यसैया 11:12 - Sunuwar Bible

¹² मेकोमी रागी रागी ङा मुर आन कली चिन्‍ड का वोइक्‍ब। मिनु इस्राएल ङा प्रोक्‍शो मुर आन कली खुप्‍ब। यहूदा ङा ब्रशो मुर आन कली यो तेइ तेइ रे खुप्‍ब।

यसैया 11:12 ပူးပေါင်းရင်းမြစ်များ

भजन संग्रह 107:3

मेको आन कली रागी रागी रे खुप्‍ताक्‍मी। पूर्ब, पच्‍छिम, उत्तर, दक्‍खिन नु ब्‍वाक्‍कु बुक्‍तीके रे नु ब्‍वाक्‍कु शाइक्‍तीक रे खुप्‍ताक्‍मी।

भजन संग्रह 147:2

परमप्रभु यावेमी यरूसलेम कली सेल्‍ब। मेकोमी इस्राएल रे खेरशो ब्रशा बाक्‍शो मुर आन कली खुप्‍ब।

भजन संग्रह 60:4

मिनु इन क्‍येङा मान पा हिंब आन कली प्रोक्‍तीक लां कोंइचा कली चिन्‍ड का वोइक्‍तीनी। मेकेर लमानु, ब्राम मख्राइ‍नीम। ठेयब सेंदा पा।प्रस्‍थान १७:१५

भजन संग्रह 68:22

मिनु परमप्रभुमी “गो मेको आन कली बाशान रे चाक्‍नुङमी। मेको आन कली समुन्‍द्र आगा रे ग्रुंइनुङमी।

यसैया 11:10

मिनु मेको नाक्‍ती येस्‍से आ शाक्‍श जात जात ङा मुर आन कली चिन्‍ड दुम्‍ब। मिनु रागी रागी ङा मुर नेल्‍लेमी मेको कली हिल्‍लो पाइ‍नीम। मेको आ बाक्‍तीके छेङछेङम बाक्‍ब। रोमी १५:१२

यसैया 18:3

गे रागी रागीम बाक्‍ब मुरपुकी, रागी नेल्‍लेम ब्रोंइबपुकी डांडाम छेदर ख्रुक्‍शो ताइतीनी हना, कोव़ङीन। तुराही ताप्‍शो बाक्‍त हना, नेनीन।

यसैया 24:16

गो रागी आ सुर रे परमप्रभु कली ठेयब सेल्‍तीक कुम्‍सो पशो नेंतय। ठीक पाइब, परमप्रभु कली ठेयब सेल्‍तीक कुम्‍सो बाक्‍नीम। तन्‍न गो शुश श्‍येत जाइब दुम्‍ती। आबी, गो श्‍येत जाइब दुम्‍ती। मारदे हना दूली पाइबम, मुल सम्‍म दूली पाइनीम। मिनु मेको क्‍येङा यो दूली पाइनीम।

यसैया 27:13

मेको नाक्‍ती ठेयब तुराही का ग्रीब। मिनु अस्‍सुर रागीम जाम्‍शो नु इजीप्‍त रागीम खेदा पचा पुंइसीशो मुरपुकी जाक्‍नीम। मिनु यरूसलेम ङा परमप्रभु यावे आ डांडामी आ कली ठेयब सेल्‍नीम। यसैया ११:११-१२; योएल ३:५

यसैया 43:6

गो उत्तर कली ‘प्रोंइशा सोइक्‍तीमी’ माइक्‍नुङ। दक्‍खिन कली ‘मतेक्‍मी’ आं तौ आन कली ङोन रागी रे चाक्‍कीन। मिनु आं तमी आन कली रागी आ सुर रे चाक्‍कीन।

यसैया 49:22

मिनु परमप्रभु, परमप्रभु यावेमी “गो आं गुइ रागी रागी गे दिं‍नुङ। गो जात जात ङा मुर आन ङोंइती आं छेदर ख्रुक्‍शा कोंइनुङ। मिनु मेकोपुकीमी इ तौ आन कली कुचुम मुप्‍शा नु इ तमी आन कली चीम कुरशा चाक्‍नीम। यसैया ६०:४

यसैया 49:5

मुल परमप्रभु यावेम आ गेय पाइब सेल्‍ती। मिनु गो याकूब कली आ गे लेप्‍पाइक्‍चा कली नु इस्राएल मेको आ नेक्‍था खुप्‍शा वोइक्‍चा कली मेकोमी आं कली आं ममा आ कोव़जीम सेल्‍ती। मारदे हना गो परमप्रभु यावे आ ङोंइती मान ताइब दुम्‍ती। आं परमप्रभु आं सक्ति दुम्‍त।

