51:41

शेशाक सहर कली दोपा ग्राने चाप्‍मे? रागी नेल्‍ल ङा ठेयब नु दारशो सहर ब्रुत। बेबीलोन दोपा रागी रागी आन दातेमी शुश हिंचा ङा दुम्‍मे? शेशाक बेबीलोन कली अरु नें का बाक्‍ब। येरमीया २५:२६

येरमीया 51:62

‘परमप्रभु यावे, गे एको रागी कली खतम पोक्‍नुङ’ देंतीनी। ‘एकेर मुर नु बी ब्‍यफ, क्‍यारश भेडा, मारेइ बास मबाक्‍चा ङा पा श्‍येत्‍थ रागी सेल्‍नुङ। एको गेना हना यो मुर मबाक्‍तीके दुम्‍ब’ देंतीनी” देनो।

दानीएल 4:30

मेकोमी “मार, एको बेबीलोन थम रिम्‍शो मबाक्‍बा ङा? गो एको आं ठेयब सक्तिमी आं शुश शोंप वोइश्‍शा, बाक्‍चा कली सेल्‍ता” देंत। हितोपदेस १६:१८

आमोस 4:11

मिनु परमप्रभु यावेमी “गो इन दाते ङा का निक्‍शी आन कली सोदोम नु गोमोररा कली खोदेंशो पा खतम सेल्‍ता। गे ब्रशो मी रे पा ग्रुंइशो बुल्‍सी खोदेंशो बाक्‍तीनी। मो हना यो गेपुकी आं गे मलेन्‍नी” दे परमप्रभु यावेमी देंत। उत्‍पत्ती १९:२४-२५; जकरिया ३:२

सेफन्‍याह 2:9

मोपतीके मुर नेल्‍ल आन परमप्रभु यावे, इस्राएली आन परमप्रभुमी ‘गो ब्रोंइशा बाक्‍शो खोदेंशो पा, मोआब सोदोम खोदेंशो नु अम्‍मोन गोमोररा खोदेंशो दुम्‍ब। मेको आन बाक्‍तीके चूले वाशो नु हिक्‍सी खाल्‍टा बाक्‍शो रागी दुम्‍ब। मेको गेना हना यो मुर मबाक्‍तीक रागी दुम्‍ब। आं लीशो मुरपुकीमी मेको आन मार मार रोइक्‍नीम। मिनु आं रागी ङा ब्रोंइशो मुरपुकीमी मेकेर हुकुम पाइनीम। उत्‍पत्ती १९:२४-२५

रोमी 9:29

मिनु ङोंइती यसैयामी “मुर नेल्‍ल आन परमप्रभु यावेमी आ तमी तौ सेल्‍चा कली का निक्‍शी मयोव़शो हना, सोदोम नु गोमोररा सहर ङा मुर खोदेंशो दुम्‍शा, नेल्‍ल बेक्‍शा नुब्‍य वा” देंशो बाक्‍त। यसैया १:९

ब्‍यवस्‍था 29:23

मेको रागी नेल्‍लेम मी ब्रशा गन्‍धक नु हिक्‍सी बाक्‍ब। मारेइ मशोक्‍शो, काइ गिग मग्रूशो मारेइ मवाशो बाक्‍ब। मेको परमप्रभु यावेमी चुरशा गाइश्‍शो सोदोम नु गोमोररा, अदमाह नु सेबोयीम खतम सेल्‍शो रागी खोदेंशो बाक्‍ब। उत्‍पत्ती १९:२४

प्रकाश 18:11

मिनु रागी रागी ङा ग्‍याप्‍ब लेयबपुकी मेको सहर तशा, ङाक्‍शा रोंका पाइनीम। मारदे ङाक्‍शा रोंका पाइनीम देंशा हना, मेको आन लेयचा ङा थोव़क सुइमी मग्‍याप्‍नीम।

प्रकाश 18:19

मिनु मेकोपुकी सुर्ता पशा, रोंका पा ङाक्‍तेक्‍म। मेकोपुकीमी “आबी आबी, मेरे ठेयब सहर। मेरे सहर ङा डोंगा आन होव़पपुकी मेरे सहरमी मार मार लेयशा, शोंप पाइश्‍शो दुम्‍शो बाक्‍तेक्‍म। तन्‍न घन्‍टा कामी मेरे सहर जाम्‍शा लत।