यसैया 10:16 - Sunuwar Bible

¹⁶ मोपतीके परमप्रभु, मुर नेल्‍ल आन परमप्रभु यावेमी अस्‍सुर ङा दोम्‍शो लडाइ पाइब मुर आन कली बेक्‍तीक रोइ सोइक्‍नुङ। मिनु मेको आन रां चोशो खोदेंशो पा जेश्‍शा नुप्‍ब।

यसैया 10:16 ပူးပေါင်းရင်းမြစ်များ

२ इतिहास 32:21

मिनु परमप्रभु यावेम आ स्‍वर्ग ङा गेय पाइब का अस्‍सुर ङा पिप आ बाक्‍तीकेम सोइश्‍शा, आ बोल्‍यो लडाइ पाइबपुकी, आ कप्‍तानपुकी नु आ ठेयब मुरपुकी नेल्‍ल साइक्‍पदा बाक्‍त। मिनु सन्‍हेरीब मुने दोक्‍शा आ रागी लेम्‍माक्‍त। मिनु मेको आ देवता थान ओव़मेनु, आ तौ का निक्‍शीमी तरवारम क्‍योरशा सदमे बाक्‍त।

भजन संग्रह 106:15

मिनु परमप्रभुमी मेको आन पुंइशो गेशो बाक्‍त। तन्‍न मेको आन दातेमी बेक्‍तीक रोइ सोइश्‍शो बाक्‍त।

भजन संग्रह 78:31

परमप्रभु शुश गाइक्‍ताक्‍व। मिनु मेको आन दातेम नेल्‍ल क्‍येङा बोल्‍यो मुर आन कली साइक्‍तीमी। इस्राएल ङा ठिटा नेल्‍ल आन कली साइक्‍तीमी।

यसैया 10:18

मिनु ब्‍वाकी ङा दारस नु फल फुल नेल्‍ले मुर खोदेंशो पा सोव़ना सोव़न लाइनीम। मेको आन रां नु थुं निम्‍फा खतम दुम्‍नीम। रोइ पाइब मुर ओंखां पा बेक्‍शा लशो खोदेंशो पा बेक्‍शा लाइनीम।

यसैया 17:4

मिनु परमप्रभु यावेमी “मेको नाक्‍ती याकूब आ मुर आन रिम्‍स नेल्‍ल लाइब। मेको नेल्‍ल गेयनीम।

यसैया 26:11

परमप्रभु यावे, इन गुइ मेको आन पर्बम क्‍युक्‍शो बाक्‍तीनी हना यो, मेकोपुकीमी मतुइक्‍नीम। गे इन मुर आन कली दाक्‍शो तशा, मेकोपुकी मुने दोक्‍मल। इन जोरी सत्रु आन कली नेक्‍ब मीमी मेको आन कली यो नेक्गल। यसैया ३७:३२

यसैया 31:9

अस्‍सुर ङा पिप, सेरथे फुल्‍लु खोदेंशो बोल्‍यो बाक्‍त हना यो, हिंशा प्रोक्‍ब। आ कप्‍तान आन छेदर प्रोंइशा प्रोक्‍नीम। परमप्रभु यावेमी आं चुप्‍लु सियोनम नु आं मी यरूसलेमम बाक्‍ब” देंत। ब्‍यवस्‍था ३२:३१

यसैया 37:29

मारदे हना गे आं पर्बम गाइक्‍तीनु, इ ठेयब लेश्‍शो नेंता। मोपतीके गो इ नेंम बोल्‍सी का ब्‍वेक्‍नुङ। मिनु इ शोव़मी लगम पाइश्‍शा इ जाक्‍शो लां लेप्‍पाइश्‍शा सोइक्‍नन’ देंत, दे मतीन” दे मुर सोइताक्‍मी।

यसैया 37:36

मिनु परमप्रभु यावे आ स्‍वर्ग ङा गेय पाइब का अस्‍सुर ङा मुर आन बाक्‍तीकेम लशा, लाख का ८५ हजार जना मुर सदा बाक्‍त। मिनु मुरपुकी सुनी बोक्‍शा कोव़ङमेनु, बेक्‍शो मुर ला ताम्‍तेक्‍म। यसैया १७:१४; यसैया ३१:८