यसैया 54:7

गो इ कली याम का प्रोंइतन। तन्‍न गो इ कली शुश शिशी पा लेंशा खुप्‍ताक्‍न। भजन संग्रह ३०:६

यसैया 56:8

मोदेंशो लोव़ पाइब परमप्रभु, परमप्रभु यावेमी खेरशो इस्राएली आन कली खुप्‍ब। मिनु “गो मेको आन कली अरु खुप्‍शो मुर नु देल्‍पाइक्‍नुङ। मेकोपुकी नु बाक्‍पाइक्‍चा कली तेम्‍नुङमी” देंत।

यसैया 59:19

मिनु नां पेरतीकेमी बाक्‍ब मुरपुकीमी परमप्रभु यावे कली मान पा हिंनीम। नां दाप्‍तीक ङा मुरपुकी परमप्रभु यावे आ छेङछेङ तशा, मान पा हिंनीम। मारदे हना मेको परमप्रभु यावे बारशो खोला खोदेंशो पा जाक्‍ब। मिनु आ फशेमी मेको आन कली मुइश्‍शा खेरब।

यसैया 60:4

इ मिक्‍च हिरशा, कोव़ङो। इ मुर नेल्‍ल ग्रुम्‍शा, इ बाक्‍तीके जाक्‍नीम। इ तौपुकी ङोन रागी रे जाक्‍नीम। इ तमी आन कली मुप्‍शा कुरशा चाक्‍नीम। यसैया ४९:१८; यसैया ४९:२२; यसैया ६६:१२

यसैया 62:10

ओव़ङीन, ठेयब लाप्‍चो रे ओव़ङीन। मिनु मुर आन गाक्‍तीके लां थेल्‍शा, सेलीन। ठेयब लां रे फुल्‍लु याक्‍तीन। जात जात ङा मुर आन कली चिन्‍ड वोतीन। यसैया ५७:१४

यसैया 66:19

मिनु गो मेको आन दातेमी चिन्‍ड का वोइक्‍नुङ। मिनु मेको आन दाते ङा प्रोंइशो आन कली रागी रागीम सोइक्‍नुङमी। गो मेको आन कली टारशीश, पूत नु लूद सोइक्‍नुङमी। लूद ङा मुर चहिं लिब्रा आप्‍ब बाक्‍‍नीम। गो तूबल, यावान नु समुन्‍द्र आ नेक्‍था ङा रागी मेर सोइक्‍नुङमी। मेकोपुकीमी आं नें मतुइक्‍ब आं छेङछेङ मताइब रागी रागी ङा मुर आन कली आं पर्बम शेंनीम। मत्ती १८:१९ तूबल नु यवान ग्रीस रागी बाक्‍ब।

येरमीया 23:3

परमप्रभु यावेमी “गो आं लीशो बगाल नेल्‍ल आन कली इन खेरशो रागी रे खुप्‍शा लेश्‍शा, आन बगालम चाक्‍नुङमी। मिनु मेकोपुकी मेकेर सोशा बोशा शुश दुम्‍नीम।

येरमीया 30:17

गो इ कली लेंशा ङोंइती ङा खोदेंशो मारेइ मदुम्‍शो सेल्‍नुङ। मिनु इ गारपुकी सापाइक्‍नुङमी। मारदे हना इ कली ‘प्रोंइचा पुंइसीशो नु सुइम मिम्‍चा मपुंइसीशो सियोन’ देंनीम” दे परमप्रभु यावेमी देंत। येरमीया ३३:६; यसैया ५७:१८-१९

येरमीया 50:4

मेको नाक्‍ती इस्राएल ङा मुरपुकी नु यहूदा ङा मुरपुकी काथा ङाक्‍ना ङाक्‍न परमप्रभु यावे, आन परमप्रभु कली माल्‍थ गाक्‍नीम। येरमीया ३१:९

येरमीया 51:12

बेबीलोन ङा गारो आ ङोंइती छेदर ख्रुक्‍‍कीन। शुश कोव़ब वोतीन। खाल पाइब वोतीन। बाप्‍ब आन कली ठीक पा वोतीन। परमप्रभु यावेमी बेबीलोन ङा मुर आन पर्बम आ मिम्‍शो पाप्‍तु।

इजीकीएल 28:25

परमप्रभु, परमप्रभु यावेमी “गो इस्राएल आ खिं ङा मुर आन कली मेको आन ब्रशा बाक्‍शो रागी रागी ङा मुर आन दाते रे ग्रुम्‍पाइक्‍नुङमी। मिनु गो परमप्रभु यावे नङ, दे रागी रागी ङा मुर आन ङोंइती तुइक्‍पांइसीनुङ। मेना मेकोपुकी आं गेय पाइब याकूब कली गेशो रागीम बाक्‍चा ताइनीम।

