यसैया 10:5 - Sunuwar Bible

⁵ आबी, अस्‍सुर रागी, गे आं गाइक्‍तीक ङा कोर्रा, आं गाइक्‍तीके कोक्‍के कुरब दुम्‍ते। यसैया १०:१५

यसैया 10:5 ပူးပေါင်းရင်းမြစ်များ

उत्पत्ती 10:11

निम्रोद मेको रागी रे अस्‍सुर जाक्‍शा, निनवे, रेहोबोथ-इर नु कालाह सहर सेला बाक्‍त।

२ राजा 18:25

मिनु अर्को लोव़, मार गो एको रागीम परमप्रभु यावे नु सल्‍ला मपथु खतम पोक्‍थ जाक्‍ङा ङा? परमप्रभु यावेमी आं कली ‘एको रागीम लडाइ पा खतम पोक्‍को’ देंशो बाक्‍ब” देंमाक्‍त।

२ राजा 19:25

गे ‘गो साइ ङोंइती रे मेको नेल्‍ल देंशो नङ। गो मेको साइ रे मो पाइनुङ देंशो नङ। मुल गो मेको थुम्‍ता। मार, मेको मनेंशो बाक्‍नीनी? गे गारो हिरशो सहर आन कली प्रेश्‍शा, फुल्‍लु तेल्‍शो खोदेंशो सेल्‍शो बाक्‍‍‍नेवे।

भजन संग्रह 125:3

परमप्रभु आ अरेशो मटीब आन हुकुम पतीके ठीक पाइब आन रागीम मदुम्‍ब। मिनु ला ठीक पाइबपुकीमी दूली मपाइनीम।

भजन संग्रह 17:14

परमप्रभु यावे, इन गुइमी रागी दाक्‍ब मुर आन गुइ रे प्रोंइ‍यीनी। मेकोपुकी मबेक्‍मा सम्‍म रिम्‍शो ला ताइनीम। गे मेको आन कोव़ज ब्रोव़शो थोव़कम प्रिंनीनी। मेको आन तौपुकी यो रूथ्री जाइनीमी। मिनु आन लीशो मारेइ मारेइ आन तौपुकीम ताइनीम।

यसैया 10:15

खा क्‍येङा खा चलेब ठेयब बाक्‍बा ङा?। आरा क्‍येङा आरा कीब ठेयब बाक्‍बा ङा?। मोदेंशो मदुम्‍त हना कोक्‍केमी कोक्‍के गुप्‍ब कली याम्‍पाइक्‍बा ङा?। मिनु शीमी शी कली गुप्‍ने चाप्‍बा ङा?। यसैया १०:५

यसैया 10:25

मारदे हना इच्‍का नोले इन पर्बम आं गाइश्‍शो नुप्‍ब। मिनु अस्‍सुर ङा मुर आन कली गाइश्‍शा साइक्‍नुङमी” देंत।

यसैया 13:5

मेकोपुकी ङोन रागी रे जाक्‍नीम। रागी ङा सुर रे पा जाक्‍नीम। मिनु परमप्रभु यावेमी गाइश्‍शा, या शेशा रागी नेल्‍ल खतम सेल्‍पाइक्‍ब। योएल १:१५

यसैया 14:24

मिनु मुर नेल्‍ल आन परमप्रभु यावेमी कसम जशा “थमा पा, आं ङोंइती मिम्‍शो खोदेंशो पा दुम्‍पाइक्‍नुङ। गो आं देंशो पाइनुङ।

यसैया 14:25

गो अस्‍सुर ङा मुर आन कली आं रागीम साइश्‍शा, आं डांडा दिम्‍पाइक्‍नुङमी। मोपा आं जुवा ग्रुंइनुङ। मिनु आन श्‍येत आन बला रे फेत्‍नुङ।

यसैया 23:13

कल्‍दी ङा मुर आन रागी कोव़ङीन। अस्‍सुरम ममाइ, कल्‍दीपुकीम सहर नेल्‍ल मुर मबाक्‍तीके सेल्‍तेक्‍म। मेको टायर सहर ब्‍वाकी ङा जन्‍तु आन बाक्‍तीक सेल्‍तेक्‍म। मेको सहर पुम्‍चा कली लाइश्‍शो खिं सेल्‍तेक्‍म। सहर ङा दरवार प्रेत्‍तेक्‍म। सहर नेल्‍ल खतम सेल्‍‍तेक्‍म।

यसैया 26:20

आं मुरपुकी जाक्‍शा, इन खिं ओव़ङीन। मिनु इन नोले लाप्‍चो चोक्‍कीन। गाइक्‍चा मनुम्म सम्‍म इच्‍का नाक्‍ती ख्रुंइ‍सीन। मत्ती ६:६

यसैया 29:2

मो हना यो, गो मेको कली श्‍येत गेनुङ। मेकेर ङाक्‍शा, रोंका पाइनीम। यरूसलेम आं कली अरीएल का बाक्‍ब।

यसैया 30:27

कोव़ङीन, परमप्रभु यावे ङोन रे जाक्‍ना जाक्‍न बाक्‍ब। आ गाइश्‍शो मी खोदेंशो पा ब्रशा, शुश कुन ग्रूब। आ शोव़ चुरचामी ब्रीशो नु आ लें ग्राव ग्रु दाक्‍ब मी खोदेंशो बाक्‍ब।

यसैया 30:30

मिनु परमप्रभु यावेमी आ ठेयब सेंदामी लोव़ पशा नेंपाइक्‍ब। मेकोमी गाइश्‍शा चुरशा, आ गुइ याम पाइश्‍शा, मारेइ मारेइ नेक्‍ब मी ब्रपाइश्‍शा, बुंबु पपाइश्‍शा, रेउ नु मुप्‍स यिपाइश्‍शा कोंइब।

