यसैया 1:18 - Sunuwar Bible

¹⁸ मिनु परमप्रभु यावेमी “जाक्‍कीन, गोपुकी बुक्‍शा, लोव़सी पय। इन पाप हुश खोदेंशो लल बाक्‍त हना यो, फुं खोदेंशो बुश दुम्‍ब। शुश लल बाक्‍त हना यो, मेको ऊन खोदेंशो बुश दुम्‍ब। यसैया ४४:२२; भजन संग्रह ५१:९

यसैया 1:18 ပူးပေါင်းရင်းမြစ်များ

अय्‍युब 9:33

आंस दातेम गारपाइक्‍ब सुइ मबाक्‍म। आंस दातेम गुइ वोइक्‍ब सुइ मबाक्‍म।

भजन संग्रह 51:7

गे हिस्सोप के ब्राक्‍सुमी आं पाप क्‍याम्‍दीन। मिनु आं पाप क्‍याम्‍सीशो बाक्‍ब। मिनु आं कली चिक्‍तीनी। मिनु गो फुं क्‍येङा बुश दुम्‍नुङ। प्रस्थान १२:२२-२३; यसैया १:१८

भजन संग्रह 51:9

इन कुल आं पाप रे ख्रुइक्‍तीन। मिनु आं मरिम्‍शो पशो नेल्‍ल क्‍याम्‍दीन।

यसैया 1:23

इ सासन पाइबपुकी मटीब नु खुइ आन वारच दुम्‍शा, घूस जशा, क्‍येट ताक्‍चा दाक्‍नीम। मेकोपुकीम रोम रोइक्‍च आन कली ठीक निसाफ मपाइनीम। वोंइश बेक्‍शो मीश मुर आन लोव़ मनेंनीम” देंत।

यसैया 3:13

परमप्रभु यावेमी निसाफ पचा चिक्‍शो बाक्‍ब। मेकोमी मुर आन कली निसाफ पाइब।

यसैया 41:1

परमप्रभु यावेमी “समुन्‍द्र आ नेक्‍था बाक्‍ब मुरपुकी सिक्‍सी पा आं लोव़ नेनीन। जात जात ङा मुरपुकीम आन सक्ति लेंशा तामेक्‍ल। मिनु मेकोपुकी आं नेक्‍था जाक्‍शा, लोव़ पामेक्‍ल। गो काथा निसाफ पतीकेम बुक्‍य।

यसैया 41:21

परमप्रभु यावेमी “इन लोव़ मार बाक्‍बा, देनीन। थमा बाक्‍ब, दे कोंइदीन, दे गो, याकूब आ पिपमी देंनुङ।

यसैया 44:22

गो इ पाप गोस्‍स खोदेंशो पा जाम्‍पाइक्‍ता। इ हेंथे पशो यो क्‍याम्‍ताक्‍ङ। गे आं गे लेतो। मारदे हना गो इ कली पाप रे प्रोंइतन। यसैया ४३:२५

यसैया 50:8

“गे रिम्‍शो पाइब बाक्‍नेवे” देंब आं नेक्‍था बाक्‍ब। गो नु सु लडाइ पाइबा? कालेमी बोक्‍शा राप्‍य। दोस गेब, सु बाक्‍मा? मेको आं ङोंइती जाक्‍मल। रोमी ८:३३

यसैया 55:7

परमप्रभु यावे आ अरेशो मटीबमी आन लां प्रोन्‍मेक्‍ल। मिनु ठीक मपाइबमी आन मरिम्‍शो मिम्‍शो प्रोन्‍मेक्‍ल। परमप्रभु यावे गे लेम्‍मल। मिनु मेकोमी मेको आन कली शिशी पाइब। मेकोपुकी आंइ परमप्रभु गे लेम्‍मल। मारदे हना मेकोमी शुश माफ गेब। इजीकीएल १८:२७; इजीकीएल ३३:१; भजन संग्रह १३०:४

