यसैया 11:3 - Sunuwar Bible

³ मेको आ दाक्‍शो परमप्रभु यावे कली मान पा हिंचा बाक्‍ब। मेकोमी मुर आन थुं कोव़शा निसाफ पाइब। सुइ आन लोव़ मनेंथु निसाफ पाइब।

यसैया 11:3 ပူးပေါင်းရင်းမြစ်များ

२ सामुएल 14:17

मिनु इन वाइलीम, आं प्रभु, आं पिप, आ लोव़म आं थुं नाइक्‍चा गेब। मारदे हना गे, आं प्रभु पिप, परमप्रभु आ स्‍वर्ग ङा गेय पाइब खोदेंशो बाक्‍नीनी। रिम्‍शो नु मरिम्‍शो तिल्‍ब बाक्‍नीनी। परमप्रभु यावे, इन परमप्रभु गे नु बाक्‍ब” देंमाक्‍त। २सामुएल १९:२८; १सामुएल २९:९

२ सामुएल 14:8

मिनु पिपमी मेको मीश मुर कली “इ खिं लावो। इ निसाफ गो कोव़नुङ” देंमाक्‍त।

१ राजा 3:28

मिनु पिप आ निसाफ नेंशा, इस्राएली नेल्‍ल आन थुंमी रिम्‍शो पशो तुइश्‍शा, हिंमा बाक्‍त। मारदे हना मेकोपुकीम ठीक पा निसाफ पचा कली मेको आ थुंम परमप्रभु आ रुप्‍‍पाइक्‍तीक थुं बाक्‍त, दे तुइक्‍तमे बाक्‍त।

१ राजा 3:9

मोपतीके इन गेय पाइब, आं कली इन मुर आन कली ठीक पा सासन पचा कली रुप्‍तीक थुं गेयीनी। मिनु गो रिम्‍शो नु मरिम्‍शो तिल्‍स जोक्‍नुङ। मो मदुम्‍त हना, एको इश्‍का इन मुर आन कली सुम सासन पने चाप्‍नीमी ङा” देंमाक्‍त।

अय्‍युब 12:11

जचा थोव़क ब्रोव़शो नु मब्रोव़शो लेंम तुइश्‍शो खोदेंशो पा, पशो लोव़ रिम्‍शो नु मरिम्‍शो नोफाम मनेंबा ङा?

अय्‍युब 34:3

मारदे हना दोपा नोफाम लोव़ नेंबा, मोपान लेंम जचा थोव़क थाम्‍ब।

हितोपदेस 2:5

गे परमप्रभु यावे कली दोपा मान पा हिंचा माल्‍बा, मेको तुइक्‍ने चाप्‍नेवे। मिनु गे परमप्रभु कली तुइश्‍‍शा शेंसीने चाप्‍नेवे।

हितोपदेस 2:9

मिनु गे ठीक पतीके नु ठीक निसाफ, कुल मकोव़थु रिम्‍शो पतीके नु रिम्‍शो लां मार बाक्‍मे रुप्‍‍नेवे।

यसैया 33:6

मिनु सियोन इ नाक्‍ती नेल्‍ल रिम्‍शो दुम्‍ब। मेना शुश पाप रे प्रोंइतीके, तुइक्‍तीके नु जोक्‍तीक गे नु बाक्‍‍ब। सियोन ङा मुर आन शोंप परमप्रभु यावे कली मान पा हिंचा बाक्‍ब।

इजीकीएल 45:8

मेको रू चहिं इस्राएलम सासन पाइब आन रू दुम्‍ब। मिनु मुल रे आं सासन पाइबपुकीम आं मुर आन कली दिप्‍चा मदुम्‍नीम। तन्‍न मेकोपुकीम इस्राएल आ खिं ङा मुर आन कली, मेको आन थर थर खोदेंशो पा आन रू आन के दुम्‍ब, दे रोइक्‍चा मताइनीम। इजीकीएल ४६:१८

मीका 4:3

मेकोमी शुश जात ङा मुर आन दा‍तेमी निसाफ पाइब। मिनु ङोन बाक्‍शो बोल्‍यो रागी रागी ङा मुर आन कली निसाफ पाइब। मिनु मेकोपुकीमी आन तरवार चेम्‍शा, फाली सेल्‍नीम। आन तूतीक भाला चेम्‍शा गुये सेल्‍नीम। मिनु रागी रागी ङा मुर आन दातेमी लडाइ मपाइ‍नीम। मेकोपुकीमी गेनायो लडाइ मशेंसीनीम।

लूका 2:52

येसु कोल्‍शा बारशा, शुश जोक्‍ब तुइक्‍ब दुम्‍माक्‍त। परमप्रभु यावेमी मेको कली दाक्‍ता बाक्‍त। मुरपुकीमी यो दाक्‍तमे बाक्‍त। १सामुएल २:२६

यूहन्‍ना 2:25

मारदे हना मुर नेल्‍ल आन कली तुइश्‍शा, आन पर्बम लोव़ नेंचा ममाल्‍द। आन थुंमी मार बाक्‍मे, मेको नेल्‍ल तुइश्‍शो बाक्‍त। मर्कूस २:८

यूहन्‍ना 7:24

कुल कोव़शा, निसाफ मपने। तन्‍न कुल मकोव़थु निसाफ पने” दे माइक्‍तीमी।

हिब्रू 5:14

पाको दुम्‍शो आन कली चहिं खमे गेंसीब। मेकोपुकीमी परमप्रभु यावे आ गेय पना पन मार रिम्‍शो बाक्‍मे, मार मरिम्‍शो मेको तुइक्‍नीम।

१ सामुएल 16:7

तन्‍न परमप्रभु यावेम मेको कली “मेको दारशो नु लाइश्‍शो बाक्‍त हना यो, मेको कली ममिम्‍तो। गो मेको कली पिप मसेल्‍नुङ। गो, परमप्रभु यावेम मुरुम खोदेंशो पा मकोव़नुङ। मुरुम रां दारशो कोव़शा मिम्‍नीम। गो मुर आ थुं कोव़नुङ” देंमाक्‍त। येरमीया १७:१०; प्रकाश २:२३; प्रेरित १०:३४