यसैया 1:6 - Sunuwar Bible

⁶ पिया रे खोइल सम्‍म तेइ सेस मबाक्‍ब। राक्‍शो गार नु तुप्‍शा हुश यिशो गार ला बाक्‍नीम। मेको नेंने मपुक्‍शो, मफ्रेंशो नु तेल मख्रेक्‍शो बाक्‍नीम। ब्‍यवस्‍था २८:३५

यसैया 1:6 ပူးပေါင်းရင်းမြစ်များ

२ सामुएल 14:25

इस्राएल नेल्‍लेमी अब्‍सालोम खोदेंशो दारशो सुइ मबाक्‍मा बाक्‍त। आ पिया रे खोइल सम्‍म मेको के मारेइ मरिम्‍शो मदुम्‍शो मबाक्‍माक्‍त।

अय्‍युब 5:18

मारदे हना मेकोमी गार सेल्‍ब। मिनु मेकोमीन फ्रेंब। मेकोमी तुप्‍ब। मिनु मेकोमीन सापाइक्‍ब। ब्‍यवस्‍था ३२:३९; होसे ६:१

भजन संग्रह 77:2

गो श्‍येत जङानु, परमप्रभु कली माल्‍ता। गो नाक्‍दो यो मदथु, परमप्रभु कली पुंइता। आं थुं खाइक्‍स ङा खाइक्‍स बाक्‍त।

यसैया 30:26

मिनु तास्‍ला आ छेङछेङ नां आ छेङछेङ खोदेंशो दुम्‍ब। नां आ छेङछेङ चहिं ७ ओटा नां आ छेङछेङ खोदेंशो दुम्‍ब। मेको ७ नाक्‍त ङा छेङछेङ दुम्‍ब। मेना परमप्रभु यावेमी आ मुर आन गार फ्रेंब। तुप्‍शो गार सापाइक्‍ब।

येरमीया 17:9

मुर आन थुं नेल्‍ल क्‍येङा जोल पाइब बाक्‍ब। गेना हना यो दूली पाइब बाक्‍ब। मेको कली सुम रुप्‍ने चाप्‍बा ङा? १सामुएल १६:७; बजन संग्रह ७:१०; हितोपदेस १५:११; रोमी २:६

येरमीया 30:12

मिनु परमप्रभु यावेम “इ गार मसाब। मेको मरिम्‍शो बाक्‍ब। येरमीया १५:१८

येरमीया 30:15

मारदे गे इ मसाब गार आ पर्बम वाइ ब्रेश्‍शा ङाक्‍नेवे? इ खाइश्‍शो मसाब। मारदे हना इ दोस तशो नु इ शुश पाप पशो आ पर्बम गो इ कली मो पाइश्‍शो बाक्‍नुङ।

येरमीया 33:6

गो आं मुर आन कली सापाइक्‍नुङमी। मिनु गो मेको आन कली सापाइश्‍शा, आन माल्‍शो गेशा मारेइ मदुम्‍थु रिम्‍शो पा बाक्‍चा गेनुङमी। येरमीया ३०:१७

येरमीया 6:14

मेकोपुकीमी आं मुर आन कली ममिम्‍थु, आन गार सापाइक्‍खु पशो बाक्‍नीम। मेकोपुकीमी थुं नाइक्‍तीक मबाक्‍त हना यो ‘नांइ‍सीन, नांइ‍सीन’ देंनीम।

येरमीया 6:7

इनारम दोपा आ ब्‍वाक्‍कु बारपाइक्‍बा, मोपा मेकोमी आ परमप्रभु यावे आ अरेशो मटितीके बारपाइक्‍ब। मेको आ आगाम काइ मरिम्‍शो पतीक नु मारेइ मारेइ खतम पोक्‍तीक आ पर्बम लोव़ नेंसीब। मेको आ रोइ नु आ सेल्‍शो गार गेना हना यो आं ङोंइती बाक्‍नीम।

नहुम 3:19

इ गार कली मारेइम यो सापाइक्‍ने मजाप्‍ब। इ गार बेक्‍चा ङा बाक्‍ब। मिनु इ पर्बम लोव़ नेंब मुर नेल्‍ल शुश हिंनीमी। मारदे हना इ गेनायो मनुप्‍ब मरिम्‍शो पतीकेमी सुइ ब्रोंइने मचाप्‍शो बाक्‍तेक्‍म” देंत।

मलाकी 4:2

तन्‍न गे आं नें कली मान पाइब, इन ङोंइती आं ठीक पतीके नां खोदेंशो पा दाप्‍ब। इन रोइ यो सानीनी। गे गोठ रे पा ग्रूशो बाछा खोदेंशो पा प्रेक्‍ना प्रेक्‍न दोरनीनी। लूका १:७८

मत्ती 9:12

येसुमी मेको आन देंशो नेंशा “रोइ मपशो मुर सापाइक्‍ब ममाल्‍नीम। रोइ पशो मुर चहिं सापाइक्‍ब माल्‍नीम। इजीकीएल ३४:१६

लूका 10:34

तुप्‍शो मुर आ गारमी तेल नु ओख्‍ती ख्रेक्‍शा वाम फ्रेंशा, आ गधा तारी ङोइक्‍पाइश्‍शा, होटेल सम्‍म लाइश्‍शा, बास पुंइशा, जचा बाक्‍चा गेवा बाक्‍त।