यसैया 10:20 - Sunuwar Bible

²⁰ मिनु मेको नाक्‍ती इस्राएल ङा लीशो मुरपुकी नु याकूब आ खिं ङा प्रोक्‍शा ब्रोंइशो मुरपुकी लेंशा, आंम कली तुप्‍ब गे मलाइनीम। तन्‍न मेकोपुकी थमा पा परमप्रभु यावे, इस्राएली आन का ला बाक्‍शो परमप्रभु आ नोले खोइक्‍नीम। यसैया ६:१३; यसैया ७:३

यसैया 10:20 ပူးပေါင်းရင်းမြစ်များ

२ राजा 16:7

मिनु आहाजम अस्‍सुर ङा पिप तिग्‍लात-पिलेसेर कली “गो इन गेय पाइब नु इन तौ नङ। आं कली लडाइ तोइब अराम नु इस्राएल ङा पिप रे प्रोंइचा नङ। मेकोपुकीम आं कली लडाइ तोशो बाक्‍नीम” देंशा लोव़ कुरब मुर सोइक्‍ता बाक्‍त। २इतिहास २८:१६-२७

२ राजा 19:31

मारदे हना यरूसलेम रे लीशो मुरपुकी लाइनीम। सियोन डांडा रे हुल का ब्रोंइशो मुर ग्रूशा जाक्‍नीम। मुर नेल्‍ल आन परमप्रभु यावेमी आ जोंब बोक्‍शा मेको पाइब” देंमाक्‍त। यसैया ९:६

२ इतिहास 14:11

मिनु आसामी परमप्रभु यावे, आ परमप्रभु कली “परमप्रभु यावे, गे सक्ति पाइश्‍शो नु सक्ति मपाइश्‍शो मुर आन कली वारच पने चाप्‍नीनी। सु कली वारच पचा दाक्‍नीनी, मेकोन चाप्‍नीनी। परमप्रभु यावे, आंइ परमप्रभु, आंइ कली वारच पाइय्‍यीकी। मारदे हना गो इन कली थमा सुइक्‍नीकी। मिनु गोपुकी इन नेंमी एको इश्‍का लडाइ पाइब नु लडाइ पथ जाक्‍तक। परमप्रभु यावे, आंइ परमप्रभु, इन कली सुइ मुरुम ग्राने मचाप्‍नीम” दे पुना बाक्‍त। १सामुएल १४:६

२ इतिहास 28:16

मेना पिप आहाजम अस्‍सुर ङा पिप कली “वारच पाइक्‍की” दे पुंइथ मुर सोइक्‍ता बाक्‍त।

२ इतिहास 28:20

मिनु अस्‍सुर ङा पिप ति‍ल्‍गथ-पिलेसेर मेको कली वारच पाइक्‍थ जाक्‍माक्‍त। तन्‍न मेकोमी मेको कली वारच पाइक्‍चा आ पा ङा श्‍येत कका गेवा बाक्‍त।

एज्रा 9:14

गो लेंशा इन शेंशो लोव़ मटिथु, मेको ग्रांग्रा दिशो गेय पाइब नु ग्‍युं‍बे पाइनीकी ङा? गे गोपुकी नु चुरशा, आंइ कली मसाइक्‍नीनी ङा? मिनु ब्रोंइशा बाक्‍ब सुइ मलीब।

यसैया 1:9

मुर नेल्‍ल आन परमप्रभु यावेमी “का निक्‍शी मुर महें‍शो हना, गेपुकी सोदोम नु गोमोररा खोदेंशो दुम्‍नी वा” देंत। उत्‍पत्ती १९:२४-२५; रोमी ९:२९

यसैया 11:11

मेना परमप्रभुमी आ लीशो मुर आन कली लेंशा प्रोंइशा चाक्‍ब। मिनु ते रे प्रोंइशा चाक्‍ब देंशा हना, अस्‍सुर, इजीप्‍त, पथ्रोस, एथीयोपीया, एलाम, शिनार, हमाथ नु समुन्‍द्र आ नेक्‍था रे प्रोंइशा चाक्‍ब। इजीकीएल ३७:२१-२२

यसैया 11:16

अस्‍सुर ङा लीशो आ मुर इस्राएली आन कली जाक्‍चा कली ठेयब लां का दुम्‍ब। मेको लां इस्राएली इजीप्‍त रे ग्रूशा गाक्‍शो लां खोदेंशो दुम्‍ब। प्रस्‍थान १४:२९

