यसैया 1:8 - Sunuwar Bible

⁸ सियोन आ तमी, यरूसलेम, चहिं अङगुर रू खाल पतीक खिं, वोबीस रू खाल पतीक गोठ नु एर ओंथ रे जोरी सत्रुम पुम्‍चा पुंइसीशो सहर खोदेंशो बाक्‍ब” दे लोव़ पाप्‍तु।

यसैया 1:8 ပူးပေါင်းရင်းမြစ်များ

अय्‍युब 27:18

मेको आन खिं ग्‍‍योव़ खोदेंशो पा सेल्‍शो बाक्‍ब। अङगुर रू खाल पाइब मुर आन बाक्‍‍तीके खोदेंशो दुम्‍ब।

भजन संग्रह 9:14

मिनु ब्रोंइशा, गो परमप्रभु आ योव़शो सियोन ङा ठेयब लाप्‍चोम मुर आन कली “परमप्रभुमी आं कली श्‍येत रे प्रोंइती” दे इन कली ठेयब सेल्‍शा, ग्‍येरसीशा तुइक्‍पाइक्‍नुङमी। भजन संग्रह २२:२३; भजन संग्रह १३:६

यसैया 1:7

इन रागी गोरशो रागी दुम्‍ब। इन ङोंइती इन सहर मीम क्रोइक्‍तेक्‍म। इन ङोंइती इन रू ङा मारेइ मारेइ अर्को रागी ङा मुरपुकीम नेक्‍तेक्‍म। मिनु मेकोपुकीम इन रागी लडाइम खोदेंशो पा ग्रांग्‍ये माग्‍ये सेल्‍तेक्‍म।

यसैया 1:9

मुर नेल्‍ल आन परमप्रभु यावेमी “का निक्‍शी मुर महें‍शो हना, गेपुकी सोदोम नु गोमोररा खोदेंशो दुम्‍नी वा” देंत। उत्‍पत्ती १९:२४-२५; रोमी ९:२९

यसैया 10:32

मेकोपुकी मुलाक्‍ती नोबम बाक्‍नीम। मिनु मेकोपुकीमी सियोन डांडा ङा तमी नु यरूसलेम आ डांडा गे आन गुइ क्‍युक्‍शा, हिंच कोंइनीम। १सामुएल २१:२

यसैया 29:3

गो दाऊदम खोदेंशो पा इ कली पुम्‍पाइक्‍नुङ। गारो ङोइक्‍चा कली लाइश्‍शो खिं सेल्‍पाइक्‍नुङ। गो मोदेंशो गेय शुश पपाइक्‍नुङ। लूका १९:४३

यसैया 30:17

मिनु मुर कामी हिंच कोंइशोमी, हजार का मुर प्रोक्‍नीम। ५ जना मुरुम हिंच कोंइशोमी नेल्‍ल प्रोक्‍शा, डांडा तारी कोक्‍के का ख्रुक्‍शो खोदेंशो पा लीनीनी। डांडा तार ङा छे‍दर का खोदेंशो पा लीनीनी” देंत। ब्‍यवस्‍था ३२:३०

यसैया 37:22

परमप्रभु यावेमी सन्‍हेरीब आ पर्बम मार देंत देंशा हना ‘सियोन ङा कन्‍ने तमी इ पर्बम शुक्‍शी पा रिश्‍शो बाक्‍ब। यरूसलेम ङा तमीमी इ नोले कोव़शा, आ पिया हिक्‍शो बाक्‍ब।

यसैया 37:4

इन परमप्रभु यावे, इन परमप्रभुमी राब्‍शाके आ लोव़ नेंना माइ। अस्‍सुर ङा पिपमी मेको कली गेना हना यो ब्रोंइशा बाक्‍ब परमप्रभु कली शुक्‍शी पथ सोइक्‍ताक्‍व। मेको आ लोव़ नेंशा, परमप्रभु यावे, इन परमप्रभुमी मेको कली सजाइ गेबा कों? मोपतीके लीशो मुर आन पर्बम पुनीन’ देंत” दे मेकोपुकीमी देंतेक्‍म।

यसैया 4:4

परमप्रभु यावेमी सियोन ङा तमी नु यरूसलेम ङा मुर आन पाप निसाफ पतीक नु क्‍याम्‍तीकेमी क्‍याम्‍ताक्‍व हना,

