यसैया 10:22 - Sunuwar Bible

²² इन इस्राएल ङा मुर समुन्‍द्र ङा बाल्‍वा खोदेंशो पा शुश बाक्‍तेक्‍म हना यो, का निक्‍शी ला लेत्‍नीम। अरु चहिं नेल्‍ल साइक्‍चा पुंइसीनीम। मिनु ठीक प‍तीक ठेयब दुम्‍ब। रोमी ९:२७

यसैया 10:22 ပူးပေါင်းရင်းမြစ်များ

उत्पत्ती 18:25

ममाइ, गे मोदेंशो पा मक्‍याम्‍नीनी। गे ठीक पाइब नु मरिम्‍शो पाइब आन कली खाल का ङा पा मसाइक्‍नीनी। थमान, ठीक पाइब नु मरिम्‍शो मुर आन कली खाल का ङा मपाइनीनी। गे रागी रागी ङा निसाफ पाइब बाक्‍शा, ठीक निसाफ पाइनीनी” देंमाक्‍त। भजन संग्रह ८२:१; भजन संग्रह ९४:२

१ राजा 4:20

यहूदा नु इस्राएल ङा मुरपुकी समुन्‍द्र ङा बाल्‍वा खोदेंशो पा शुश बाक्‍मा बाक्‍त। मेकोपुकी जशा तूशा ग्‍येरशा बाक्‍बाक्‍मा बाक्‍त। १राजा ३:८; उत्‍पत्ती १३:१६

२ राजा 19:31

मारदे हना यरूसलेम रे लीशो मुरपुकी लाइनीम। सियोन डांडा रे हुल का ब्रोंइशो मुर ग्रूशा जाक्‍नीम। मुर नेल्‍ल आन परमप्रभु यावेमी आ जोंब बोक्‍शा मेको पाइब” देंमाक्‍त। यसैया ९:६

यसैया 37:31

यहूदा आ खिं ङा लीशोपुकी लेंशा, सोशा बोशा, शाक्‍श थोक्‍शा, फल सित्‍नीम। शुश दुम्‍नीम।

यसैया 46:3

“याकूब आ खिं ङा मुर, आं लोव़ नेनीन। इस्राएल आ खिं ङा लीशो मुरपुकी आं लोव़ नेनीन। गे जरमेसीनी रे इन कली कुरता। गे कोव़जीम बाक्‍नी रेन इन कली कुरता।

यसैया 48:19

मिनु इन आल समुन्‍द्र ङा बाल्‍वा खोदेंशो पा शुश दुम वा। मिनु इन चच युइ अन्‍न खोदेंशो पा शुश दुम वा। आन नें गेनायो मक्‍याम्‍स वा। मिनु आं ङोंइती रे खतम मदुम वा। उत्‍पत्ती २२:१७

यसैया 59:20

मिनु सियोनम का जाक्‍ब। मिनु मेकेर ङा मुर आन कली पाप रे प्रोंइब। मेकोमी हेंथे पतीके रे लेप्‍ब याकूब आ खिं ङा मुर आन कली रोमी ११:२६

यसैया 6:11

मिनु गो “परमप्रभु, गेना सम्‍म मो पचा माल्‍नुङा?” देंती। मिनु मेकोमी “सहर ब्रेश्‍शा मुर मबाक्‍तीके मदुम सम्‍म, खिं नेल्‍ल श्‍येत्‍थ नु रागी नेल्‍ल मुर मबाक्‍शो मदुम सम्‍म मोदेंशो पावो।

यसैया 6:13

मिनु १० भागम भाग का मुर लीतेक्‍म हना, मेकोपुकी यो चोचा पुंइसीनीम। ठेयब नु बोल्‍यो रवा तिम्‍शा हना यो, आन ठुटा लीब। मेको लीशो ठुटा आं मुर, इस्राएल आ वांचेर बाक्‍नीम” देंत। आमोस ५:३; यसैया ७:३; यसैया १०:२०-२१

यसैया 60:22

मेको नेल्‍ल क्‍येङा महिक्‍सीशो थर का दुम्‍नीम। मिनु नेल्‍ल क्‍येङा आइक्‍च मुरपुकी ठेयब रागी ब्रीशा, सक्ति पाइश्‍शो दुम्‍नीम। मेना गो, परमप्रभु यावेमी मेको रीब पा पाइनुङ” देंत।

