यसैया 1:23 - Sunuwar Bible

²³ इ सासन पाइबपुकी मटीब नु खुइ आन वारच दुम्‍शा, घूस जशा, क्‍येट ताक्‍चा दाक्‍नीम। मेकोपुकीम रोम रोइक्‍च आन कली ठीक निसाफ मपाइनीम। वोंइश बेक्‍शो मीश मुर आन लोव़ मनेंनीम” देंत।

यसैया 1:23 ပူးပေါင်းရင်းမြစ်များ

२ इतिहास 36:14

मेको प्रोंइशा, चढ़ेब नु मुरपुकीम थाम्‍पा मरिम्‍शो पा, रागी रागी ङा मुर आन ग्रांग्रा दिशो गेयपुकी नेल्‍ल पामे बाक्‍त। मोपा यरूसलेम ङा परमप्रभु यावे आ खिं ग्रांग्रा दिशो सेल्‍मे बाक्‍त। ब्‍यवस्‍था १८:९

प्रस्‍थान 23:8

गेपुकी ख्रुइश्‍शा मारेइ मताक्‍कीन। मारदे हना मेकोमी मिक्‍च सिल्‍ब। मिनु ख्रुइश्‍शा ताक्‍शोमी ठीक पाइब आ मुददा लोक्‍ब। ब्‍यवस्‍था २७:२५; १सामुएल ८:३; हितोपदेस १७:२३

हितोपदेस 17:23

परमप्रभु यावे आ अरेशो मटीब मुरुमी निसाफ दूली सेल्‍चा कली ख्रुइश्‍शा घूस जाइब। प्रस्‍थान २३:८

हितोपदेस 29:24

खुइ नु वारच्‍बु दुम्‍ब मुरुमी आंम आ कली मदाक्‍ब। खुइ पचा पुंइसीब मुर आ सराप नेंबमी यो मारेइ मदेंब। लेवी ५:१

यसैया 1:17

रिम्‍शो पचा शेंसीन। ठीक निसाफ पतीक मालीन। दिप्‍चा पुंइसीशो आन कली वारच पने। रोम रोइक्‍च आन कली वारच पने। वोंइश बेक्‍शो मीश मुर आन कली वारच पतीन” देंत। येरमीया ७:५-६

यसैया 1:18

मिनु परमप्रभु यावेमी “जाक्‍कीन, गोपुकी बुक्‍शा, लोव़सी पय। इन पाप हुश खोदेंशो लल बाक्‍त हना यो, फुं खोदेंशो बुश दुम्‍ब। शुश लल बाक्‍त हना यो, मेको ऊन खोदेंशो बुश दुम्‍ब। यसैया ४४:२२; भजन संग्रह ५१:९

यसैया 1:22

इ चांदी पुलु खोदेंशो दुम्‍त। इ ब्रोव़शो अङगुर शांबुम ब्‍वाक्‍कु ब्‍वाइक्‍ताक्‍म। इजीकीएल २२:१८-२२

यसैया 28:14

मोपतीके गे शुक्‍शी पाइबपुकी, परमप्रभु यावे आ लोव़ नेनीन। गे यरूसलेम ङा मुर आन कली हुकुम पाइनीनी।

यसैया 3:14

मिनु परमप्रभु यावेमी आ मुर आन दाते ङा खाल्‍पापुकी नु हुकुम पाइब आन कली निसाफ पाइब। मेकोमी “गे अङगुर रू नेल्‍ल आंम के सेल्‍तीनी। प्रुङग आन के रोइश्‍शो मार मार इन खिंम बाक्‍नीम। यसैया ५:७

यसैया 30:1

मिनु परमप्रभु यावेमी “आबी, गे काइ मटीब आलपुकी, गे आंम इन मिम्‍शो पाइनीनी। तन्‍न आं देंशो मटीनीनी। गे कबल का पाइनीनी। तन्‍न आं दाक्‍शो मिम्‍शो कबल ममाइ। पाप तारी पाप तेम्‍नीनी। यसैया १:२

