यसैया 1:29 - Sunuwar Bible

²⁹ गे रवा आगाम पूजा पशो आ पर्बम मुने दोक्‍नीनी। इन दाक्‍शा योव़शो रवा रू आ पर्बम शुश मुने दोक्‍नीनी। यसैया ५७:५; यसैया ६५:३

यसैया 1:29 ပူးပေါင်းရင်းမြစ်များ

यसैया 30:22

मेना इन मुशा सेल्‍शो चांदी नु सुनम गिल्‍शो मूर्तिपुकी ग्रांग्रा दीनीनी। गे मेको आन कली ग्रांग्रा दिचा ङा वा खोदेंशो पा ताइक्‍नीनी। मिनु मेको आन कली “ङोन लने” दे ताइक्‍नीनी। यसैया २७:९

यसैया 31:7

मारदे हना मेको नाक्‍ती गे नेल्‍लेमी इन सुन नु चांदी के मूर्ति नेल्‍ल बेरपाइक्‍‍नीनी। गे मेको पाप पा इन आंम गुइमी सेल्‍तीनी। यसैया २:२०

यसैया 42:17

मुशा सेल्‍शो मूर्ति नु चेम्‍शा सेल्‍शो मूर्ति आन कली थमा सुइश्‍शा ‘गे आं देवी देवता बाक्‍नीनी’ देंबपुकी गिम्‍सीशा, मुने दोक्‍नीम” देंत।

यसैया 45:16

मूर्ति सेल्‍ब नेल्‍ल मुने दोक्‍शा, कालेम आन कुल राव किक्‍शा लाइनीम। यसैया ४४:९-११

यसैया 57:5

गे ठेयब रवा आन पुंमी तेल्‍लेम खोदेंशो पा, मूर्ति पूजा पाइनीनी। गे गिगी रवा नेल्‍ल आन पुंमी मोदेंशो पाइनीनी। गे इन आल आन कली खोल्‍सा नु सेरथे फुल्‍लुमी चढ़ेनीनी।

यसैया 65:3

मेको मुरपुकीमी आं कली गेना हना यो गाइक्‍पाइक्‍स ङा गाइक्‍पाइक्‍स पा फू बारीम चढ़ेनीम। इंटा तारी धूप चोइनीम।

यसैया 66:17

मिनु “सु सु देवी देवता आन ङोंइती जाक्‍चा कली चोव़खेसीशा, आंम कली ठीक सेल्‍नीमी, फू रू लशा, मेको रू आ दातेमी बाक्‍ब पोव़ श्‍ये ब्‍वाइब आ नोले खोइश्‍शा, मेको यो पोव़ श्‍ये ब्‍वशा, ग्रांग्रा दिचा ङा थोव़कपुकी नु यिच ब्‍वाइनीमी, मेकोपुकी कालेमी साइक्‍चा पुंइसीनीम” देंत। यसैया ६५:३-५; इजीकीएल ८:११

येरमीया 2:20

परमप्रभु यावेमी “साइ ङोंइती रे गे इ जुवा जिक्‍तीवी। मिनु इ डोरी प्रोइक्‍तीवी। मिनु गे ‘गो इ गेय मपाइनुङ’ देंते। गे डांडा नु रवा नेल्‍ल आन पुंम तेल्‍लेम पाप्‍तीवी। यसैया ५७:५५; इजीकीएल ६:१३

येरमीया 3:6

योसीयाहम सासन पची ना परमप्रभु यावेमी आं कली “थमा सुइक्‍ने मचाप्‍ब इस्राएलम मार, पवा, मतवी? मेकोमी डांडा नेल्‍ल ङोइश्‍शा, गिगी रवा नेल्‍ल आन पुंम तेल्‍लेम पाप्‍तु। येरमीया २:२०

इजीकीएल 16:63

मिनु गे इ ङोंइती पशो मिम्‍शा मुने दोक्‍नेवे। गो इ पशो गेय नेल्‍ल आन पर्बम माफ गेनन। मिनु गे इ मुने आ पर्बम गे ठेयब लेश्‍शो लोव़ पने मचाप्‍नेवे” दे परमप्रभु, परमप्रभु यावेमी देंत। इजीकीएल ३६:३१-३२

इजीकीएल 36:31

मेना गे इन मरिम्‍शो पशो गेय नु मरिम्‍शो पशो आ पर्बम मिम्‍नीनी। मिनु गे इन मरिम्‍शो पशो नु मूर्ति पूजा पतीके आन आन पर्बम आंमान ग्रांग्रा दीसीनीनी। इजीकीएल २०:४३

इजीकीएल 6:13

मेको आन साइश्‍शो मुर आन मूर्ति आन दाते आन चढ़ेतीक आन एर ओंथ बाक्‍नीम। नेल्‍ल डांडा ङा थानम, नेल्‍ले पहाडम, नेल्‍ल रवा आन पुंम, शुश गिग रवा आन पुंम, नु मूर्ति आन कली धूप चोतीके नेल्‍लेम मोदेंशो बाक्‍ब। १राजा १४:२३

होसे 14:3

अस्‍सुर ङा मुरपुकीमी आंइ कली प्रोंइने मचाप्‍नीम। गोपुकी लडाइ पथ शारा ङोइश्‍शा मगाक्‍नीकी। मिनु गो आंम सेल्‍शो थोव़क कली ‘इं परमप्रभु’ दे गेनायो मदेंनीकी। मारदे हना रोम रोइक्‍चपुकीमी इन शिशी ताइनीम” दे परमप्रभु कली देंनीन।

होसे 14:8

एफ्राइम ङा मुरपुकी, मूर्तिपुकी नु गो आं के मार गेय बाक्‍बा ङा? गो इन कली लोव़ लेत्‍नुङ। मिनु इन कली कोव़नुङ। गो तोव़शी रवा खोदेंशो पा गिग बाक्‍नुङ। इ फल फुल सित्‍चा आं सक्ति रे जाक्‍ब।

होसे 4:13

मेकोपुकीमी डांडामी चढ़ेनीम। मिनु पहाडमी तुल्‍च, पिपल नु सेक्‍ल रवा आन वांकुम धूप चोइनीम। मोपतीके इन तमी तेल्‍लेम दुम्‍नीम। मिनु इन चाइमीपुकी अरु आन वोंइश नु बाक्‍नीम। इजीकीएल ६:१३

होसे 4:19

ठेयब फश गिवार पशा, मेको आन कली योल्‍ब। मिनु मेको आन चढ़ेशो आ पर्बम मुने दोक्‍नीम।

रोमी 6:21

इन पशो मिम्‍शा, मुल यो मुने पाइनीनी। मारदे हना इन मरिम्‍शो पशो बेक्‍पाइक्‍ब बाक्‍त, दे तुइक्‍ताक्‍नी। रोमी ८:६,१३