यसैया 37:4

इन परमप्रभु यावे, इन परमप्रभुमी राब्‍शाके आ लोव़ नेंना माइ। अस्‍सुर ङा पिपमी मेको कली गेना हना यो ब्रोंइशा बाक्‍ब परमप्रभु कली शुक्‍शी पथ सोइक्‍ताक्‍व। मेको आ लोव़ नेंशा, परमप्रभु यावे, इन परमप्रभुमी मेको कली सजाइ गेबा कों? मोपतीके लीशो मुर आन पर्बम पुनीन’ देंत” दे मेकोपुकीमी देंतेक्‍म।

यसैया 46:3

“याकूब आ खिं ङा मुर, आं लोव़ नेनीन। इस्राएल आ खिं ङा लीशो मुरपुकी आं लोव़ नेनीन। गे जरमेसीनी रे इन कली कुरता। गे कोव़जीम बाक्‍नी रेन इन कली कुरता।

यसैया 50:10

इन दातेमी परमप्रभु यावे कली मान पा हिंब सु बाक्‍नी? मिनु आं गेय पाइब आं देंशो टीब सु बाक्‍नी? मेको छिङछिङम गाक्‍शा, छेङछेङ काइ मताइब बाक्‍त हना यो, परमप्रभु यावेम “आं कली श्‍येत रे प्रोंइब” दे थमा सुइश्‍शा, आ परमप्रभु कली जिम्‍मा गेंसीशो बाक्‍ब।

यसैया 6:13

मिनु १० भागम भाग का मुर लीतेक्‍म हना, मेकोपुकी यो चोचा पुंइसीनीम। ठेयब नु बोल्‍यो रवा तिम्‍शा हना यो, आन ठुटा लीब। मेको लीशो ठुटा आं मुर, इस्राएल आ वांचेर बाक्‍नीम” देंत। आमोस ५:३; यसैया ७:३; यसैया १०:२०-२१

येरमीया 3:23

थमा पा, पहाड ङा देवी देवता आन थान जोल बाक्‍नीम। डांडा मेर ठेयब चाड सेल्‍तीके नेल्‍ल जोल बाक्‍नीम। थमा पा परमप्रभु यावे, आंइ परमप्रभु इस्राएल कली पाप रे प्रोंइब बाक्‍ब।

येरमीया 44:14

मोपा इजीप्‍तम बाक्‍शो यहूदा ङा लीशो मुर सुइ प्रोक्‍चा मताइनीम। सुइ मब्रोंइनीम। मिनु सुइ यहूदा रागी लेत्‍चा मताइनीम। मो हना यो मेकेर बाक्‍चा कली लचा दाक्‍नीम। ङोंइती प्रोक्‍शा लशो का निक्‍शी ला लेत्‍चा ताइनीमी” देंत।

होसे 14:3

अस्‍सुर ङा मुरपुकीमी आंइ कली प्रोंइने मचाप्‍नीम। गोपुकी लडाइ पथ शारा ङोइश्‍शा मगाक्‍नीकी। मिनु गो आंम सेल्‍शो थोव़क कली ‘इं परमप्रभु’ दे गेनायो मदेंनीकी। मारदे हना रोम रोइक्‍चपुकीमी इन शिशी ताइनीम” दे परमप्रभु कली देंनीन।

होसे 5:13

एफ्राइम नु यहूदामी आस श्‍येत तुइक्‍तसे नोले, एफ्राइममी अस्‍सुर ङा ठेयब पिप कली ‘वारच पने’ दे पुंइथ मुर सोइक्‍ताक्‍व। तन्‍न मेकोमी इ कली वारच पने मचाप्‍ब। होसे ७:११; होसे १०:६; होसे १२:२

मीका 5:3

मिनु परमप्रभु यावेमी इस्राएली आन कली काइ मकोव़ब। मिनु मीश मुरुमी आल थिवा नोले ला कोव़ब। मेना लीशो मुरपुकी इस्राएल ङा मुर नु गारशा, लेत्‍चा पुंइसीनीम। इजीकीएल ३४:२३

सेफन्‍याह 3:13

इस्राएल ङा लीशोपुकीमी लेंशा दूली मपाइनीम। मेकोपुकीमी जोल मपाइनीम। हेंथे लोव़ मपाइनीम। मेकोपुकी जशा तूशा गोल्‍शा बाक्‍नीम। सुइम मेको आन कली हिंच मकोंइ‍नीम।