यसैया 33:15

सु ठीक पाइबा, रिम्‍शो थुं ङा लोव़ पाइबा, गेयी कि गेयी, दे क्‍येट मताक्‍बा, सुम घूस मजाइ‍बा नु “हुश ख्राक्‍श पोक्‍य” देंमानु, मेको आन लोव़ मटीबा नु मरिम्‍शो पाइब आन पशो काइ तचा मदाक्‍बा। भजन संग्रह १५:-; भजन संग्रह २४:३-४

यसैया 5:23

गेपुकीम घूस जशा, ठीक मपाइब कली “ठीक पाइब बाक्‍ब” नु ठीक पाइब कली “ठीक मपाइब बाक्‍ब” देंनीनी। प्रस्‍थान २३:८

यसैया 65:2

गो काइ मटीब मुर आन कली नाक्‍त रे आं गुइ हाम्‍शा वारच पाइक्‍चा माल्‍ता। मेकोपुकी आंम आन दला दाक्‍स पा मरिम्‍शो लां ला खोइक्‍तेक्‍म। रोमी १०:२१

येरमीया 22:17

तन्‍न इ मिक्‍च नु इ थुंम ठीक पा मचेम्‍शो क्‍येट ला बाक्‍ब। गे दोस मताइब आन हुश शाइक्‍पाइक्‍नेवे। गे मुर आन कली दिप्‍शा हुश ख्राक्‍श पोक्‍नेवे। मरिम्‍शो पचा नु रोइक्‍चा ला दाक्‍नेवे।

येरमीया 32:32

मेको इस्राएल नु यहूदा ङा मुरपुकीमी आं कली गाइक्‍पाइक्‍चा कली आन मरिम्‍शो पशो आन पर्बम पाइनुङ। मेको आन पिप, आन सरकार ङा गेय पाइब, आन चढ़ेब, आं लोव़ पाइबपुकी, यहूदा ङा मुरपुकी नु यरूसलेममी बाक्‍बपुकी नेल्‍लेम मोदेंशो पाम्‍तेक्‍म।

येरमीया 4:17

मेकोपुकी रू खाल पाइक्‍बपुकी खोदेंशो पा, एर ओंथ नेल्‍ल हिरशा बाक्‍शो बाक्‍नीम। मारदे हना मेकेर ङा मुरपुकी आं कली काइ मटीब बाक्‍नीम” दे परमप्रभु यावेमी देंत। येरमीया १:१५; येरमीया ६:३

येरमीया 5:5

गो शुश क्‍येट थीब मुर आन बाक्‍तीके लशा, मेको आन कली लोव़ पाइनुङ। मेकोपुकीम थमा पा परमप्रभु यावे आ लां, आन परमप्रभु आ अरेशो यो तुइक्‍नीम” देंती। तन्‍न मेकोपुकी खाल का ङा दुम्‍शा, जुवा जिक्‍शो बाक्‍तेक्‍म। मिनु डोरी यो प्रोइश्‍शो बाक्‍तेक्‍म। येरमीया २:२०

येरमीया 5:6

मोपतीके परमप्रभुमी “ब्‍वाकी ङा गुप्‍स कामी मेको आन कली ग्राम्‍शा साइक्‍ब। गोरशो रागी ङा फर कामी मेको आन कली खतम सेल्‍ब। जोइ का मेको आन सहर कोव़ना कोव़न बाक्‍शो बाक्‍ब। सु मेकेर रे ग्रूबा, मेकोमी मेको कली क्राइश्‍शा चोकटा लाम्‍टा सेल्‍ब। मारदे हना मेकोपुकी शुश हेंथे गाक्‍ब बाक्‍नीम। मेको आन मटितीके ठेयब बाक्‍ब” देंत। येरमीया ४:७

इजीकीएल 12:2

मार लोव़ पाप्‍तु देंशा हना “ए मुर, गे काइ मटीब खिं ङा मुर आन दातेम बाक्‍शो बाक्‍नेवे। मेको आन के मिक्‍च बाक्‍त हना यो, मताइनीम। मेको आन के नोफा बाक्‍त हना यो, मनेंनीम। येरमीया ५:२१

