यसैया 12:5 - Sunuwar Bible

⁵ परमप्रभु यावे कली ठेयब सेल्‍तीक कुम्‍सो पने। मारदे हना मेकोमी थम सक्ति पाइश्‍शो गेय पशो बाक्‍ब। एको लोव़ रागी नेल्‍लेमी ब्रपतीन।

यसैया 12:5 ပူးပေါင်းရင်းမြစ်များ

भजन संग्रह 105:2

मेको कली कुम्‍सो पने। मेको कली ठेयब सेल्‍तीक कुम्‍सो पने। मुर आन कली आ पशो छक लाक्‍चा ङा गेय शेंदीन।

भजन संग्रह 72:19

मेको आ नें गेना हना यो ठेयब बाक्‍ब। रागी नेल्‍ल आ सक्तिमी ब्रील। आमेन, मेको थमा बाक्‍ब। यसैया ६:३

भजन संग्रह 98:1

परमप्रभु यावे कली नक कुम्‍सो का पय। मारदे हना मेकोमी छक लाक्‍चा ङा गेय पाप्‍तु। मेको आ ठेयब सक्तिमी ग्रात। भजन संग्रह ३३:३; यसैया ५९:१६; यसैया ६३:५

प्रस्‍थान 15:1

मिनु नोले मोसा नु इस्राएलीपुकीमी परमप्रभु यावे कली कुम्‍सो पाम्‍तेक्‍म। “गो परमप्रभु यावे कली कुम्‍सो पाइनुङ। मारदे हना मेकोमी आ ठेयब सक्ति कोंइशा, ग्रात। शारा नु शारा ङोइक्‍ब आन कली समुन्‍द्रमी ताइक्‍ताक्‍व। प्रकाश १५:३

प्रस्‍थान 15:21

मिरयामम मेको आन कली कुम्‍सो पा लोव़ लेश्‍शा “परमप्रभु यावे कली कुम्‍सो पने। मारदे हना मेकोम ठेयब लडाइ पा ग्रात। शारा नु शारा ङोइक्‍ब आन कली समुन्‍द्रम ताइक्‍ताक्‍व” दे कुम्‍सो पाप्‍तु।

यसैया 24:14

मिनु मेको लीशो मुरपुकी ग्‍येरशा ठेयब सेंदा पा “परमप्रभु यावे ठेयब बाक्‍ब” दे पच्‍छिम रे कुम्‍सो पाइनीम।

यसैया 40:9

“गे ठेयब डांडा ङोंइसीन। सियोन रिम्‍शो लोव़ कुरब बाक्‍ब। ठेयब सेंदा पा शेंदो। यरूसलेम रिम्‍शो लोव़ कुरब बाक्‍ब। महिंथु, ठेयब सेंदा पा शेंदो। यहूदा सहर ङा मुर आन कली ‘इन परमप्रभु एकेर बाक्‍ब’ देनो।

यसैया 42:10

परमप्रभु यावे कली नक कुम्‍सो का पने। रागी आ सुर ङा मुरपुकी परमप्रभु यावे कली कुम्‍सो पशा ठेयब सेलीन। समुन्‍द्र नु समुन्द्रम बाक्‍बपुकी परमप्रभु कली ठेयब सेलीन। समुन्‍द्र आ नेक्‍था बाक्‍ब नेल्‍लेमी मेको कली ठेयब सेलीन। भजन संग्रह ३३:३

यसैया 42:11

गोरशो रागी नु मेकेर ङा सहर कुम्‍सो पने। केदार आ बाक्‍तीक ङा मुर नेल्‍ले कुम्‍सो पने। सेला ङा मुरपुकी ग्‍येरशा कुम्‍सो पने। डांडा तार रे ठेयब सेंदा पा ग्रीङीन।

यसैया 44:23

गे सरीङ कुम्‍सो पावो। रागी नेल्‍ल रेयके पा, शुश कुम्‍सो पने। गे डांडा, ब्‍वाकी नु रवा नेल्‍लेमी कुम्‍सो पने। मारदे हना परमप्रभु यावेमी याकूब कली श्‍येत रे प्रोंइतु। इस्राएल रागीमी आं नें ठेयब सेल्‍शो बाक्‍ब। यसैया ४९:१३; यसैया ५५:१२; भजन संग्रह ९६:११-१३

हबकुक 2:14

तन्‍न रागी नेल्‍ल परमप्रभु यावे आ सक्ति ङा तुइक्‍तीकेम ब्रीशो बाक्‍ब। ब्‍वाक्‍कुमी समुन्‍द्र ब्रीशो खोदेंशो पा ब्रीशो बाक्‍ब” देंत। यसैया ११:९

मलाकी 1:11

“नां दाप्‍तीक रे नां पेरतीक सम्‍म रागी रागी ङा मुर आन दातेमी आं नें ठेयब बाक्‍ब। रागी नेल्‍ल ङा मुरपुकीमी आं कली धूप चोशा, रिम्‍शो थोव़क चढ़ेनीम। मारदे हना रागी रागी ङा मुर आन दातेमी आं नें ठेयब बाक्‍ब” दे मुर नेल्‍ल आन परमप्रभु यावेमी देंत। यसैया ६०:१-७

प्रकाश 15:3

मिनु परमप्रभु यावे आ वाइल मोसा नु पाठा आ कुम्‍सो पाम्‍तेक्‍म। मिनु मेको कुम्‍सोम मार लोव़ बाक्‍त देंशा हना “परमप्रभु यावे, गे नेल्‍ल सक्ति पाइश्‍शो परमप्रभु बाक्‍नीनी। इन गेय ठेयब नु छक लाक्‍चा बाक्‍नीमी। गे इन लां नेल्‍ल ठीक नु थमा बाक्‍नीमी। गे गेना हना यो पिप बाक्‍नीनी। प्रस्‍थान १५:१,११; येरमीया १०:६-७; ब्‍यवस्‍था ३२:४; भजन संग्रह १४५:१७