यसैया 1:2 - Sunuwar Bible

² सरीङ नु रागीम बाक्‍बपुकी नोफा दाइश्‍शा नेनीन। मारदे हना परमप्रभु यावेमी “गो आं आल आन कली थुल्‍शा, कोल्‍पाइक्‍तामी। मेकोपुकीम चहिं आं कली मटीयीमी। ब्‍यवस्‍था ३२:१; ब्‍यवस्‍था ३२:५-६

यसैया 1:2 ပူးပေါင်းရင်းမြစ်များ

२ राजा 21:22

मेकोम परमप्रभु यावे, आ किकी पिपी आन परमप्रभु कली प्रोना बाक्‍त। मेको परमप्रभु यावे आ लांम मगाक्‍माक्‍त।

भजन संग्रह 49:1

जात जात ङा मुर नेल्‍ले, नेनीन।

भजन संग्रह 50:4

मेकोमी आ मुर आन कली निसाफ पचा कली सरीङ नु रागी ङा नेल्‍ल आन कली ब्रेप्‍ब। ब्‍यवस्‍था ३२:१; यसैया १:२

यसैया 30:1

मिनु परमप्रभु यावेमी “आबी, गे काइ मटीब आलपुकी, गे आंम इन मिम्‍शो पाइनीनी। तन्‍न आं देंशो मटीनीनी। गे कबल का पाइनीनी। तन्‍न आं दाक्‍शो मिम्‍शो कबल ममाइ। पाप तारी पाप तेम्‍नीनी। यसैया १:२

यसैया 30:9

मारदे हना एको मुर काइ मटीब बाक्‍नीम। थमा मसुइक्‍ब आल बाक्‍नीम। मेको आलपुकीमी परमप्रभु यावे आ शेंतीक लोव़ नेंचा मदाक्‍नीम।

यसैया 31:6

ए इस्राएली, गे हेंथे पा शुश ङोन लाइबपुकी, परमप्रभु गे ले‍तीन। येरमीया ७:३-५

यसैया 34:1

गे रागी रागी ङा मुर, आं नेक्‍था जाक्‍कीने। जात जात ङा मुर नोफा दाइश्‍शा नेनीन। रागी नु रागीम बाक्‍शो मारेइ मारेइम नेन्‍मेक्‍ल।

यसैया 63:16

गे आंइ आफ बाक्‍नीनी। मिनु अब्राहाममी आंइ कली मतुइश्‍‍शो बाक्‍त। इस्राएलम आंइ कली मतव। गे, परमप्रभु यावे, आंइ आफ, आंइ श्‍येत रे प्रोंइब बाक्‍नीनी। मेको साइ रे इन नें बाक्‍ब। ब्‍यवस्‍था ३२:६

यसैया 65:2

गो काइ मटीब मुर आन कली नाक्‍त रे आं गुइ हाम्‍शा वारच पाइक्‍चा माल्‍ता। मेकोपुकी आंम आन दला दाक्‍स पा मरिम्‍शो लां ला खोइक्‍तेक्‍म। रोमी १०:२१

येरमीया 13:15

नोफा दाइश्‍शा नेनीन। ठेयब लेश्‍शो मदुमीन। मारदे हना परमप्रभु यावेम लोव़ पाप्‍तु।

येरमीया 22:29

ए रागी, रागी ङा मुर नेल्‍ल, परमप्रभु यावे आ लोव़ नेनीन।

येरमीया 3:22

मिनु मेकोमी “थमा सुइक्‍ने मचाप्‍ब आलपुकी लेतीन। इन थमा सुइक्‍ने मचाप्‍तीके सापाइक्‍नन्‍नी” देंत। मिनु मेकोपुकीमी “दुम्‍ब, गो इन गे लेश्‍शा, जाक्‍नीकी। मारदे हना गे परमप्रभु यावे, आंइ परमप्रभु बाक्‍नीनी।

येरमीया 31:9

मेकोपुकी ङाक्‍ना ङाक्‍न जाक्‍नीम। गो मेको आन कली शिशी पा लेश्‍शा चाक्‍नुङमी। गो मेको आन कली खोला आ नेक्‍था गाक्‍पाइक्‍नुङमी। दाइल मपांइसीचा ङा पित्‍थ लांम खुल्‍नुङमी। मारदे हना गो इस्राएल आ आफ दुम्‍शो बाक्‍नुङ। मिनु एफ्राइम आं ङोंइती जरमेशो तौ बाक्‍ब।

येरमीया 6:19

रागी नेल्‍ल नेनीन। गो एको मुर आन कली ठेयब श्‍येत चाक्‍नुङ। मेको श्‍येत आन पशो आ पा ङा बाक्‍ब। मारदे हना मेकोपुकीमी आं पचा देंशो लोव़ मपामे। मिनु आं शेंशो लोव़ काइ मटीम। यसैया १:२

इजीकीएल 24:3

एको मटीब खिं ङा मुर आन कली, एको कथा नेंपाइक्‍मी। परमप्रभु, परमप्रभु यावेमी मार देंब देंशा हना ‘मी तार ग्‍योंब कादीन। मिनु मेकेर ब्‍वाक्‍कु लुक्‍तीन। इजीकीएल ११:३