यसैया 49:21

मिनु गे इ थुंमी ‘एको आलपुकी आं कली सुम थिशा गेयी? गो आल मथीब दुम्‍शो बाक्‍ती। आं रागी रे ग्‍याइश्‍शा लाइक्‍चा पुंइसाक्‍यी। सुम मेको आन कली थुल्‍शा कोल्‍पदा? गो दा आं का ला लीशो बाक्‍ती। एको ते रे जाक्‍मा?’ दे मिम्‍नेवे” देंत।

यसैया 62:11

परमप्रभु यावेमी रागी आ सुर सम्‍म ङा मुर नेल्‍ल आन कली “सियोन आ तमी कली ‘इ कली पाप रे प्रोंइब जाक्‍ना जाक्‍न बाक्‍ब। इ कली गेतीक इनाम मेको नु बाक्‍ब। मेको इ ततीक इनाम आ ङोंइती गाक्‍ब’ देंशो बाक्‍ब। जकरिया ९:९; यसैया ४०:९-१०

यसैया 8:8

मिनु मेको बारशा, यहूदा आ शुर सम्‍म जाक्‍दीत्‍नीम। आ लडाइ पाइबपुकीमी हाम्‍शो फ्रांम खोदेंशो पा इन रागी नेल्‍ल सुम्‍नीम। तन्‍न इम्‍मानुएल, परमप्रभु यावे गे नु बाक्‍ब” देंत।इम्‍मानुएल आ अर्थ “परमप्रभु यावे गे नु बाक्‍ब” देंशो बाक्‍ब। यसैया ७:१४

येरमीया 4:17

मेकोपुकी रू खाल पाइक्‍बपुकी खोदेंशो पा, एर ओंथ नेल्‍ल हिरशा बाक्‍शो बाक्‍नीम। मारदे हना मेकेर ङा मुरपुकी आं कली काइ मटीब बाक्‍नीम” दे परमप्रभु यावेमी देंत। येरमीया १:१५; येरमीया ६:३

येरमीया 6:2

सियोन सहर दारशो योव़तीके खोदेंशो बाक्‍ब। तन्‍न सियोन आ तमी क्‍याम्‍चा पुंइसीब।

बिलाप 2:1

परमप्रभु गाइश्‍शा, सियोन आ तमी कली मुने तोक्‍तु। इस्राएल आ दारस कली सरीङ रे पा रागीमी तोक्‍तु। आ गाइश्‍शो नाक्‍ती आंम खोइल वोइक्‍तीक सियोन कली यो प्रेंताक्‍व। भजन संग्रह १३२:७-८

बिलाप 2:6

मेकोमी आंम ताम्‍बु कली रू ङा कटेरा खोदेंशो पा प्रेत्‍तु। मेकोमी आ बाक्‍तीके खतम सेल्‍तु। परमप्रभु यावेमी सियोनम चाड नु नाइक्‍तीक नाक्‍ती मानेतीक प्रोंइतु। आ शुश गाइश्‍शोम पिप नु चढ़ेब नेल्‍ल आन कली मुने तोक्‍तु। अय्‍युब २:१३; येरमीया ५:१२

जकरिया 2:10

सियोन आ तमी, ग्‍येरशा सोम्‍शा कुम्‍सो पावो। मारदे हना गो इन दा‍तेमी बाक्‍थ जाक्‍नुङ।

जकरिया 9:9

सियोन आ तमी, साप्‍पा ग्‍येरसो। यरूसलेम आ तमी ग्‍येरशा ठेयब सेंदा पा ग्रीङो। मारदे हना इ पिप इ बाक्‍तीकेमी जाक्‍ना जाक्‍न बाक्‍ब। मेको ग्राशा ग्‍येरसीशा जाक्‍ब। मेको ब्रेम्‍शो बाक्‍ब। मेको गधा तार ङोइश्‍शा जाक्‍ब। गधा आ चाइक्‍ब तार ङोइश्‍शा जाक्‍ब। सेफन्‍याह ३:१४; मत्ती २१:५

यूहन्‍ना 12:15

“सियोन ङा मुर, महिनीन। कोव़ङीन, इन पिप गधा ङोइश्‍शा पिना पिन बाक्‍ब” दे ब्रेक्‍शो बाक्‍त। जकरिया ९:९