येरमीया 2:5

परमप्रभु यावेमी मार देंत देंशा हना “इन किकी पिपीम आं कली मार, दोस गेयीमी? मारदे आं कली प्रोंइशा, ङोन लमा? मेकोपुकी शोर गाक्‍शो मूर्ति आन नोले खोइक्‍तेक्‍म। मिनु मेको यो शोर गाक्‍शो दुम्‍तेक्‍म। मीका ६:३

इजीकीएल 18:27

तन्‍न परमप्रभु यावे आ अरेशो मटीब मुरुम आ मटितीके प्रोंइशा, आं अरेशो ठीक गेय पाप्‍तु हना, मेको ब्रोंइब।

इजीकीएल 33:16

मेको आ पशो तेकोइ पाप ममिम्‍सीब। मेकोमी आं अरेशो लोव़ नु ठीक गेय पाप्‍तु। मेको थमा पा ब्रोंइब।

मीका 6:2

गे डांडापुकी नु गेना हना यो लीब रागी ङा जग, परमप्रभु यावेमी दोपा निसाफ पाइबा, मेको नेनीन। मारदे हना मेकोमी आ मुर आन कली निसाफ पचा चिक्‍शो बाक्‍ब। आ दोस गे‍शो नोफा दाइश्‍शा नेनीन। मारदे हना आ मुर आन कली मेको के लोव़ बाक्‍ब। मेकोम इस्राएल कली निसाफ पाइब।

प्रेरित 17:2

पावल हिरशा गाक्‍मेनु, सहर सहर ङा यहूदी आन ग्रुम्‍तीक खिं खिं ओव़शा शेंबाक्‍माक्‍त। मोपा थिस्‍सलोनीकी सहरमी यो ग्रुम्‍तीक खिं लशा, शेंचा गोवा बाक्‍त।

प्रेरित 18:4

नाइक्‍तीक नाक्‍ती पावल यहूदी आन ग्रुम्‍तीक खिं लशा, यहूदी नु ग्रीक नेल्‍ल आन कली ख्रीस्‍त आ पर्बम रुप्‍पदुमी, दे शेंबाक्‍माक्‍त।

प्रेरित 24:25

मिनु पावलमी “ठीक पशो नु ठीक मपशो मार बाक्‍बा, इं थुं नु रां कली दोपा अरेचा नु परमप्रभुमी मुर नेल्‍ल आन कली निसाफ पाइब” दे शेंदानु, फेलीक्‍स हिंशा “लो मोक्‍ल, मुलाक्‍ती ओशो ला लोव़ पय। इ लोव़ दीसा नित्‍थ लेंशा नेंनुङ” दे सोइक्‍ता बाक्‍त।

रोमी 5:20

परमप्रभु यावेमी आ अरेशो लोव़ ब्रेक्‍पदा रे पाप तुइक्‍ना तुइक्‍न लाम्‍तेक्‍म। मिनु पाप ठेयब दुम्‍मेनु, परमप्रभु यावे आ शिशी मेको क्‍येङा ठेयब दुम्‍त। रोमी ७:८,१३; गलाती ३:१९

प्रकाश 7:14

मिनु गोमी “हजुर, गो मतुइक्‍नुङ, गे तुइक्‍नीनी” देंती। मिनु मेको खाल्‍पामी “मेकोपुकी ठेयब श्‍येत रे जाक्‍तेक्‍म। मिनु मेको आन मरिम्‍शो पतीके लुम्‍सीशो वा पाठा आ हुशेमी मुरतीके बुश दुम्‍त। मत्ती २४:२१; प्रकाश १२:११

१ सामुएल 12:7

मिनु गे आं ङोंइती बाक्‍कीन। गो परमप्रभु यावे आ ङोंइती गेपुकी नु लोव़ पाइनुङ। परमप्रभु यावेमी इन कली नु इन किकी पिपी आन कली दोपा प्रोना, मेको इन कली देंनुङ।