इजीकीएल 36:4

मोपतीके गे इस्राएल ङा पहाडपुकी, परमप्रभु, परमप्रभु यावे आ लोव़ नेनीन। परमप्रभु यावेमी डांडा, पहाड, खोल्‍सा, बेंसी, ब्रेश्‍शो सहर नु मुर मबाक्‍शो सहर गे इन कली इन एर ओंथ बाक्‍शो मुरपुकीमी रोइक्‍ताक्‍म। मिनु रिश्‍शा इन कली आइक्‍च सेल्‍तेक्‍म।

आमोस 3:1

इस्राएल ङा मुरपुकी, परमप्रभु यावेमी इन पर्बम लोव़ का पाप्‍तु। मेको लोव़ नेनीन। मेकोमी “एको लोव़ इजीप्‍त रागी रे आं चाक्‍शो खिं ङा मुर नेल्‍ल आन पर्बम बाक्‍ब।

मीका 1:1

परमप्रभु यावेमी मोरेशेथ ङा मीकाह कली लोव़ पाप्‍तु। मेना यहूदा रागीमी योथाम पिप बाक्‍त। मेको आ नोले आहाज नु मेको आ नोले हिज्‍कीयाह पिप दुम्‍ताक्‍स। मिनु मेको परमप्रभु यावे आ लोव़ नु आ कोंइतीके सामरीया नु यरूसलेम आस पर्बम बाक्‍त। येरमीया २६:१८; यसैया १:१

मीका 1:2

मिनु परमप्रभु यावेमी मार कोंइशो नु देंशो बाक्‍त देंशा हना “जात जात ङा मुर, गे नेल्‍लेमी नोफा दाइक्‍तीन। रागी नु मेकेर बाक्‍ब नेल्‍लेमी नेनीन। परमप्रभु, परमप्रभु यावे आ बाक्‍तीके रे पा इन मरिम्‍शो पशो आ पर्बम सांकछी दुम्‍ब।

मीका 3:8

तन्‍न गो सक्ति पाइश्‍शो बाक्‍नुङ। गो परमप्रभु यावे आ सोक्‍ती, ठीक निसाफ पतीके नु आ सक्तिम ब्रीशो बाक्‍नुङ। गो याकूब आ हेंथे पशो नु इस्राएल ङा मुर आन पाप शेंचा कली मोदेंशो दुम्‍शो बाक्‍नुङ। यसैया ५८:१

मलाकी 1:6

मिनु मुर नेल्‍ल आन परमप्रभु यावेमी आ नें आइक्‍च सेल्‍ब चढ़ेब आन कली “तौपुकीमी आन आफ कली मान पाइनीम। मिनु गेय पाइबपुकीमी आन होव़प कली यो मान पाइनीम। गो इन आफ नङ हना, मारदे आं कली मान मपाइनीनी? गो इन होव़प नङ हना, मारदे आं कली मान पा महिंनीनी?” देंत। मिनु गेपुकीमी “गो दोपा इन नें आइक्‍च सेल्‍का?” देंतीनी। प्रस्‍थान २०:१२

प्रेरित 4:20

गो निक्‍शी चहिं आंस मिक्‍चीम तशो नु आंस नोफामी नेंशो लोव़ मदेंथु मचाप्‍नस्‍कु। मेको रुपीन” देंसा बाक्‍त।

ब्‍यवस्‍था 1:31

मिनु गोरशो रागीम गेपुकी गाक्‍नीनु, आफोम आ तौ कली कुरशो खोदेंशो पा, परमप्रभु यावे, इन परमप्रभुमी इन कली एक जाक्‍ची सम्‍म कुरशो बाक्‍त। गे आंमा तुइक्‍नीनी। ब्‍यवस्‍था ८:५; प्रस्‍थान १९:४

ब्‍यवस्‍था 30:19

गो मुलाक्‍ती सरीङ नु रागी कली इन ङोंइती सांकछी वोइक्‍नुङ। गो इन कली ब्रोंइचा नु बेक्‍चा, आसीक नु सराप इन कली कोंइताक्‍ङ। गे नु इन चच युइ ब्रोंइतीक योव़ङीन। ब्‍यवस्‍था ४:२६

ब्‍यवस्‍था 32:1

“सरीङ, गो मार देंनुङा, नोफा दाइश्‍शा नेनो। रागीम, आं लोव़ नेनल। यसैया १:२

ब्‍यवस्‍था 4:26

गो मुलाक्‍ती सरीङ नु रागी कली इन दूली पशो आ पर्बम सांकछी वोइक्‍नुङ। गे यर्दन आइक्‍ची हांबु ङा इन के सेल्‍चा चिक्‍शो रागीम रीब पा खतम दुम्‍नीनी। गे शुश नाक्‍त मेकेर बाक्‍चा मताइनीनी। गे क्‍याम्‍चा पुंइसीनीनी। ब्‍यवस्‍था ३०:१९; ब्‍यवस्‍था ३१:२८; ब्‍यवस्‍था ३२:१;