यसैया 13:18 - Sunuwar Bible

¹⁸ वोंइश आल आन कली लिब्राम साइक्‍नीम। आइक्‍च आल नु ठेयब आल नेल्‍ल आन कली शिशी मपथु साइक्‍नीम।

यसैया 13:18 ပူးပေါင်းရင်းမြစ်များ

२ राजा 8:12

मिनु हजाएलम “ए आं प्रभु, गे मारदे ङाक्‍नी?” दे हिल्‍लो पवा बाक्‍त। मिनु मेकोमी हजाएल कली “गेम इस्राएल ङा मुर आन कली काइ मरिम्‍शो पशो तुइक्‍नुङ। गे मेको आन दरवारम मी सुइक्‍नेवे। मिनु मेको आन ठिटा मुर आन कली तरवारम क्‍योरनेवे। मेको आन आइक्‍च आल आन कली खपीम राप्‍शा साइक्‍नेवे। मेको आन कोव़ज कुरशो मीश मुर आन कोव़ज पाक्‍नेवे” दे मदा बाक्‍त। २राजा १०:३२

२ इतिहास 36:17

मिनु परमप्रभुम मेको आन कली लडाइ तोपाइक्‍चा कली कल्‍दी आन पिप कली चाक्‍गा बाक्‍त। मिनु मेकोपुकीमी मेको आन आल आन कली परमप्रभु यावे आ बाक्‍तीक खिंम तरवारम क्‍योरशा सदमे बाक्‍त। मेकोपुकीमी वोंइश आल नु मीश आल आन कली, खाल्‍पा नु खूशो आन कली काइ शिशी मपामे बाक्‍त। परमप्रभुम मेको नेल्‍ल आन कली पिप नेबुकदनेसर आ गुइमी गेमी बाक्‍त।

भजन संग्रह 127:3

तमी तौ परमप्रभु यावे आ गेशो बाक्‍नीम। आलपुकी मेको आ गेशो इनाम बाक्‍नीम। भजन संग्रह १२८ ३-४; उत्‍पत्ती ३०:२; उत्‍पत्ती ३३:५

यसैया 13:16

आन आल आन कली आन ङोंइती खपीम राप्‍शा साइश्‍शो ताइनीम। मेको आन खिं ङा मारेइ मारेइ योल्‍नीम। मेको आन मीश बिथोलो पाइनीम। भजन संग्रह १३७:८-९

यसैया 47:9

वोंइश बेक्‍शो मीश मुर दुम्‍तीके श्‍‍येत नेल्‍ल ताइनेवे। इ आल बेक्‍शो ताइनेवे। नाक्‍ती का, याम कामीन एको श्‍येत निक्‍शी इ कली दुम्‍नीस। शुश मन्‍तर तन्‍तर, ठेयब सक्ति पाइश्‍शो टुना मुना पाप्‍तीवी हना यो, मो दुम्‍शो ताइनेवे।

यसैया 5:28

मेको आन ब्रा हेश्‍शो बाक्‍नीम। आन लिब्रा आप्‍चा कली खुक्‍शो बाक्‍नीम। आन शारा मी आ झिल्‍का खोदेंशो बाक्‍नीम। आन बग्‍गी आन गुगील फश गिवार खोदेंशो बाक्‍नीम।

येरमीया 18:21

मोपतीके मेको आन आल आन कली अन्‍काल पपतीन। मेको आन कली तरवारम साइक्‍पतीन। मेको आन मीश आल मबाक्‍शो नु आन वोंइश बेक्‍शो मीश मुर दुम्‍मल। मेको आन वोंइश मुर बेक्‍तीक रोइम बेक्‍मल। मेको आन ठिटा वोंइश मुरपुकी लडाइम तरवारम साइक्‍चा पुंइसमल।

येरमीया 5:16

मेको आन ब्रा कुरतीके रोक्‍शो तुरस खोदेंशो बाक्‍नीम। मेको मुर नेल्‍ल थम सक्ति पाइश्‍शो लडाइ पाइब बाक्‍नीम।