होसे 1:11

मिनु यहूदा आ मुर नु इस्राएल आ मुर लेंशा गारशा का दुम्‍नीम। मिनु मेकोपुकीमी मुर का कली सासन पाइब सेल्‍नीम। मिनु मेको रागी रे ग्रूनीम। मारदे हना येज्रेल आ नाक्‍त ठेयब दुम्‍ब” देंत। यसैया ११:११-१३; येरमीया ३:१८; इजीकीएल ३७:२२

होसे 2:2

इन ममा कली हुइक्‍तीन। मेको कली शुश हुइक्‍तीन। मारदे हना मेको आं मीश मबाक्‍ब। मिनु गो मेको आ वोंइश मनङ। मेकोमी आ मिक्‍च वोंइश मुर गे हिरचा प्रोनल। मिनु आ दूध आस दाते ङा नाता ख्रोइश्‍शा, ग्रांग्रा दिशो गेय प्रोनल। इजीकीएल १६:२३;

सेफन्‍याह 3:10

मिनु आं नें ठेयब सेल्‍ब एथीयोपीया ङा खोला आइक्‍ची हांम ङा ब्रशा बाक्‍शो आं मुरपुकीमी आं कली चढ़ेतीक थोव़क चाक्‍नीम। भजन संग्रह ६८:३२; यसैया १८:१; प्रेरित ८:२७

जकरिया 10:6

गो यहूदा आ खिं ङा मुर आन कली बोल्‍यो सेल्‍नुङ। योसेफ आ खिं ङा मुर आन कली श्‍येत रे प्रोंइनुङ। मेको आन कली ङोंइती ङा खोदेंशो सेल्‍नुङ। मारदे हना गो मेको आन कली शिशी पाइनुङ। मेकोपुकी गेनायो मतिल्‍शो खोदेंशो दुम्‍नीम। मारदे हना गो परमप्रभु यावे, मेको आन परमप्रभु नङ। गो मेको आन कली लोव़ लेत्‍नुङमी।

जकरिया 8:7

मुर नेल्‍ल आन परमप्रभु यावेमी मार देंत देंशा हना “गो आं मुर आन कली पूर्ब ङा रागी नु पच्‍छिम ङा रागी रे पा प्रोंइ‍नुङमी।

यूहन्‍ना 7:35

मिनु यहूदीपुकीमी “एको ते लचा चिक्‍शो बाक्‍मे? मिनु गोपुकीमी एको कली मथित्‍नीकी? ग्रीस ङा मुर आन बाक्‍तीक लशा, मेकेर ब्रशा बाक्‍शो यहूदी आन कली ममाइ, तन्‍न ग्रीस ङा मुर आन कली शेंचा दाक्‍बा, कों?

ब्‍यवस्‍था 32:26

गो मेको आन कली ङोन ङोन सम्‍म ब्रापाइक्‍नुङ। गो मेको आन कली मुर आन दातेम ममिम्पाइक्‍नुङ।

याकूब 1:1

गो, याकूब, परमप्रभु यावे नु प्रभु येसु ख्रीस्‍त आस वाइल नङ। गो ब्रशा बाक्‍शो १२ थर ङा यहूदी इन कली नमो पाइनुङ। गे रिम्‍शो बाक्‍कीन।

प्रकाश 5:9

मिनु मेकोपुकीमी पाठा कली नक कुम्‍सो का पाम्‍तेक्‍म। मार नक कुम्‍सो पाम्‍तेक्‍म देंशा हना “मेको कागज ताक्‍ने नु प्राक्‍ने चाप्‍ब, गे का ला ननी। मारदे हना गे मुर आन कली परमप्रभु यावे आ नेक्‍था बाक्‍पाइक्‍चा कली ग्‍याप्‍तीनी। दोपा ग्‍याप्‍तीनी देंशा हना, साइक्‍चा पुंइसीशा, इन हुश शाइश्‍शा ग्‍याप्‍तीनी। मिनु गे मार मुर ग्‍याप्‍तीनी देंशा हना, नेल्‍ल थर रे, नेल्‍ले लोव़ रे, नेल्‍ल जात रे नु नेल्‍ल रागी रे मुरपुकी ग्‍याप्‍तीनी। भजन संग्रह ३३:३

प्रकाश 7:1

मिनु नोले गो ४ जना परमप्रभु यावे आ स्‍वर्ग ङा गेय पाइबपुकी रागी ङा ४ कुनामी राप्‍शो तातामी। मेकोपुकी रवा आ सफा काइ यो महिम्‍पाइक्‍चा, रागी नु समुन्‍द्रमी फश मपपाइक्‍चा कली राप्‍शो बाक्‍तेक्‍म। दानीएल ७:२