यसैया 10:2 - Sunuwar Bible

² क्‍येट मथीब आन कली ठीक निसाफ मपाइ‍नीमी, आन मुर आन दाते ङा प्रुङग आन कली ठीक मपाइनीमी, मेकोपुकीम वोंइश बेक्‍शो मीश मुर आन मार मार योल्‍नीमी, रोम रोइक्‍च आन बाक्‍शो नेल्‍ल रोइक्‍नीम।

यसैया 10:2 ပူးပေါင်းရင်းမြစ်များ

अय्‍युब 31:16

गो प्रुङग आन कली आन माल्‍शो थोव़क मगेशो बाक्‍‍ती हना, आन वोंइश बेक्‍शो मीश मुर आन कली ङाक्‍पाइश्‍शो बाक्‍‍ती हना, अय्‍युब २९:१२

भजन संग्रह 94:6

मेकोपुकीमी आन वोंइश बेक्‍शो मीश मुर नु अर्को रागी ङा मुर आन कली साइश्‍शो बाक्‍नीम। मिनु रोम रोइक्‍च आन कली यो साइश्‍शो बाक्‍नीम।

प्रस्‍थान 23:6

मिनु प्रुङग मुर का पित हना, मेको कली प्रुङग बाक्‍त हना यो, ठीक निसाफ पने। ब्‍यवस्‍था २५:१९; भजन संग्रह ८२:२-४; उपदेसक ५:७; यसैया १:१७

हितोपदेस 22:22

प्रुङग आन के मारेइ मबाक्‍ब, दे मेको आन के मारेइ मरोइक्‍तो। मिनु श्‍येत जाइब कली ठीक निसाफ पावो। प्रस्‍थान २३:६

हितोपदेस 30:14

का निक्‍शी मुर आन ख्रुइ तरवार नु छूरी खोदेंशो बाक्‍ब। मेकोपुकीमी प्रुङग आन कली नाक्‍‍शा, श्‍येत जाइब आन कली ब्‍वाइनीम।

यसैया 1:17

रिम्‍शो पचा शेंसीन। ठीक निसाफ पतीक मालीन। दिप्‍चा पुंइसीशो आन कली वारच पने। रोम रोइक्‍च आन कली वारच पने। वोंइश बेक्‍शो मीश मुर आन कली वारच पतीन” देंत। येरमीया ७:५-६

यसैया 1:23

इ सासन पाइबपुकी मटीब नु खुइ आन वारच दुम्‍शा, घूस जशा, क्‍येट ताक्‍चा दाक्‍नीम। मेकोपुकीम रोम रोइक्‍च आन कली ठीक निसाफ मपाइनीम। वोंइश बेक्‍शो मीश मुर आन लोव़ मनेंनीम” देंत।

यसैया 29:21

मेकोपुकीमी मुर आन कली निसाफ पतीकेमी ब्रुपाइक्‍नीम। मिनु ठीक पाइब नु निसाफ पाइब कली ब्‍वारदम रेप्‍पाइक्‍नीम। मारेइ मरिम्‍शो मपाइब कली मोशा दोस गेपाइक्‍नीम। आमोस ५:१०

यसैया 3:14

मिनु परमप्रभु यावेमी आ मुर आन दाते ङा खाल्‍पापुकी नु हुकुम पाइब आन कली निसाफ पाइब। मेकोमी “गे अङगुर रू नेल्‍ल आंम के सेल्‍तीनी। प्रुङग आन के रोइश्‍शो मार मार इन खिंम बाक्‍नीम। यसैया ५:७

यसैया 3:15

दोपा गेपुकीमी आं मुर आन कली मो पने चाप्‍‍नी? प्रुङग आन कली चिनु प्रुङग सेल्‍तीनी” दे परमप्रभु, मुर नेल्‍ल आन परमप्रभु यावेमी देंत।

यसैया 32:6

मारदे हना मूर्ख मुर मूर्ख लोव़ ला पाइनीम। मेको आन थुंमी मरिम्‍शो पचा ला मिम्‍शा बाक्‍नीम। परमप्रभु यावे कली मटीनीम। मेको आ पर्बम दूली शेंनीम। शोव़लु बेक्‍ब आन थुं श्‍येत्‍थ लीपाइक्‍नीम। मिनु तूतू दाक्‍ब आन कली तूचा मगेनीम।

यसैया 5:23

गेपुकीम घूस जशा, ठीक मपाइब कली “ठीक पाइब बाक्‍ब” नु ठीक पाइब कली “ठीक मपाइब बाक्‍ब” देंनीनी। प्रस्‍थान २३:८

