यसैया 10:26 - Sunuwar Bible

²⁶ मुर नेल्‍ल आन परमप्रभु यावेमी मेको आन कली कोर्राम युक्‍ब। मेको ओरेब ङा सेरथे फुल्‍लु आ नेक्‍था ङा लडाइम मिदयान कली फ्रुशो खोदेंशो दुम्‍ब। मेकोम इजीप्‍तम खोदेंशो पा आ कोक्‍के समुन्‍द्र तार दिंब। न्‍यायाधीस ७:२५; भजन संग्रह ८३:१०; प्रस्‍थान १४:२६-२७

यसैया 10:26 ပူးပေါင်းရင်းမြစ်များ

२ राजा 19:35

मिनु मेको नाक्‍दो परमप्रभु यावे आ स्‍वर्ग ङा गेय पाइब का जाक्‍माक्‍त। मिनु मेकोमी अस्‍सुर ङा पिप आ लडाइ पाइब आन बाक्‍तीकेम ओव़शा, लाख का ८५ हजार मुर आन कली साइक्‍मी बाक्‍त। मिनु आ दीसा सुनी मुरपुकी बोक्‍मानु मेकेर बेक्‍शो मुर ला तामे बाक्‍त। यसैया ३७:३६-३८

भजन संग्रह 35:23

बोक्‍कीने। मिनु आं कली वारच पाइय्‍यीनी। परमप्रभु, आं परमप्रभु यावे, आं पोन बोक्‍कीन।

भजन संग्रह 83:11

गे मेको आन कली नु मेको आन ठेयब मुर आन कली ओरेब नु जेयब आस कली खोदेंशो सेलीन। मेको आन सासन पाइब नेल्‍ल कली जेबाह नु साल्‍मुन्‍ना खोदेंशो सेलीन। न्‍यायाधीस ७:२५; न्‍यायाधीस ८:२१

प्रस्‍थान 14:16

इ कोक्‍के लल समुन्‍द्र तार दिंदो। मो पवीनु, समुन्‍द्र ब्राशा, गाक्‍तीक लां दुम्‍ब। इस्राएलीपुकी हिलो मबाक्‍शो लांम गाक्‍ने चाप्‍नीम।

यसैया 10:24

मोपतीके परमप्रभु, मुर नेल्‍ल आन परमप्रभु यावेमी “सियोनम बाक्‍ब, आं मुरपुकी अस्‍सुर ङा मुर क्‍येङा महिनीन। इन कली इजीप्‍तम खोदेंशो पा कोक्‍केम तुप्‍तेक्‍म हना यो, महिनीन।

यसैया 11:16

अस्‍सुर ङा लीशो आ मुर इस्राएली आन कली जाक्‍चा कली ठेयब लां का दुम्‍ब। मेको लां इस्राएली इजीप्‍त रे ग्रूशा गाक्‍शो लां खोदेंशो दुम्‍ब। प्रस्‍थान १४:२९

यसैया 30:30

मिनु परमप्रभु यावेमी आ ठेयब सेंदामी लोव़ पशा नेंपाइक्‍ब। मेकोमी गाइश्‍शा चुरशा, आ गुइ याम पाइश्‍शा, मारेइ मारेइ नेक्‍ब मी ब्रपाइश्‍शा, बुंबु पपाइश्‍शा, रेउ नु मुप्‍स यिपाइश्‍शा कोंइब।

यसैया 30:31

मिनु परमप्रभु यावेमी अस्‍सुर ङा मुर आन कली कोक्‍केम तेप्‍ब। मेको आ सेंदा नेंशा, अस्‍सुर ङा मुर साप्‍पान हिंनीम। २राजा १९:३५-३७

यसैया 30:32

मिनु परमप्रभु यावेमी गिश खेयप तुप्‍बा, मीश खेयप खैजडी नु बीना ताप्‍शो नेंसीब। परमप्रभु आंमा अस्‍सुर ङा मुरपुकी नु लडाइ पाइब।

यसैया 9:3

परमप्रभु, गे रागी रागी ङा मुर आन कली सोशा बोशा दुम्‍पाइक्‍तीनी। मेको आन कली थाम्‍पान ग्‍येरपाइक्‍तीनी। मेको आन कली इन ङोंइती बाली नाली ओंइची ना खोदेंशो पा ग्‍येरपाइक्‍तीनी। लडाइ ग्राशा, आन रोइश्‍शो मार मार योक्‍सीची ना खोदेंशो पा ग्‍येरपाइक्‍तीनी।

यसैया 9:4

मेको आन हेल्‍शो जुवा, मेको आन बला ङा भार नु मेको आन कली दिप्‍ब मुर आन कोक्‍के जिक्‍ताक्‍नी। गे मिदयान रागी ङा लडाइम खोदेंशो पा मेको आन कली युक्‍ब आन युक्‍तीके जिक्‍तीनी। भजन संग्रह ८१:७; न्‍यायाधीस ७:१४; न्‍यायाधीस १५:२२

प्रकाश 11:18

मिनु रागी रागी ङा मुरपुकी गाइक्‍ताक्‍म। मिनु मेको आन पर्बम गाइक्‍ताक्‍नी। बेक्‍शो मुर आन कली निसाफ पची ना दुम्‍त। मिनु इन लोव़ पाइब, इन नोले खोइक्‍ब, इन नें कली मान पा हिंब, आइक्‍च नु ठेयब मुर नेल्‍ल आन कली इनाम गेची ना दुम्‍त। मिनु गे रागी कली बिग्रेब मुर आन कली बिग्रेथ जाक्‍तीनी” दे परमप्रभु यावे कली देंतेक्‍म। भजन संग्रह २:३

प्रकाश 19:15

मिनु मेको ङोंइती ङा बुश शारा ङोइक्‍ब आ शोव़ रे रागी रागी ङा मुर आन कली साइक्‍चा कली हेश्‍शो तरवार का ग्रूत। मिनु मेकोमी फलाम के कोक्‍केमी मेको आन कली सासन पाइब, नेल्‍ल सक्ति पाइश्‍शो परमप्रभु यावे आ गाइक्‍चा ङा कोल खोइलीमी दिम्‍ब। भजन संग्रह २:९; प्रकाश १४:१९-२०

न्‍यायाधीस 7:25

मेकोपुकीमी मेको मिदयानी आन कली खेदा पस ङा पस पा आन कप्‍तान निक्‍शी ओरेब नु जेयब कली ग्‍याइक्‍तमे बाक्‍त। मिनु मेकोपुकीमी ओरेब कली ओरेब आ फुल्‍लु तारी नु जेयब कली आ अङगुर ख्राक्‍तीक कोलमी सदमे बाक्‍त। मिनु नोले मेकोपुकीमी ओरेब नु जेयब आस पिया क्‍योरशा, यर्दन आइक्‍ची हांम गिदोन आ बाक्‍तीकेम चाक्‍गमे बाक्‍त।