यसैया 30:9

मारदे हना एको मुर काइ मटीब बाक्‍नीम। थमा मसुइक्‍ब आल बाक्‍नीम। मेको आलपुकीमी परमप्रभु यावे आ शेंतीक लोव़ नेंचा मदाक्‍नीम।

यसैया 34:2

मारदे हना परमप्रभु यावे रागी रागी नेल्‍ल आन पर्बम गाइक्‍ब। मेको आन लडाइ पाइब आन पर्बम चुरब। मेको आन कली क्‍याम्‍चा कली साइक्‍ब कली गेशो बाक्‍ब।

यसैया 66:14

गेपुकी मेको कली तशा, शुश ग्‍येरशा, इन थुं बारपाइक्‍नीनी। गे घांस बारशो खोदेंशो पा बारनीनी” देंत। परमप्रभु यावेमी आ गेय पाइब आन कली वारच पाइब, दे मुर नेल्‍लेमी तुइक्‍नीम। मेको आ जोरी सत्रु आन पर्बम गाइक्‍ब।

यसैया 7:17

परमप्रभु यावेमी अस्‍सुर ङा पिप आ गुइ रे इन कली, इन मुर आन कली नु इन खिं ङा मुर आन कली हिंचा ङा श्‍येत गेपाइक्‍ब। मोदेंशो श्‍येत एफ्राइम यहूदा रे ब्राम रे गेनायो मदुम्‍शो बाक्‍ब” देंत।

यसैया 7:20

मेको नाक्‍त परमप्रभुमी युफ्रेटीस खोला आइक्‍ची हांबु रे क्‍येट थाप्‍शा चाक्‍शो छूराम, अस्‍सुर ङा पिपमी पिया ङा चां नु गिरशी प्रेक्‍पाइक्‍ब। मेको छूरामी गाल शोक्रे यो प्रेक्‍पाइक्‍ब। २राजा १५:२९

यसैया 8:4

मारदे हना मेको आलम आम आफ देंस जोक्‍चा क्‍येङा ङोंइती दमस्‍कस ङा शोंप नु सामरीया ङा रोइश्‍शो नेल्‍ले अस्‍सुर ङा पिपम लाइक्‍ब” देंत। यसैया ७:१८; २राजा १६:९

यसैया 8:7

मोपतीके गो यहूदा ङा मुर आन कली श्‍येत गेपाइक्‍चा कली युफ्रेटीस खोला ङा ब्‍वाक्‍कु खोदेंशो पा अस्‍सुर ङा पिप नु आ लडाइ पाइब शुश आन कली चाक्‍नुङमी। मिनु मेको खोला बारशो खोदेंशो पा आ एर ओंथ नेल्‍ल सुम्‍नीम।

इजीकीएल 22:31

मोपतीके गो आ गाइश्‍शो मेको आन तार मोइक्‍नुङ। आं चुरशो मीमी मेको आन कली खतम सेल्‍‍नुङमी” दे परमप्रभु, परमप्रभु यावेमी देंत। इजीकीएल २१:३६

इजीकीएल 7:10

मेको नाक्‍ती मुल बाक्‍ब। इ खतम दुम्‍तीके जाक्‍ना जाक्‍न बाक्‍ब। कोक्‍के आ कोच्‍वा दाप्‍त। ठेयब लेत्‍तीक फू खोदेंशो पा बोइक्‍त। यसैया २:१२

दानीएल 11:36

पिपमी मार दाक्‍बा, मेको पाइब। मिनु मेकोमी ‘देवी देवता नेल्‍ल आन क्‍येङा ठेयब नङ’ देंब। मिनु परमप्रभु नेल्‍ल आन क्‍येङा ठेयब परमप्रभु आ पर्बम गेनायो मनेंसीशो मरिम्‍शो लोव़ पाइब। मेको आ नोले ङा नाक्‍त मजाक्‍म सम्‍म आ माल्‍शो ताइब। परमप्रभुमी मेको कली सजाइ मगेवा सम्‍म मोदेंशो दुम्‍‍ब। मारदे हना परमप्रभुमी मार पचा मिम्‍बा, मेको पाइब। २थिस्‍सलोनिकी २:४; दानीएल ७:८,२५; प्रकाश १३:५-६

नहुम 1:1

एको निनवे सहर आ पर्बम परमप्रभु यावे आ पशो लोव़ बाक्‍ब। एको एल्‍कोश ङा नहुममी तशा ब्रेक्‍शो लोव़ बाक्‍ब। मेकोमी मार ब्रेक्‍शो बाक्‍ब देंशा हना,

हबकुक 1:12

मिनु हबकुकमी “परमप्रभु यावे, आं परमप्रभु, गे का ला आं परमप्रभु बाक्‍नीनी। गो मबेक्‍नीकी। परमप्रभु यावे, गे मेको आन कली निसाफ पचा कली योव़तीनी। गे, आं सेरथे फुल्‍लु, गे मेको आन कली सजाइ गेचा कली वोइक्‍तीनी। येरमीया १०:२४

सेफन्‍याह 2:13

मेकोमी उत्तर गे आ गुइ दिंशा अस्‍सुर कली खतम पोक्‍ब। निनवे कली कोक्‍त नु गोरशो रागी खोदेंशो सेल्‍ब। नहुम १:१

गन्‍ती 24:24

कित्तीम रे जहाजपुकी जाक्‍नीम। मिनु मेकोपुकीम अश्‍शुर नु एबेर कली श्‍येत गे‍नीम। मिनु मेकोपुकी यो खतम दुम्‍नीम” देंत। उत्‍पत्ती १०:-४; उत्‍पत्ती १०:२१-२२