इजीकीएल 22:27

मेकेर बाक्‍ब आन ठेयब मुर नेल्‍ल फर खोदेंशो बाक्‍नीम। मेकोपुकीम सिखार ग्‍यारनीम। मुर आन कली साइक्‍नीम नु क्‍येट तचा कली मुर आन कली खतम सेल्‍नीम।

होसे 4:18

मेकोपुकीमी शांबु थुम्‍शा यो तेल्‍लेम पना पन बाक्‍नीम। मेको आन सासन पाइब यो मुने दोक्‍‍नीम।

होसे 5:10

यहूदा थर ङा ठेयब मुरपुकी सांद ङा फुल्‍लु याक्‍ब खोदेंशो दुम्‍तेक्‍म। गो आं गाइक्‍तीक मेको आन तारी ब्‍वाक्‍कु खोदेंशो पा मोइक्‍नुङमी। ब्‍यवस्‍था १९:१४

होसे 9:15

मेको आन मरिम्‍शो पतीके नेल्‍ल गिल्‍गालम पाम्‍तेक्‍म। मेक रे गो मेको आन कली तशा ग्रांग्रा दि‍चा गोव़ता। मेको आन काइ मरिम्‍शो पतीके, गो आं खिं रे खेरनुङमी। मेको आन ठेयब मुर नेल्‍ल मटीब बाक्‍नीम।

आमोस 5:12

मारदे हना गो इन शुश मरिम्‍शो पशो तुइक्‍नुङ। गो इन पाप गिश ठेयब बाक्‍बा, मेको तुइक्‍नुङ। गे ठीक पाइब आन कली श्‍येत गेनीनी। घूस ताक्‍नीनी। निसाफ पतीकेमी मारेइ मथीब आन कली नेप्‍शा ग्रुंइनीनी।

मीका 3:11

मेकेर ङा ठेयब मुरपुकीमी घूस जशा निसाफ पाइनीम। मेकेर ङा चढ़ेबपुकीम शेंशो ङा क्‍येट ताक्‍नीम। परमप्रभु यावे आ लोव़ पाइबपुकी क्‍येट तचा कली नोले दुम्‍ब लोव़ पाइनीम। मो हना यो मेकोपुकीमी ‘परमप्रभु यावे आंइ दातेमी बाक्‍ब। गो श्‍येत मजाइनीकी’ देंनीम। येरमीया ७:४

मीका 3:9

याकूब आ खिं ङा ठेयब मुरपुकी नु इस्राएल ङा खिं खिं ङा हुकुम पाइबपुकी एको लोव़ नेनीन। गेपुकीमी ठीक निसाफ पतीक कली ग्रांग्रा दीनीनी। मिनु ठीक लोव़ नेल्‍ल दूली सेल्‍‍नीनी।

मीका 6:12

मेको आ शोंप पाइश्‍शो मुरपुकी हुश ख्राक्‍श पोक्‍तीकेम ब्रीशो बाक्‍नीम। मेको सहर ङा मुरपुकी जोल पाइनीम। मेको आन शोव़ जोल पतीकेमी ब्रीशो बाक्‍ब।

मीका 7:3

मेकोपुकी मरिम्‍शो पचा कली जोक्‍ब बाक्‍नीम। आन ठेयब मुर नु निसाफ पाइबपुकीमी घूस जाइ‍नीम। सक्ति पाइश्‍शोपुकीमी मार मिम्‍तमे मेकोन पाइनीम। मोपा ठीक पतीके कली दूली सेल्‍नीम।

जकरिया 7:10

वोंइश बेक्‍शो मीश मुर, रोम रोइक्‍च, अर्को रागी ङा मुर नु प्रुङग आन कली मदिपीन। मरिम्‍शो पमुचा ममिम्‍तीन। प्रस्‍थान २२:२०-२१