येरमीया 50:30

मोपतीके मेको आ ठिटा मुरपुकी लां मेर गोल्‍नीम। मिनु मेको आ लडाइ पाइब नेल्‍ल खतम दुम्‍नीम” दे परमप्रभु यावेम देंत।

येरमीया 50:42

मेकोपुकी लिब्रा नु तूतीक कुरशो, थम मरिम्‍शो पाइब नु शिशी मपाइक्‍ब बाक्‍नीम। मेको आन रेयके समुन्‍द्र ग्रीशो खोदेंशो बाक्‍ब। मेकोपुकी शारा ङोइश्‍शा जाक्‍नीम। मेको लडाइ तोचा कली आन बाक्‍तीकेम राप्‍नीम। बेबीलोन आ तमी, इ कली लडाइ तोचा कली जाक्‍नीम। येरमीया ६:२३

येरमीया 51:22

गो इ रे पा वोंइश मुर नु मीश मुर आन कली तुप्‍ता‍मी। गो इ रे पा खूशो नु ठिटा आन कली तुप्‍ता‍मी। गो इ रे पा ठिटी नु ठिटा आन कली तुप्‍ता‍मी।

येरमीया 6:23

मेकोपुकी लिब्रा नु तरवार शेशा ठीक दुम्‍शो बाक्‍नीम। मेकोपुकी मरिम्‍शो पाइब नु काइ शिशी मपाइ‍ब बाक्‍नीम। आन रेयके समुन्‍द्र ग्रीशो खोदेंशो बाक्‍ब। मेकोपुकी शारा ङोइश्‍शा सियोन आ तमी, इ कली लडाइ तोचा कली ठीक दुम्‍शो बाक्‍नीम” देंत। येरमीया ५०:४२

इजीकीएल 9:10

मोपतीके गो मेको आन कली शिशी मपथु सुइ आन कली ब्रोंइचा मगेनुङ। मेको आन पशो खोदेंशो पा सजाइ गेनुङमी” देंत। इजीकीएल ७:४

दानीएल 7:5

मिनु मेको आ नोले अर्को जन्‍तु का ग्रूत। मेको वां खोदेंशो बाक्‍त। मेकोमी का पटटी रे बोक्‍शा, जेरी सां आ शोव़म काम्‍शो बाक्‍त। मिनु मेको कली “बोक्‍को, श्‍ये शुश ब्‍वावो” देंशो नेंता।

होसे 13:16

सामरीया ङा मुरपुकीमी आन पाप पशो ङा श्‍येत जचा माल्‍नीम। मारदे हना मेकोपुकीम आंम परमप्रभु कली मटीम। मेकोपुकी तरवारमी साइक्‍चा पुंइसीनीम। मेको आन आलपुकी खपीमी ताइश्‍शा साइक्‍चा पुंइसीनीम। मेको आन कोव़ज कुरशो मीश मुर आन कोव़ज चेत्‍चा पुंइसीनीम” देंत। २राजा १५:१६

नहुम 2:1

निनवे, इ कली खतम सेल्‍ब जाक्‍शो बाक्‍ब। इ बोल्‍यो दरवार खाल पावो। इ लां रिम्‍शो पा कोव़ङो। इ किप्‍शुर किम्‍सो। इ बोल नेल्‍ल ग्रुंइदो। यसैया ५२:७; नहुम १:११

नहुम 3:10

मो हना यो मेको ग्‍याइश्‍शा ग्रुंइचा पुंइसाक्‍व। मेको आ आलपुकी लांम ताइश्‍‍शा साइक्‍चा पुंइसाक्‍म। आ ठेयब मुर आन कली बाजी आप्‍शा लाइक्‍तेक्‍म। मिनु मेको आन नेल्‍ल क्‍येङा ठेयब मुर नेल्‍ल साङलोमी फ्रेंचा पुंइसाक्‍म। योएल ४:३