यसैया 11:5 - Sunuwar Bible

⁵ मेको आ ठीक पतीके आ किप्‍शुर किप्‍शो खोदेंशो बाक्‍ब। मेको थमा पा थमा सुइक्‍तीक आ किप्‍तीक बाक्‍ब।

यसैया 11:5 ပူးပေါင်းရင်းမြစ်များ

भजन संग्रह 109:19

मेकोमी सराप चीले आ वा खोदेंशो पा फेक्‍सेक्‍ल। मिनु किप्‍शुर खोदेंशो पा नाक्‍त किंत किंत किम्‍सेक्‍ल।

भजन संग्रह 45:4

इन मान ततीकेमी, थमा पतीके, ब्रेम्‍शो थुं दुम्‍तीके नु इन ठीक पतीकेमी गाक्‍शा, इन सक्तिमी छक लाक्‍चा ङा गेय कोंइदीन।

भजन संग्रह 89:9

गे बारशो समुन्‍द्र कली हुकुम पाइनीनी। मिनु मेको आन छाल बोक्‍मेनु गे नाइक्‍पाइक्‍नीनी। भजन संग्रह ६५:८; मत्ती ८:२६

भजन संग्रह 93:1

परमप्रभु यावेमी सासन पाइब। मेको पिप आ वाम ग्‍योम्‍सीशो बाक्‍ब। परमप्रभु यावेमी आ सक्ति किम्‍सीशो बाक्‍ब। रागी आ जग बोल्‍यो बाक्‍ब, मेको गेनायो महिम्‍सीब। भजन संग्रह ४७:८; भजन संग्रह ९६:१०; भजन संग्रह ९७:१; भजन संग्रह ९८:६; भजन संग्रह ९९:१; भजन संग्रह १४६:१०; प्रस्‍थान १५:१८

यसैया 25:1

परमप्रभु यावे, आं परमप्रभु बाक्‍नीनी। गो इन कली मान पशा, इन नें ठेयब बाक्‍ब, दे कुम्‍सो पाइनुङ। मारदे हना गे छक लाक्‍चा ङा गेय पाइतीनी। इन ङोंइती मिम्‍शो मप्रोंइथु, थमा पा थुम्‍तीनी।

यसैया 32:1

कोव़ङीन, नोले ठीक पाइब पिप काम सासन पाइब। ठेयब मुर नेल्‍लेमी ठीक निसाफ पाइनीम। यसैया ३३:१७; येरमीया २३:५

यसैया 59:17

मेकोमी ठीक पतीके कांसा के फेक्‍तीके खोदेंशो पा फेक्‍शा, पाप रे प्रोंइतीक ताकी खोदेंशो पा गुक्‍साक्‍व। क्‍येक्‍क लेत्‍तीक वा खोदेंशो पा फेक्‍साक्‍व। आ थुंमी थमा पा पाइनुङ, दे वा खोदेंशो पा रुक्‍साक्‍व।

यसैया 9:6

मारदे हना आंइ कली आल का थिशो बाक्‍ब। तौ का गेशो बाक्‍ब। मेको आंइ कली रिम्‍शो पा सासन पाइब दुम्‍ब। मेको आ नें मार बाक्‍ब देंशा हना, छक लाक्‍चा ङा गेय पाइब, जोक्‍तीक तुइक्‍तीक अर्ती गेब, सक्ति पाइश्‍शो परमप्रभु, गेना हना यो बाक्‍ब आफ नु थुं नाइश्‍शा बाक्‍चा गेब पिप बाक्‍ब। यसैया २२:२२; मीका ५:१; मीका ४:३

यसैया 9:7

मेको आ अधिकार गेना हना यो बारब। दाऊद आ राज्‍य कली गेना हना यो थुं नाइक्‍तीके दुम्‍ब। मेको आ राज्‍य गेना हना यो ठीक निसाफ नु ठीक पतीकेमी बाक्‍ब। मेको मुर नेल्‍ल आन परमप्रभु यावेमी पाइब। २सामुएल ७:१२-१३; लूका १:३२; यसैया ११:१-५; भजन संग्रह ७२:३-४

होसे 2:20

गो इ कली मप्रोंइथु आं मीश सेल्‍नन। मिनु परमप्रभु यावे कली रिम्‍शो पा तुइक्‍ने‍वे” दे परमप्रभु यावेमी देंत। येरमीया ३१:३४

जकरिया 8:16

गेपुकीमी मार पचा माल्‍नीनी देंशा हना, गे इन दातेमी थमा लोव़ ला पमुने। इन ठेयब लाप्‍चोमी जिचा मबोक्‍चा ङा पा थमा नु ठीक निसाफ पने। एफिसी ४:२५

२ कोरिन्‍थी 6:7

थमा लोव़ पाइनीकी, परमप्रभु यावे आ सक्तिमी गेय कोंइनीकी, ग्‍युरा नु पेरा निम्‍फा रे ठीक पतीके पाइश्‍शो बाक्‍नीकी।

एफिसी 6:14

गेपुकी थमा शेंतीकेमी किप्‍शुर किप्‍शो खोदेंशो पा राप्‍शा बाक्‍कीन। मिनु ठीक दुम्‍तीकेमी पीतल के भोटो फेक्‍शो खोदेंशो पा बाक्‍कीन। लूका १२:३५; १पत्रुस १:१३; १थिस्‍सलोनिकी ५:८

हिब्रू 2:17

मोपतीके मेको आ लोक्‍ब खोदेंशो दुम्‍चा माल्‍ताक्‍व। मोपा परमप्रभु यावे आ गेय पा मुर आन पाप क्‍याम्‍चा कली शिशी पाइब नु गेनायो आ दाक्‍चा मप्रोंइब ठेयब चढ़ेब दुम्‍त। फिलिप्‍पी २:७

१ पत्रुस 4:1

दोपा ख्रीस्‍त रागीम बाक्‍शा, श्‍येत जवा, मोपा गो नेल्‍ल श्‍येत जचा माल्‍नय, दे मिम्‍तीन। सु सु रागीमी श्‍येत जाइनीमी, मेको मरिम्‍शो पतीक कली प्रोंइने थुम्‍शो बाक्‍नीम।

१ यूहन्‍ना 1:9

गोपुकीमी “मरिम्‍शो पाइतक” देंतय हना, इं मरिम्‍शो पतीके क्‍याम्‍शा, इं कली शेक्‍ब। मारदे हना मेको आ देंशो पाइब नु ठीक पाइब बाक्‍ब। भजन संग्रह ३२:३-५; हितोपदेस २८:१३

प्रकाश 1:13

मेको ७ ओटा दियारी आन दातेमी मुर का बाक्‍शो खोदेंशो ताता। मेको मुर दोदेंशो तांइसाक्‍व देंशा हना, खोइली सम्‍म लाइश्‍शो वा फेक्‍शो नु सुन के किप्‍तीके कुचुमी किप्‍शो बाक्‍त। प्रकाश २:१; दानीएल ७:१३

प्रकाश 3:14

मिनु येसु ख्रीस्‍तमी आं कली लाओडीसीया सहर ङा थमा सुइक्‍ब आन शेंब कली ब्रेक्‍पाइक्‍ती। एको आमेन माइश्‍शो, दीगो पाइब परमप्रभु यावे आ सांकछी नु रागी नु मारेइ मारेइ सेल्‍ब आ लोव़ बाक्‍ब। कलस्‍सी २:१; कलस्‍सी ४:१३; २कोरिन्‍थी १:२०; प्रकाश १:५; कलस्‍सी १:१५