यसैया 5:7

मारदे हना मुर नेल्‍ल आन परमप्रभु यावे आ दाक्‍शो अङगुर रू इस्राएल आ खिं ङा मुर नु यहूदा ङा मुरपुकी बाक्‍नीम। मिनु मेकोम ठीक निसाफ पतीके रिम्‍ताक्‍व। तन्‍न दूली निसाफ पाम्‍तेक्‍म। ठीक पतीके रिम्‍ताक्‍व, तन्‍न मरिम्‍शो पतीके ला दुम्‍त।

यसैया 59:15

थमा पतीक तेइ मथिंसीब। रिम्‍शो पाइब आन मारेइ मारेइ रोइक्‍चा पुंइसीनीम। मिनु परमप्रभु यावेमी मेको ताप्‍तु। मिनु ठीक निसाफ मबा, दे थम गाइश्‍शो बाक्‍त।

येरमीया 7:6

गेपुकीमी अर्को रागी ङा मुर आन कली, रोम रोइक्‍च नु आन वोंइश बेक्‍शो मीश मुर आन कली मदिप्‍तीनी हना, दोस मताइब मुर आन कली मसाइक्‍तीनी हना नु आंम इन कली श्‍येत सेल्‍चा, दे देवी देवता आन नोले मखोइक्‍तीनी हना, येरमीया ५:२८

बिलाप 3:35

नेल्‍ल क्‍येङा ठेयब आ ङोंइती मुर आन कली ठीक निसाफ मगेथु, दूली पाइनीम।

इजीकीएल 22:7

मिनु मेकेरन आल आन आम आफ तशा महिक्‍नीम। मेकेरन अर्को रागी ङा मुर आन कली दिप्‍‍नीम। मिनु रोम रोइक्‍च नु आन वोंइश बेक्‍शो मीश मुर आन कली मरिम्‍शो पाइनीम। प्रस्‍थान २२:२०-२१

आमोस 2:6

मिनु परमप्रभु यावेमी “गो इस्राएल आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोपुकीमी ठीक पाइब आन कली चांदी के क्‍येटीम नु मारेइ मथीब आन कली जोर का चेपल ताक्‍शा लेयतेक्‍म। आमोस ८:६

आमोस 2:7

मिनु प्रुङग आन पिया फुरकुम खोल्‍शा दिम्‍नीम। श्‍येत जाइब आन कली नेप्‍शा ग्रुंइनीम। पोबु निम्‍फा मीश आल का नु बाक्‍शा, आं नें ग्रांग्रा दिशो सेल्‍नीम। आमोस ८:४

आमोस 5:19

मेको नाक्‍ती मुर का गुप्‍स रे प्रोक्‍शा, वां कली ग्रुम्‍शो खोदेंशो बाक्‍ब। खिं लशा बाक्‍चा कली आ गुइ गारोम वोदानु, बुस्‍सुम कोक्‍शो खोदेंशो दुम्‍‍ब।

मीका 3:1

मिनु गो “गे, याकूब आ ठेयब मुरपुकी नु इस्राएली आन खिं ङा हुकुम पाइबपुकी, इन नोफा दाइश्‍शा नेनीन। गे ठीक निसाफ तुइक्‍चा ममाल्‍नीनी ङा? येरमीया ५:५

मलाकी 3:5

तन्‍न मेको क्‍येङा ङोंइती “गो निसाफ पचा कली इन बाक्‍तीकेमी जाक्‍नुङ। गो टुना मुना पाइबपुकी, मुर आन मीश वोंइश नु इप्‍बपुकी, जोल पा कसम जाइबपुकी, गेय पाइब आन कली गाल्‍च मगेबपुकी, वोंइश बेक्‍शो मीश मुर, रोम रोइक्‍च, नु अर्को रागी ङा मुर आन कली निसाफ पा मगेबपुकी नु आं क्‍येङा महिंब नेल्‍ल आन कली निसाफ पथ जाक्‍नुङ” दे मुर नेल्‍ल आन परमप्रभु यावेमी देंत।

मत्ती 23:13

सास्‍त्री नु फरिसीपुकी, गे कपटी, इन कली तशा थुं खाइक्‍ती। मारदे हना स्‍वर्ग ङा राज्‍य ओव़तीक लां तेक्‍नीनी। गे मओव़नीनी, मिनु अरु आन कली यो ओव़चा मगेनीनी।