यसैया 5:17

मिनु पाठापुकी आंम रागीम खोदेंशो पा जोइनीम। अर्को रागी ङा मुरपुकीमी शोंप नु लीशो मारेइ मारेइ जाइनीम।

यसैया 8:7

मोपतीके गो यहूदा ङा मुर आन कली श्‍येत गेपाइक्‍चा कली युफ्रेटीस खोला ङा ब्‍वाक्‍कु खोदेंशो पा अस्‍सुर ङा पिप नु आ लडाइ पाइब शुश आन कली चाक्‍नुङमी। मिनु मेको खोला बारशो खोदेंशो पा आ एर ओंथ नेल्‍ल सुम्‍नीम।

यसैया 9:4

मेको आन हेल्‍शो जुवा, मेको आन बला ङा भार नु मेको आन कली दिप्‍ब मुर आन कोक्‍के जिक्‍ताक्‍नी। गे मिदयान रागी ङा लडाइम खोदेंशो पा मेको आन कली युक्‍ब आन युक्‍तीके जिक्‍तीनी। भजन संग्रह ८१:७; न्‍यायाधीस ७:१४; न्‍यायाधीस १५:२२

यसैया 9:5

मारदे हना लडाइ पाइब आन जुत्ता नु आन फेक्‍तीक वा नेल्‍ल हुश लुम्‍सीशो बाक्‍नीम। मेको मीम चोतीक दुम्‍नीम।

येरमीया 21:14

गो इन कली इन पशो खोदेंशो पा कोव़शा, सजाइ गे‍नन्‍नी। गो इन ब्‍वाकीम मी सुइक्‍नुङ। मिनु मेकोमी इन एर ओंथ बाक्‍शो मारेइ मारेइ नेक्‍ब, दे परमप्रभु यावेमी देंत’ देनो” देंत। गलाती ६:७; इजीकीएल २१:३

येरमीया 48:14

गेपुकीम ‘गोपुकी बोल्‍यो नु सक्ति पाइश्‍शो लडाइ पाइब बाक्‍नीकी’ दे दोपा देंने चाप्‍नीनी?

इजीकीएल 34:16

गो जाम्‍शो आन कली माल्‍नुङमी। हेंथे गाक्‍शो आन कली माल्‍शा थिश्‍शा चाक्‍नुङमी। गो गार दुम्‍शो आन कली ओख्‍ती ख्रेक्‍नुङमी। मचाप्‍शो आन कली बोल्‍यो सेल्‍नुङमी। तन्‍न गो दोम्‍शो नु सक्ति पाइश्‍शो आन कली साइक्‍नुङमी। गो मेको आन कली ठीक पा योव़नुङमी” देंत।

नहुम 1:12

परमप्रभु यावे आ लोव़ मार बाक्‍ब देंशा हना “मेको थम सक्ति पाइश्‍शो नु शुश मुर बाक्‍तेक्‍म हना यो, साइश्‍शा क्‍याम्‍चा पुंइसीनीम। यहूदा, गो इ कली श्‍येत गेतन हना यो, मुल इ कली श्‍येत मगेनन।

सेफन्‍याह 2:13

मेकोमी उत्तर गे आ गुइ दिंशा अस्‍सुर कली खतम पोक्‍ब। निनवे कली कोक्‍त नु गोरशो रागी खोदेंशो सेल्‍ब। नहुम १:१

जकरिया 7:4

मिनु मुर नेल्‍ल आन परमप्रभु यावेमी मार देंत देंशा हना

प्रेरित 12:23

पिप हेरोदमी परमप्रभु यावे कली मान मपथु, आंमान ठेयब सेल्‍सीतीके परमप्रभु यावे आ स्‍वर्ग ङा गेय पाइबमी मेको कली रोइ पपदा बाक्‍त। मिनु मेको हेरोद लुस्‍पु जोल्‍शा बेक्‍माक्‍त। दानीएल ५:२०