यसैया 65:8

मिनु परमप्रभु यावेमी “दोपा अङगुर आगाम रस बाक्‍बा, मिनु ‘मेको कली मताइक्‍चा, रस बाक्‍ब’ देंनीमी, मोपा मबिग्रेचा कली आ आगाम आसीक बाक्‍ब। गो मेको आं गेय पाइब आन पर्बम मोदेंशो पाइनुङ। यसैया ६:१३; उत्‍पत्ती १८:२६-३२

यसैया 8:8

मिनु मेको बारशा, यहूदा आ शुर सम्‍म जाक्‍दीत्‍नीम। आ लडाइ पाइबपुकीमी हाम्‍शो फ्रांम खोदेंशो पा इन रागी नेल्‍ल सुम्‍नीम। तन्‍न इम्‍मानुएल, परमप्रभु यावे गे नु बाक्‍ब” देंत।इम्‍मानुएल आ अर्थ “परमप्रभु यावे गे नु बाक्‍ब” देंशो बाक्‍ब। यसैया ७:१४

येरमीया 3:14

मिनु परमप्रभु यावेम मेको आन कली “लेतीन। थमा सुइक्‍ने मचाप्‍ब आलपुकी लेतीन। मारदे हना गो इन होव़प नङ। गो सहर रे मुर का कली नु खिं रे मुर निक्‍शी आस कली योव़नुङमी। मिनु इन कली सियोनम चाक्‍नन्‍नी। यसैया ६:१३

येरमीया 44:28

तरवार रे ब्रोंइशोपुकी इजीप्‍त रे यहूदा रागीमी का निक्‍शी ला लेत्‍चा ताइनीम। मिनु इजीप्‍तम बाक्‍ब यहूदा ङा मुर नेल्‍लेमी ‘आं देंशो थमा बाक्‍म देय मेको आन लोव़ थमा बाक्‍ब’ दे नोले तुइक्‍नीम” देंत।

दानीएल 9:27

मेकोमी हप्‍ता का सम्‍म शुश मुर नु कबल पाइब। मिनु आधा हप्‍तामी चढ़ेतीक नेल्‍ल तेक्‍ब। मिनु मेकोमी चढ़ेतीक आ पा ङा शुश ग्रांग्रा दिचा ङा गेय पाइब। मेको कली खतम सेल्‍तीक लोव़ मग्रूम सम्‍म मोदेंशो पाइ‍ब” देंत। दानीएल ८:११; दानीएल ११:३१; दानीएल १२:११; मत्ती २४:१५; यसैया १०:२२-२३

होसे 1:10

इस्राएलीपुकी समुन्‍द्र ङा बाल्‍वा खोदेंशो पा शुश दुम्‍नीम। मिनु सुइमी मेको आन कली पुक्‍ने नु हिक्‍ने मचाप्‍नीम। ते मेको आन कली ‘गेपुकी आं मुर मननी’ देंशो बाक्‍मे मेकेर मेको आन कली ‘गेना हना यो ब्रोंइशा बाक्‍ब परमप्रभु आ मुर’ देंनीम। उत्‍पत्ती २२:१७; रोमी ९:२६

प्रेरित 17:31

मारदे हना काबु नेल्‍ल आन कली ठीक पा निसाफ पाइब। मेको निसाफ पची नाक्‍त परमप्रभुमी योव़शा वोइश्‍शो बाक्‍ब। निसाफ पाइब यो योव़शा वोइश्‍शो बाक्‍ब। मेको निसाफ पाइब कली ‘आं योव़शो बाक्‍ब’ दे कोंइचा कली बेक्‍शो रे सेंताक्‍व” दे पावलमी शेंदीमी बाक्‍त। प्रेरित १०:४२; मत्ती २५:३१-३३

रोमी 2:5

इन थुं परमप्रभु यावे गे मलेत्‍तीके परमप्रभु यावे आ गाइश्‍शो तेम्‍नीनी। मिनु आ ठीक निसाफ पची नाक्‍त शुश सजाइ ताइनीनी।

प्रकाश 20:8

मोपा ग्रूशा, रागी नेल्‍ल ङा मुर आन कली परमप्रभु यावे कली मटिथु, हेंथे गाक्‍पाइक्‍तु। हेंथे गाक्‍बपुकी चहिं गोग नु मागोग माइश्‍शो ङा मुरपुकी देंनीम। मिनु सैतानमी हिक्‍ने मचाप्‍चा ङा मुर आन कली लडाइ पचा कली खुप्‍ताक्‍व। इजीकीएल ३८:२