होसे 8:8 - Sunuwar Bible

⁸ इस्राएल खतम पोक्‍चा पुंइसाक्‍व। मुल मेकोपुकी रागी रागी ङा मुर आन दातेमी शोर गाक्‍‍शो मुर खोदेंशो दुम्‍शो बाक्‍नीम। येरमीया २२:२८

होसे 8:8 ပူးပေါင်းရင်းမြစ်များ

२ राजा 18:11

मिनु मेकोमी इस्राएली आन कली ग्‍याइश्‍शा अस्‍सुर लाइक्‍मी बाक्‍त। मिनु मेको आन कली हालाह, गोजान ङा खोला हाबोर आ नेक्‍था नु मादी आन सहरम बाक्‍पाइक्‍मी बाक्‍त।

यसैया 30:14

दोदेंशो पा मुरुमी खप के ग्‍योंब बोल्‍यो पा प्रोल्‍नीमी, मेको के चुप्‍लु रे मी कोइला गुप्‍चा नु कुवा रे ब्‍वाक्‍कु ताप्‍चा ङा टुक्रा का यो मलीबा, मोदेंशो पा प्रोल्‍चा पुंइसीनीनी” देंत।

येरमीया 22:28

मार, एको कोन्‍याह माइश्‍शो मुर सुइम मदाक्‍शो ब्रोल्‍शो ग्‍योंब खोदेंशो बाक्‍बा ङा? मेको मोदेंशो ग्‍योंब कली सुइम ममाल्‍नीम। मोपतीके मेको नु मेको आ आल आन मतुइश्‍शो रागीम ताइक्‍चा पुंइसीनीमी?’ ” देंत। कोन्‍याह माइश्‍शो येहो-याकीम आ तौ कली येकोन्‍याह यो देंनीम। येरमीया २४:१

येरमीया 25:34

गे गोठलापुकी रोंका पने। मिनु वाइ ब्रेश्‍शा ङाक्‍कीन। गे मेको बगाल ङा लां कोंइबपुकी पुलुम दिङ दाङ गोलीन। मारदे हना इन कली क्‍योरशा साइक्‍तीक नाक्‍त जाक्‍शो बाक्‍ब। गेपुकी गोल्‍नीनी। मिनु शुश क्‍येट लाइब ग्‍योंब खोदेंशो पा प्रोल्‍चा पुंइसीनीनी। येरमीया २३:१

येरमीया 48:38

मोआबी आन खिं तारी नु लां मेर रोंका पशो ङा लाक्‍शा अर्को मारेइ मनेंसीब। मारदे हना गो मोआब कली सुइम ममाल्‍चा ङा ग्‍योंब खोदेंशो पा प्रोल्‍ता” दे परमप्रभु यावेमी देंत।

येरमीया 50:17

इस्राएल गुप्‍सपुकीम खेदा पा एर ओंथ ब्रपाइश्‍शो भेडा खोदेंशो दुम्‍शो बाक्‍ब। मेको कली ङोंइती अस्‍सुर ङा पिपम दाक्‍तु। मिनु नेल्‍ल क्‍येङा नोले बेबीलोन ङा पिप नेबुकदरेसरमी मेको आ रुश नेल्‍ल नेक्‍तु” देंत।

येरमीया 51:34

सियोनमी “बेबीलोन ङा पिप नेबुकदरेसरमी आं कली दाक्‍ती। आं कली खतम सेल्‍ती। आं कली श्‍येत्‍थ गर खोदेंशो सेल्‍ती। आं कली अजीङगरम खोदेंशो पा दाक्‍ती। मिनु ब्रोव़शो जचा थोव़कम खोदेंशो पा आ कोव़ज प्रिंताक्‍व। मिनु नोले आं कली ताइक्‍ताक्‍यी।

बिलाप 2:16

इ जोरी सत्रु नेल्‍लेमी इ पर्बम मरिम्‍शो लोव़ पा शुक्‍शी पाइनीम। मेकोपुकीमी आन गाइक्‍तीकेमी “गो मेको कली खतम सेल्‍तक। एको नाक्‍ती कोव़चा कली रिम्‍ताक्‍क। मुल गो ताइतक” देंनीम।

बिलाप 2:2

परमप्रभुमी शिशी मपथु याकूब आ बाक्‍तीक नेल्‍ल खतम सेल्‍तु। मोपा चुरशा यहूदा आ तमी आ गारो हिरशो सहर नेल्‍ल खतम सेल्‍तु। मेकोमी मेको राज्‍य नु आ सासन पाइब आन कली मान मताइब, आइक्‍च सेल्‍तु।

बिलाप 2:5

मुल परमप्रभु सियोन आ जोरी सत्रु खोदेंशो दुम्‍त। मेकोमी इस्राएल कली खतम सेल्‍तु। आ दरवार नेल्‍ल आन कली खतम पोक्‍तु। आ गारो ङा लाइश्‍शो खिं नेल्‍ल प्रेत्‍तु। मिनु यहूदा आ तमी कली शुश रोंका नु हिशेक पपाइक्‍तु।

बिलाप 4:2

सियोन आ दाक्‍शो आलपुकी, ङोंइती सुन खोदेंशो मिम्‍शो बाक्‍तेक्‍म। मुल खप के ग्‍योंब खोदेंशो दुम्‍तेक्‍म।

बिलाप 5:2

आंइ थेरशो रू अर्को रागी ङा मुर आन के दुम्‍त। आंइ खिं यो अर्को रागी ङा मुर आन के दुम्‍तेक्‍म।

इजीकीएल 36:3

मोपतीके आं लोव़ पावो, परमप्रभु, परमप्रभु यावेमी ‘मारदे हना मेकोपुकीम इन कली नेल्‍ल मुर मबाक्‍तीके सेल्‍शा, एर ओंथ रे श्‍येत गेम्‍तेक्‍म। मिनु गे रागी रागी ङा लीशो मुर आन रागी दुम्‍तीनी। मिनु गे मुर आन दातेम शुक्‍शी पाइक्‍तीक दुम्‍शो बाक्‍तीनी।

लेवी 26:33

गो इन कली रागी रागी ङा मुर आन दातेमी ब्रपाइक्‍नुङ। मिनु लडाइ तोपाइश्‍शा, इन कली खेदा पपाइक्‍नुङ। मिनु इन रागी श्‍येत्‍थ नु इन सहरपुकी गोरशो सेल्‍नुङ।

रोमी 9:22

परमप्रभु यावेमी आ गाइश्‍शो कोंइताक्‍व हना, मरिम्‍शो पाइब आन कली शुश फाल्‍शो बाक्‍त हना यो, नोले ला खतम दुम्‍पाइक्‍ब। रोमी २:४; हितोपदेस १६:४

ब्‍यवस्‍था 28:25

मिनु परमप्रभु यावेमी इन कली इन जोरी सत्रु आन ङोंइती ब्रुपाइक्‍ब। गेपुकी मेकोपुकी नु लडाइ पथ लां कामी लाइनीनी, मिनु ब्रुशा शाउ शिउ ब्रशा ७ ओटा लां रे प्रोक्‍चा माल्‍नीनी। मिनु राज्‍य राज्‍य ङा मुर नेल्‍ल आन ङोंइती ग्रांग्रा दिशो दुम्‍नीनी।

ब्‍यवस्‍था 28:64

मिनु परमप्रभु यावेमी इन कली जात जात ङा मुर आन दातेमी फ्राइब। मिनु गेपुकीमी मेकेर ङा इन किकी पिपी नु इन मतुइश्‍शो शी नु फुल्‍लु के देवी देवता आन कली गेय पाइनीनी।