मलाकी 3:5

तन्‍न मेको क्‍येङा ङोंइती “गो निसाफ पचा कली इन बाक्‍तीकेमी जाक्‍नुङ। गो टुना मुना पाइबपुकी, मुर आन मीश वोंइश नु इप्‍बपुकी, जोल पा कसम जाइबपुकी, गेय पाइब आन कली गाल्‍च मगेबपुकी, वोंइश बेक्‍शो मीश मुर, रोम रोइक्‍च, नु अर्को रागी ङा मुर आन कली निसाफ पा मगेबपुकी नु आं क्‍येङा महिंब नेल्‍ल आन कली निसाफ पथ जाक्‍नुङ” दे मुर नेल्‍ल आन परमप्रभु यावेमी देंत।

गन्‍ती 22:7

मिनु मोआब नु मिदयान ङा खाल्‍पापुकीम मेको गेय पचा कली क्‍येट कुरशा, बालाम आ बाक्‍तीक जाक्‍शा, बालाक आ लोव़ शोव़तेक्‍म।

मत्ती 21:13

मिनु “ ‘आं खिं आं कली मान पतीके बाक्‍ब’ दे ब्रेक्‍शो बाक्‍ब। गेपुकीमी चहिं खुइ आन बाक्‍तीके पुक्‍खी सेल्‍तीनी” दे हुइक्‍ताक्‍मी। यसैया ५६:७, येरमीया ७:११

मर्कूस 11:17

“जात जात ङा मुरपुकीमी एकेर प्रार्थना पामेक्‍ल दे आं खिं वोइश्‍शो बाक्‍त दे ब्रेक्‍शो बाक्‍बा, ममाइ ङा? गेपुकीमी चहिं खुइपुकीमी खुइ पा चाक्‍शा आन बाक्‍तीके पुक्‍खी सेल्‍तीनी” दे हुइक्‍तीमी बाक्‍त। यसैया ५६:७; येरमीया ७:११

लूका 19:46

मिनु येसुमी मेको आन कली “परमप्रभु यावे आ लोव़मी ‘आं खिं आं कली प्रार्थना पचा कली बाक्‍ब’ दे ब्रेक्‍शो बाक्‍ब। तन्‍न गेपुकीमी चहिं खुइ आन बाक्‍तीक पुक्‍खी सेल्‍तीनी” दे हुइश्‍शा खेरमी बाक्‍त। यसैया ५६:७; येरमीया ७:११

लूका 24:27

साइ नेसी मोसा नु परमप्रभु यावे आ लोव़ पाइबपुकीमी ख्रीस्‍त आ पर्बम मार मार ब्रेक्‍शो बाक्‍मा, मेको नेल्‍ल शेंदीम्‍सी बाक्‍त। ब्‍यवस्‍था १८:१५; भजन संग्रह २२:-; यसैया ५२:१३-५३

ब्‍यवस्‍था 16:19

निसाफ हेंथे मपने। कुल मकोव़ङीन। घूस मजने। मारदे हना घूसमी जोक्‍ब तुइक्‍ब मुर आन मिक्‍च सिल्‍ब। मिनु ठीक पाइबमी घूस जशा दूली लोव़ पाइब। १सामुएल ८:३

याकूब 1:27

मखाल्‍थु ठीक पा थमा सुइक्‍तीके दोदेंशो बाक्‍ब देंशा हना, रोम रोइक्‍च नु वोंइश बेक्‍शो मीश मुर श्‍येत जामेनु, वारच पचा नु थमा मसुइक्‍ब पाप पाइब आन खोदेंशो पाप काइ मपचा, मेको इं आफ, परमप्रभु यावे आ ङोंइती ठीक पा थमा सुइक्‍तीके बाक्‍ब।

१ सामुएल 8:3

तन्‍न मेको निक्‍शीमी आस आफोम पशो खोदेंशो मपाम्‍से बाक्‍त। क्‍येट पाइश्‍शो दुम्‍चा कली घूस जाम्‍से बाक्‍त। दूली निसाफ पाम्‍से बाक्‍त। ब्‍यवस्‍था १६:१९