होसे 9:9 - Sunuwar Bible

⁹ गिबा ङा नाक्‍त खोदेंशो पा मेकोपुकी काइ मरिम्‍शो गेय पाम्‍तेक्‍‍म। परमप्रभु यावेमी मेको आन मरिम्‍शो पशो मिम्‍शा सजाइ गेब। होसे १०:९; न्‍यायाधीस १९:२२-३०; न्‍यायाधीस २०:१३

होसे 9:9 ပူးပေါင်းရင်းမြစ်များ

प्रस्‍थान 32:7

मिनु परमप्रभु यावेमी मोसा कली “डांडा रे तोंइसो। इजीप्‍त रे ग्रुंइशा चाक्‍शो इ मुरपुकीमी आन द‍ला दाक्‍स पा पाप पाम्‍तेक्‍म।

यसैया 24:5

रागीम बाक्‍ब मुरपुकीमी रागी कली खतम सेल्‍नीम। मारदे हना मेकोपुकीमी परमप्रभु यावे आ अरेशो मटीम। परमप्रभु आ फुल्‍लुम मुशा ब्रेक्‍शो लोव़ कली ममिम्‍तेम। आ गेना हना यो लीब कबल पशो मखबेम।

यसैया 31:6

ए इस्राएली, गे हेंथे पा शुश ङोन लाइबपुकी, परमप्रभु गे ले‍तीन। येरमीया ७:३-५

येरमीया 14:10

परमप्रभु यावेमी मेको मुर आन पर्बम “मेकोपुकी थमा पा हिरना हिरन बाक्‍नीम। हेंथे गाक्‍चा दाक्‍नीमी। थमा पा ठीक लां मगाक्‍‍नीम। मोपतीके परमप्रभु यावेम मेको आन कली मब्राइब। मुल मेकोमी आन मरिम्‍शो पशो आ पर्बम मिम्‍ब। मिनु मेको आन कली आन पाप आ पर्बम सजाइ गेब” देंत।

इजीकीएल 21:28

ए मुर, गे चहिं आं लोव़ पावो। गो, परमप्रभु, परमप्रभु यावेमी अम्‍मोनी नु मेको आन शुक्‍शी पशो आ पर्बम मार देंनुङ देंशा हना “साइक्‍चा कली तरवार शोइश्‍शो बाक्‍ब। साइक्‍चा कली शेप्‍शा टल्‍केशो बाक्‍ब। मेको चिला खोदेंशो पा दाप्‍ब बाक्‍ब। इजीकीएल २५:२-७

होसे 10:9

गे इस्राएलीपुकीमी गिबा आ नाक्‍त रे पाप पाइतीनी। मिनु मुल सम्‍म पाप पना पन बाक्‍नीनी। गिबा ङा मरिम्‍शो पाइब मुर आन कली मार, लडाइमी मसदमे ङा? होसे ९:९

होसे 4:9

मिनु मुरपुकी दोदेंशो बाक्‍मा, मोदेंशो चढ़ेबपुकी बाक्‍नीम। गो मुरपुकी नु चढ़ेब नेल्‍ल आन कली सजाइ गेनुङ। मेकोपुकीमी दोदेंशो पामे, मोदेंशोन सजाइ गेनुङ।

होसे 5:8

गिबामी तुराही नु रामाह सहरमी ग्रोव़ ताप्‍पीन। बेथ-आवेनमी लडाइ ङा तुराही ताप्‍पीन। बेन्‍यामीन ङा मुरपुकी ङोंइती बारीन। २राजा १५:३७; यसैया ७:१-९; होसे ४:१५

होसे 7:2

गो मेको आन मरिम्‍शो पशो नेल्‍ल तुइश्‍शा मिम्‍नुङ। मेकोपुकीम मतुइक्‍नीम। मेकोपुकीमी मरिम्‍शो ला पाइनीम। मिनु मेको आन पाप गेना हना यो आं ङोंइती बाक्‍नीम” देंत।

होसे 8:13

मेकोपुकीमी आं कली चढ़ेनीम। मिनु श्‍ये ब्‍वाइनीम। तन्‍न परमप्रभु यावे मेकोपुकी नु मग्‍येरसीशो बाक्‍ब। मुल परमप्रभु यावेमी मेको आन मरिम्‍शो पशो मिम्‍शा, मेको आन कली सजाइ गेब। मिनु मेकोपुकी इजीप्‍त रागीमी लेश्‍शा लाइनीम।

होसे 9:8

परमप्रभु यावेमी आ लोव़ पाइब कली एफ्राइम कली कोव़ब सेल्‍तु। मेको आ लां नेल्‍लेमी चिक्‍ब रेत्‍तीक ब्‍वारद खोदेंशो बाक्‍नीम। आ परमप्रभु आ खिंमी यो मेको कली काइ मदाक्‍नीम।

सेफन्‍याह 3:7

मो पङा नोले मेको सहर ङा मुरपुकी आं कली तशा मान पा हिंनीम। आं देंशो पाइनीम, दे मिम्‍ताङ। तन्‍न मेकोपुकीमी ङोंइती क्‍येङा मरिम्‍शो गेय पाम्‍तेक्‍म” देंत।

न्‍यायाधीस 19:12

तन्‍न लेवीमी “गो इस्राएली अरु मुर आन सहरम मलाइनीक। गिबा सहरमी लय।

न्‍यायाधीस 19:16

मिनु खाल्‍पा का आ रूमी गेय पा नाक्‍दो खिं लेश्‍शो बाक्‍माक्‍त। मेको खाल्‍पा एफ्राइम ङा पहाडी रागी ङा बाक्‍माक्‍त। तन्‍न गिबामी बेन्‍यामीन आ थर ङा सहरम बाक्‍बाक्‍माक्‍त।

न्‍यायाधीस 19:22

मेकोपुकी ग्‍येरसीशा बाक्‍शो बाक्‍मानु, सहर ङा मरिम्‍शो मुरपुकीमी मेको खिं कली दि दा रे पा पुम्दमे बाक्‍त। मिनु खिं ङा लाप्‍चो कली ख्रोकोल पना पन “इ खिंमी ओव़ब मुर कली लाङगा ग्रुंइदो। गोपुकी मेको नु इप्‍नीकी” दे ग्रीमा बाक्‍त। उत्‍पत्ती १९:५-८

न्‍यायाधीस 20:43

मेकोपुकीमी बेन्‍यामीन आ थर ङा मुर नेल्‍ल कली मनाइक्‍थु, खेदा पामे बाक्‍त। मिनु नोहा रे गिबा आ नां दाप्‍तीके सम्‍म मेको आन कली खेदा पा साइश्‍शा ग्रामा बाक्‍त।